फिलिप्पि 2:2 - Muria Far Western

² इन्जोर निमाट उन्दि मन्दते, उन्दि मयाते, उन्दिय विचारते मन्ज अनि उन्दिय इच्चाते मन्दाना; इदाम नावा गिरदा पुरा किम्ट।

फिलिप्पि 2:2 Iomraidhean Croise

युहनाल 3:29

अनि दुलहिनसंग मरमिंग कियाला दान्तोर ओरे दुलहाल आन्दुर। मति दुलहालना गोतियाल ओना हेरे नितस दुलहान केन्जान्तोर, अनि ओर दुलहाना पोल्लोते पकाय गिरदा आन्तोर इदाम लेहका नना वने येसुनोर मदत केवाल गोतियाल आन्दान अनि ओना बारेते केन्जुन इदेक नावा गिरदा पुरा आतु।

बुतोंग 1:14

हुचुक आसक, येसुना अवहारि मरियम अनि येसुना तमोलोरासंग उन्दि मन आस प्रार्थना किसोर मतोरक।

बुतोंग 2:1

यहुदि लोकुरा पिन्तिकुस्त हनुमता दिया वातु असके प्रबु येसुना चेलालोरक सबोय येरुसलेम सहेरतिगा उन्दि लोतिगा जमा आस मतोरक।

बुतोंग 2:46

अनि विस्वासि लोकुरक दरोज उन्दि मन आस प्रार्थना लोतिगा जमा आन्दुरक अनि लोहक लोहक रोटिंग किळिहिच गिरदा अनि मन्दा खरोयते जेवन किन्दुरक,

बुतोंग 5:12

येसुना खास चेला लोकुरा कयदे पकाय चिन्ह अनि चमत्कारता बुतो लोकुरा नडुम तोहन्दुर अनि ओरक सबोय उन्दि मन आस सुलेयमान राजाना मन्डातिगा जमा आन्दुरक।

रोमि 12:16

निमाट सबोय लोकुरासंग सोबाय संबन्द इराट, घमन्ड केमाट अनि दुसरो लोकुरक हुडलोर समजेमान्तोरक इदाम सबोय लोकुरासंग निमाट सोबाय संबन्द इराट, अनि केवल आपुनतुने बुद्धिमान समजेमायमाट।

१ कुरिन्थुस 1:10

हे बायि-दादालोरक, निमाट सबोय आपसते उन्दिय जिवा आस मिया नडुम बोदे फुट आयमाकि अनि उन्दिय मन अनि उन्दिय विचारते मिलेमास मन्दिला पहाजे इन्जोर मावोर प्रबु येसु मसिना अदिकारते नना मिकुन विनन्ति किन्तोना।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

२ कुरिन्थुस 2:3

अनि नना मिया हेरे वायाना बेरा नाकुन गिरिदा हेवालोर लोकुरकनिकेडाल नाकुन दुःख आयमाकि इन्जोर नना इद पोल्लो मिकुन कोटतान। नावा गिरिदा मिया सबोय लोकुरा वने गिरिदा मन्ता इन्जोर नाकुन मिया सबोय लोकुरा बारेते पका विस्वास मन्ता।

२ कुरिन्थुस 7:7

केवल ओना वायानाते आयो मति निमाट ओन हिता हिमते माकुन शान्ति पुटतु। अनि निमाट नाकुन हुळिलाय पकाय इच्चा किन्तोरिट अनि नावासंग मता मिया दुःखता संबन्दता बारेते पकाय दुःखते नावासंग निमाट असा मजबुत संबन्द कियाना पकाय इच्चा किन्तोरिट इन्जोर तितुस मिया बारेते वेहतुर। अदेन केन्जुन नावा गिरिदा असा पकाय विळतु।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

फिलिप्पि 2:20

बाक्याकि खरोय मन्दते मिया मदत कियान साटि नाकुन तिमुथियुसिन लेहका दुसरो बोरे मानेय हिलेर।

फिलिप्पि 4:2

प्रबुनिगा उन्दि मन्दे मनिर इन्जोर नना युवादिया अनि सन्तुखे पोरोयतोर लोकुरकुन समजेह किस विनन्ति किन्तोना।

कुलुसि 2:5

नना मियाताल लक मन्तोना ते वने दरोज मिया बारेते विचार किस मिया हेरे मन्तोना अनि मिया व्यवस्थित जिवनतुन अनि मसिनिगा मिया पकाय मजबुत विस्वास हुळस गिरदा आन्तोना।

२ तिस्लुनि 2:13

हे बायि-दादालोरक, प्रबु मिकुन मया किन्तोर। अनि परमेस्वर मिकुन सबोय बनेकियानता मुने आचतुर इन्जोर माकुन मिया बारेते दरोज परमेस्वरना धन्यवाद हियाला पहाजे। बाक्याकि पवित्र आत्मा मिकुन पवित्र बनेकिन्तोर अनि निमाट आपुना विस्वास सच्चायिते किन्तोरिट।

२ तिमुति 1:4

अनि माकुन अलग कियानपा निमा पकाय किलति अदेन नना आलहान्तोना असके निकुन असा मिलेमासुन गिरदा आयान साटि नना पकाय इच्चा किन्तोना।

फिलेमोन 1:20

इंगो, हे तमो अनि मावोर प्रबु मसिना विस्वास केवाल नियाकेडाल नाकुन उन्दि मदत किम, नावासंग मसिना सेवा केवालोर आस नावा जिवातुन गिरदा हेवि।

२ यहुनाल 1:4

मिया बालकिन बाबोनिकेडाल पुटता आग्या अनुसार खरोयता हरिते ताकिन्तोरक, अदेन हुळसुन नना पकाय गिरदा आतान।

३ युहनाल 1:4

नावोर बालक खरोयते ताकान्तोर इदाम केन्जानाताल हजोर गिरदा नाकुन दुसरो बोदायि हिले।