फिलिप्पि 3:1 - Muria Far Western

¹ इदेक हे नावोर बायि-दादालोरक, निमाट प्रबुना संगते मन्तोरिट इन्जोर गिरदाते मन्ट! मिकुन असा-असा वने खोटाल करिहवालोरा बारेते कोटसोर मन्तोना ते नाकुन बाराय तकलिप आयो मति इद मिया सुरक्षा साटि मन्ता।

फिलिप्पि 3:1 Iomraidhean Croise

मत्ति 5:12

स्वरगतिगा मिया प्रतिफळ पकाय हजोर मन्ता इन्जोर पकाय गिरदा किम्ट। ओरक मिया मुने मतोर ओरक परमेस्वरना पोल्लो वेहवालोकुरकुन वने इदे रितिते पकाय तकलिप किस मतोर।”

लूका 1:47

अनि नावा आत्मा नावोर पिसवाल परमेस्वरताल पकाय गिरदा आत,

रोमि 5:11

इचोने आयो, माकुन परमेस्वरनासंग सोबाय संबन्द असा पुटाना कारण मन्तोर मावोर प्रबु येसु मसिना द्वारा माक परमेस्वरना मुने पकायि गिरदा किन्तोरोम।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

इफिसुस 6:10

आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

फिलिप्पि 3:3

बाक्याकि परमेस्वरना आत्माता मदतते परमेस्वरना आरादना किस केवल येसु मसिनिगा हजोरपण किस मेन्दुलता पोरो कियानाता बोदायि रिवाजते भरोसा केवोम ओरक खरोय कतना केवाल लोकुरक माक आन्दोम।

फिलिप्पि 4:4

प्रबुनिगा दरोज गिरदाते मन्ट, अनि निमाट गिरदाते मन्ट इन्जोर नना असा वने इन्तोना।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 4:1

इन्जोर हे बायि-दादालोरक, बदाम निमाट मावाकेडाल योग्य चाल चलन ताकाना अनि परमेस्वरतुन गिरिदा कियाना करियतोरिट, अदाम निमाट ताकिन्तोरिट अनि असा वने विळसोर हन्ट इन्जोर माक मिकुन विनन्ति किस समजेकिन्तोरोम।

१ तिस्लुनि 5:16

अनि दरोज गिरदाते मन्ट

याकुब 1:2

हे नावोर बायि-दादालोरक, निमाट पकाय अलग अलग तकलिपते अरान्तोरिट असके,

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 4:13

मति मसिना पकायि तकलिपतिगा सहभागि आन्तोरिट इन्जोर गिरदा किम्ट! अदेनते ओर महिमाते प्रगट आयान बेरा निमाट पकाय गिरदा कियाकिट।

२ पतरस 3:1

हे प्रिय गोतियालोरक, नना इदेक मिकुन दुसरो पत्र कोटान्तोना।