फिलिप्पि 3:8 - Muria Far Western

⁸ अचोने आयो, नना नावोर प्रबु येसु मसिना बारेते आपुनतुन समजेमायानाता किमत दुसरो सबोयताल हजोर मन्ता इदाम पुन्ज नेन्डवनाह इव सबोय पोल्लोंगतुन वियार लेहका समजेमास ओव सबोयतुन तासिस नष्ट सहेन कितान।

फिलिप्पि 3:8 Iomraidhean Croise

लूका 1:43

नावा प्रबुना अवहारि नावा हेरे वायानाता इद आशिष नाकुन पुटान साटि नना अचोन लायक मन्तोनान बहे?

लूका 11:20

मति येसु इन्तोर, नना परमेस्वरना लावदे दुष्टात्मातुन पसियस हिन्तोना ते परमेस्वरना राज्य खरोय मिया हेरे वाता।”

युहनाल 14:20

अनि नना आपुना बाबोनिगा मन्तोना अनि निमाट नावागा अनि नना मियागा मन्तोना इन्जोर ओद दिया निमाट पुन्किट।

युहनाल 14:7

अनि निमाट नाकुन पुन्ज मनेरिट ते नावोर बाबोन वने निमाट पुन्ज मनेरिट। अनि इदेकताल ओन पुन्तोरिट अनि ओन हुळतोरिट वने।”

युहनाल 16:3

अनि ओरक बाबोन पुनोरक अनि नाकुन वने पुनोरक इन्जोर ओरक इदाम कियानुरक।

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

युहनाल 17:8

बाक्याकि निमा नाकुन हितोन अद पोल्लो नना ओरकुन अविहतोना। अनि ओरक अदेन स्विकार कितुरक अनि नना नियाकेडाल वातोनान इन्जोर खरोय पुतोर अनि निमाय नाकुन लोहतोन इन्जोर विस्वास कितोरक।

युहनाल 20:13

अनि ओरक अदेन इतुरक, “हे बायि निमा बाक्या किलिला आतोन?” ओद ओरकुन इतु “ओरक नावोर प्रबुन ताहचुन ओतोरक अनि ओन बगा इरतोरक” इन्जोर नना पुनोन।

युहनाल 20:28

अनि इद केन्जुन थोमा उत्तर हितुर, “हे नावोर प्रबु अनि हे नावोर परमेस्वर!”

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

रोमि 8:18

वायार ओद मुनेटा काळते मावागा दिसार ओद महिमाता मुने इद बेराता दुःख अनि पकाय तकलिप बारायि हिले इदाम नना समजेमान्तोना।

रोमि 8:39

मावोर प्रबु येसुनिगा मन्ता परमेस्वरना मयाताल माकुन अलग किया परोर इन्जोर नना खरोय पुन्तोना।

१ कुरिन्थुस 2:2

मियासंग मन्दान बेरा येसु मसिना बारेते अनि ओना कुरुस पोरो हायानातुन तासिस दुसरो बोदे पोल्लोतुन दुसरो बोदे पोल्लोंग पुन्दाना इच्चा केवोन।

१ कुरिन्थुस 9:10

इंगो! खरोय इद पोल्लो माकुन साटि कोटतोर। बाक्याकि डन्डतिगा नांगेल पुहवाल मानेय अनि वन्जिंग विसवाल मानेय आपुना हिसा पुटान साटि आशाते बुतो किन्तोर।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

गलाति 1:16

आपुनोर मरि मसिना बारेता सोबाता पोल्लो यहुदि आयोर लोकुरकुन प्रचार कियान साटि मसिन नावागा तोहाना निर्णय किस नाकुन केयतुर ओद बेरा नना बोरे मानेयनिकेडाल बोदे सल्ला येतोन,

इफिसुस 4:13

अनि बचोनवनाह विस्वासतिगा अनि परमेस्वरना मरिना अग्यानतिगा उन्दि आस मसि बदाम संपुर्ण मन्तोर अदाम माक वने ओना लेहकाय उन्दि संपुर्ण मानेय बनेहमायनावनाह मन्ता।

फिलिप्पि 1:1

मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।

फिलिप्पि 3:10

येसु मसिन अनि ओना असा जिवेमायानाता लावतुन पुन्दाना,

फिलिप्पि 3:12

नाकुन इव पोल्लोंग पुटिहच या नना परिपूर्ण आतान इदाम वने आयो मति इद लक्षसाटिय येसु मसि नाकुन आचतोर इन्जोर ओद लक्षतिके अवाना साटि मुने हन्दिला आतोना।

फिलिप्पि 3:7

मति बोव-बोव पोल्लोंग नावा फायदाता मतांग, अवेकुन नना मसिना कारण बेकार समजेमातोना।

२ तिमुति 4:6

बाक्याकि नावा जिवातुन परमेस्वर साटि बलिदान कियाना बेरा वात अनि नावा पोरो हन्दाना बेरा वने हेरे वाता।

यहुदि 3:14

बाक्याकि माक येसुनिगा विस्वास किता केवल ओद पहलेटा दियातांग विस्वासतिगा आपुना जिवाता आकरिवनाह मजबुते मनकाट ते माक मसिना सहभागि आसोर मनकाट।

१ पतरस 2:7

विस्वास किन्तोरक मिया साटि ओद पकाय किमति मन्ता, मति बोर विस्वास केवोरक ओरा साटि “मिस्रि लोकुरक बेकार ठहरे किस मतोर ओद कल लोन बनेकियाना पायवाता विशेषाल कल आतु।”

२ पतरस 1:2

परमेस्वर अनि मावोर प्रबु येसुना पुन्दानाता कारण दया अनि शान्ति मियागा पकाय विळसोर हनि।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

२ पतरस 1:8

बाक्याकि इव सबोय गुणंग मियागा मन्तांग अनि अदेना विकास आयिला आता ते मावोर प्रबु येसु मसिना पुरा ग्यानता बारेते हलकायिते बुतो किस पकायि कायांग ततान साटि मिकुन मदत किन्ता।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।

१ युहनाल 1:3

बाताल आयि माक हुळतोम अनि केन्जान्तोरोम ओदेना बारेते माक मिकुन वने वेहतोम बाक्याकि निमाट वने मावासंग संगवारि आम्ट। अनि मावा संबन्दते बाबोना अनि ओनोर मरि येसु मसिना संग मन्ता।

१ युहनाल 2:19

ओर लोकुरक मावोर मसिलोकुरा सभातिगाडाले पसियतोरक मति ओरक खरोय विस्वासि लोकुरक आयोरक बाक्याकि ओर लोकुरक मावागाडाल मन्ज मनेर ते मावासंग मनेर। मति ओर लोकुरक इदाम पसियस हतुर इन्जोर ओर सबोयलोरक खरोय विस्वासि लोकुरक आयोर इदाम प्रगट आन्ता।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।