फिलिप्पि 2:3 - Muria Far Western

³ केवल आपुना फायदा साटि अनि आपुना हजोरपण साटि बारायि बुतो केमाट मति आपुनतुन हुळिलोर बनेमास दुसरोन आपुनताल हजोर समजेमास सबोय बुतोतुन किम्ट।

फिलिप्पि 2:3 Iomraidhean Croise

लूका 18:14

असके येसु इन्तोर, “येर पापि मानेय परमेस्वरना मुने येताना योग्य आस येर आपुना लोतिके हतुर। मति परीसि मानेयसंग इदाम आयो आत। आपुनतुन हजोर समजेमान्तोर ओन हुडलोर किहिनुर मति आपुनतुन हुडलोर समजेमान्तोर ओन हजोर किहिनुर” नना मिकुन चेतेकिसुन इन्तोना।

रोमि 12:10

निमाट वरोन दुसरोन हेलाळ तमोना लेहका मया किसोर मन्ट अनि आपुनताल दुसरोन पकाय महत्वतोर समजेमास ओरा आदर किम्ट।

रोमि 13:13

अनि लोकुरक दियाता वेळिचितिगा बदाम सोबाय बुतो किस जिवे मान्तोर अदामे माक वने सोबाय बुतो किस जिवेमायिला पहाजे। माकुन जेवेकियाना साटि केयानातिगा हन्जुन दाळंगो उन्जुन गलति रितिता गिरदाते मन्दाना आयो, अनि व्यभिचार किस खराब जिवन जिवे मायमाट। अनि माक दुसरोन हेवा किस वाहचमाट।

रोमि 2:8

मति आपुना स्वार्थिपनते खरोय रितिते ताकोर मति अदरम किन्तोरक ओर लोकुरकुन परमेस्वर होंग किस पकाय दन्ड हियानुर।

१ कुरिन्थुस 15:9

बाक्याकि नना येसुना सबोय खास चेलानिगाडाल नाकुन बाताले महत्व हिले अनि नना परमेस्वरना सभातुन पकाय तकलिप हिस मतोना इन्जोर नना येसुना खास चेला इन्दानता योग्य वने हिलेन।

१ कुरिन्थुस 3:3

बाक्याकि निमाट इदेक वने परमेस्वरतुन पुनोर लोकुरक लेहका ताकान्तोरिट। मियागा हेवा अनि वाहचाना आन्ता ते निमाट बाताल परमेस्वरतुन पुनोर दुनियाता लोकुरक लेहका अनि मानेयना नियमता अनुसार ताकविट लोकुरक लेहका हिलविट बहे?

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

गलाति 5:15

मति बदाम जानवर आपसते पल्क कसकुन वाहचानतांग अदामे निमाट वने वरोन दुसरोनसंग वाहचान्तोरिट ते निमाट आपसते वरोन दुसरोना नाश केवि आयकिट इन्जोर हुशयार मन्ट।

गलाति 5:26

माक वरोन दुसरोन छेळे किस, हेवा किस बेकारता घमेन्ड केवाट।

इफिसुस 4:2

सबोय नम्रताते कोमलताते अनि धिरजतासंग दरोज व्यवहार किम्ट अनि मयाते वरोर दुसरोन सहन किम्ट।

इफिसुस 5:21

मसिना आदरते वरोर दुसरोना अदिकारते मन्ट।

फिलिप्पि 2:14

चतराल अनि हेकळ लोकुरा नडुम निमाट परमेस्वरना निरदोष अनि पवित्र बालकना गुण तोहिला पहाजे। इन्जोर बोदे बुतो कियानपा मन्दे बळबळेमास अनि विवादते केमाट। इदाम कियाकिट ते बोरे मिकुन दोष लावे केवोर आयनुर। चतराल अनि हेकळ लोकुरा नडुम अन्दकारता जागादिगा बदाम वेळिचि मान्जता अदाम लेहका निमाट परमेस्वरना पोल्लो वेहच इद दुनियातिगा ताकसोर मन्ट।

कुलुसि 3:12

परमेस्वर मिकुन आचकुन मिकुन पवित्र बनेहकितुर। अनि परमेस्वर मिकुन पकाय मया किन्तोर। इन्जोर सहानुभुति, दया, नम्रता, कोमलता, अनि सहनशिलतातुन दुसरो लोकुरासंग दरोज प्रगट किसोर मन्ट।

कुलुसि 3:8

मति इदेक निमाट वने इव सबोयकुन होंग, सन्ताप, वेयरभाव, चाहळिंग अनि खराब खराब वळकाना इव सबोय पोल्लोंग तासिम्ट।

१ तिमुति 6:4

अनि बोरे इदाम गलति उपदेश किन्तोर ओर घमन्ड केवाल मन्तोर मति ओर बाताले खरोय पोल्लोतुन पुनोर। अनि ओर आपुना बेकार उपदेशतुन लोकुरा हेरे ओसुन अदेना बारेते दरोज वाद-विवाद अनि ओद पोल्लोता अर्थता बारेते तर्क कियाना साटि खराब आदत मन्ता। अनि इदाम बहस पोल्लोता द्वारा हेवा कियाना, वाहचाना, चाहळिंग, अनि दुसरोनिगा खोटाल अनि संशय कियाना इदाम खराब पोल्लोंग पसिन्तांग,

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 5:5

इदे रितिते हे लयोरक, निमाट वने मुक्याल लोकुरा अदिकारते मन्ट, अनि निमाट सबोय लोकुरक नम्रताते वरोर दुसरोना सेवा कियान साटि तयारिते मन्ट, बाक्याकि “आपुनतुन हजोरपण केवालोरकुन परमेस्वर विरोद किन्तोर, मति परमेस्वर गरिब लोकुरकनिगा दया किन्तोर।”