फिलिप्पि 3:14 - Muria Far Western

¹⁴ अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

फिलिप्पि 3:14 Iomraidhean Croise

लूका 16:16

मूसाना नियता पुस्तक अनि परमेस्वरना पोल्लो वेहवालोरकना बेरा बपतिस्मा हेवाल युहन्नाना बेरावनाह मता। बपतिस्मा हेवाल युहन्नाना पजा परमेस्वरना राज्यता बारेते करिचोरिंग मन्दुर अनि पकाय लोकुरक अदेना बारेते केन्जुन परमेस्वरना राज्यतिगा वायान साटि कोसिस किन्तोरक।

रोमि 11:29

परमेस्वर आचुन वरदान हिन्तोर ओर लोकुरा बारेते ओर बसकेय आपुना मन बदले केवोर।

१ कुरिन्थुस 9:24

वितना करसानातिगा जिकान साटि पकाय लोकुरक हिसा येतान्तोरक। मति बकसिस वरोनेय पुटान्ता इन्जोर निमाट पुनविट बहे? इन्जोर निमाट वने हजोर बकसिस साटि विताट।

२ कुरिन्थुस 4:17

मावा घळिमेटा तकलिप मावा साटि पकाय महत्वता मन्ता बाक्याकि अदेनते अनन्त जिवनता महिमा उत्पन्न आयाना कारण आन्ता। इद महिमा दुसरो बगाय पुटो।

फिलिप्पि 3:3

बाक्याकि परमेस्वरना आत्माता मदतते परमेस्वरना आरादना किस केवल येसु मसिनिगा हजोरपण किस मेन्दुलता पोरो कियानाता बोदायि रिवाजते भरोसा केवोम ओरक खरोय कतना केवाल लोकुरक माक आन्दोम।

कुलुसि 2:18

दर्शनता द्वारा पुटता इन्जोर लोकुरकुन आग्याता पोल्लो वेहच बोरायि मानेय नाटक किस पकाय नम्रता लेहका आपुनतुन तोहच अनि स्वरगदूतकना पुजा किस दुसरो लोकुरक वने इदाम कियाला पहाजे इदाम वेहचुन बोरे मिकुन दोखा हेमाकिर। मति इद सबोय मुर्खताता पोल्लो मन्ता बाक्याकि ओरा पापते निन्दिता गमन्डि मन्दे ओरक इदाम पोल्लोंग वळकान्तोर।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

यहुदि 3:1

ओद कारणते, परमेस्वर संगे केयतोर पवित्र लोकुरक हे बायि-दादालोरक, ओर परमेस्वरना खास राजदूत अनि माक वेहान्तोरोम मावा विस्वासता हजोर याजक मन्तोर ओर येसुनाय बारेते निमाट पकाय ध्यान किम्ट।

यहुदि 6:1

इन्जोर खराब बुतोताल पस्तेमास परमेस्वरनिगा विस्वास कियाना,

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:21

नना वने विजय आस आपुना बाबोनासंग ओना सिंहासनतिगा उदिता लेहका बोर जिकानुर ओन नना नावासंग नावा सिंहासनतिगा उदाना साटि अदिकार हियाका।