फिलिप्पि 3:20 - Muria Far Western

²⁰ मति मावा खरोय जन्मभुमि ते स्वरगतिगा मन्ता, अनि अगडाल प्रबु येसु मसि मावा पिसवाल आस वायनुर इन्जोर माक पकाय इच्चाते हर हुळसोर मन्तोम।

फिलिप्पि 3:20 Iomraidhean Croise

मत्ति 19:21

येसु ओन, “निमा परिपूर्ण आयाना इच्चा किन्तोन ते हन्जुन आपुना धनसंपतितुन मोमस गरिबकुन हिम अनि वास नावा चेला आम अनि निकुन स्वरगतिगा निया धन जमा आयार” इन्जोर इतुर।

लूका 12:21

परमेस्वरना मुने धन बनेकेवोर आस आपुना साटि धनसंपति डगि किन्तोर ओर मानेय इदाम आन्दुर।”

लूका 14:14

अदाम कियाकि ते निमा धन्य मानेय आयकि, बाक्याकि ओरिगा निकुन बदला हियान साटि बाराय हिलेंग अनि परमेस्वरना मुने येताना योग्य लोकुरा असा जिवे मायाना दिया निमा गरिब, विकलांग, लंगळाह, आन्दळाह लोकुरकुन तिहतोन ताना बदला परमेस्वर हियानुर” इन्जोर इतुर।

बुतोंग 1:11

अनि ओरकुन “हे गलीलितोरक मानेयक, निमाट बाक्या नितस आबारतिके हुळिला आतोरिट? ओर मिया हेरेटाल स्वरगापोरो ताहच ओतोर येरे येसुन बोद रितिते निमाट ओन स्वरगतिगा हन्दानपा हुळतोरिट ओदे रितिते ओर असा मलस वायनुर” इन्जोर इतुर।

१ कुरिन्थुस 1:7

अदेनते पवित्र आत्मा परमेस्वरना बुतो कियान साटि विस्वासि लोकुरकुन हियाना बोदे वरदानतिगा बाताले कमि मिकुन हिले आस निमाट मावोर प्रबु येसु मसिना असा मलस वायाना पकाय ध्यान किस हर हुळिला आतोरिट।

१ कुरिन्थुस 15:48

अनि पुरकातोर मानेय तोळियतोर मन्तोर अदामे दुनियातोर सबोय लोकुरक वने ओना लेहकाय मन्तोरक। मति दुसरो मानेय स्वरगताल मन्तोर इन्जोर स्वरगतिगा मन्वालोरक ओर सबोय लोकुरक वने ओना लेहकाय मन्तोरक।

२ कुरिन्थुस 4:18

अनि माक दिसान्ता ओव चिजकुन आयो मति बाहरो दिसोंग ओव चिजकुन हुळसोर मन्तोरोम बाक्याकि दिसान्ता ओव चिजक मारिच दान्ता मति दिसोंग ओव चिजक अनन्त काळ साटि मन्तांग।

२ कुरिन्थुस 5:8

इन्जोर माक पकायि हिमते मन्तोरोम इदाम नना वेहान्तोना। अनि इद मेन्दुलताल अलग आस माक प्रबुनसंग मन्दाना पकायि इच्चा किन्तोरोम।

गलाति 4:26

अनि सारा पोरोयता दुसरो आळ स्वरगता येरुसलेम लेहका मन्ता। ओद अब्राहिमना मुत्ते आन्द दासि आयो इन्जोर ओद मावा याल आन्दु।

इफिसुस 2:19

इन्जोर साटि निमाट यहुदि आयोर लोकुरक इदेक दुसरो देशतोर अनि मुसाफिर हिलविट मति पवित्र लोकुरासंग अनि आपुना देशतोरक अनि परमेस्वरना लोतोर आतोरिट।

इफिसुस 2:6

बाक्याकि माक येसु मसिनासंग मन्तोरोम इन्जोर परमेस्वर माकुन मसिनासंग असा जितो कितुर अनि येसु मसिना संगेय स्वरगता सिंहासनतिगा उपहितुर।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

१ तिस्लुनि 1:10

परमेस्वर हातोरिगाडाल जितो कितुर आपुनोर मरि, अनि माकुन वायानाता हजोर होंगताल पिसहानुर ओर येसु मसिना मल्स वायाना हर हुळसुन माक बदाम मूरति पुजा विळिचुन परमेस्वरनिके वातोम इन्जोरक ओरक वेहान्तोरक।

१ तिस्लुनि 4:16

बाक्याकि प्रबु पकाय जोरदे आग्या हियानुर अनि मुक्याल स्वरग दूतना लेंग अनि परमेस्वरना पिपारिता लेंग केन्जवायार असके स्वरगताल प्रबु आपुनास रेयानुर, असके येसु मसिनिगा विस्वास किसुन हातोर ओर लोकुरक पहले असा जिवेमायनुरक।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

यहुदि 12:22

मति निमाट स्वरगतिगा मन्ता सिय्योन मटाता हेरे अनि जिवित परमेस्वरना सहेर मन्ता स्वरगिय येरुसलेमतिगा अनि लाख लाख स्वरगदूतकना हेरे निमाट अवतोरिट।

यहुदि 9:28

अदामे मसि वने पकाय लोकुरकुन पापता मापि साटि उन्दि बेरा बलिदान आतुर अनि ओर दुसरो बेरा असा दिसानुर-लोकुरा पापता मापि हियान साटि आयो मति आपुना साटि हर हुळिला आतोरक लोकुरकुन पिसान साटि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:7

“हुळाट, ओर आबारता ढगिंगते वायवाल मन्तोर, अनि सबोय लोकुरक ओन हुळानुरक, अनि बोरक ओन बरशिते गुहच मन्दुरक अनि ओनाय कारण दुःख किन्तोरक दुनियाता सबोय जातितोरक वने ओन हुळानुरक”, इंगो। खरोय आमिन।