फिलिप्पि 2:17 - Muria Far Western

¹⁷ मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

फिलिप्पि 2:17 Iomraidhean Croise

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

बुतोंग 21:13

मति पोलुस ओरकुन उत्तर हितुर: “निमाट किल्स नावा मन्दुन बाक्या दुःख किन्तोरिट? नना ते प्रबु येसुना पोरोय साटि केवल दोहान साटिय आयो मति येरुसलेमतिगा हायिला वने तयार मन्तोना” इन्जोर इतुर।

रोमि 12:1

ते नावोर बायि-दादालोरक, परमेस्वर मावा सबोयलोरकुन दया कितोर इन्जोर निमाट आपुना जिवनतुन उन्दि बलिदान लेहका परमेस्वरतुन सबोय रितिते सोपे किस परमेस्वर साटि पवित्र अनि गिरदा आयार इदाम जिवन जिवेमाम्ट। इदे परमेस्वरना आरादना कियाना मिया खरोय रिति मन्ता इन्जोर नना मिकुन विनन्ति किन्तोना।

रोमि 15:16

बाक्याकि निमाट परमेस्वर साटि उन्दि बलिदानता अर्पण लेहका निमाट पवित्र आत्माते पवित्र बनेमास परमेस्वरना येताना योग्य बनेमायिला पहाजे इन्जोर आलिहच हियान साटि नना इद पत्रतिगा मिकुन हुचुक पोल्लोंग साप-साप कोटस हिन्तोना।

२ कुरिन्थुस 12:15

नना पकाय गिरिदाते नावा कयते बाताल मन्ता ओद सबोय मिया लोकुरक साटि खरचा कियाका अनि आपुनतुन वने सोपेकियाका। नना मिया लोकुरकुन पकाय मया किन्तोना ते निमाट लोकुरक नाकुन कमि मया कियाकिट बहे?

२ कुरिन्थुस 4:12

इदाम माक ते हायानासंग लळेमासोर मन्तोरोम मति इदेनते मिया आत्मिक जिवन बरसोर दान्ता।

२ कुरिन्थुस 6:10

माक दुःख कियान साटि पकाय पोल्लोंग मन्तांग ते वने माक दरोज पकाय गिरिदाते मन्तोरोम, माक गरिब लेहका मन्तोरोम ते वने माक दुसरो लोकुरकुन सावकार बनेकिन्तोरोम, मावा हेरे बाताले हिले ते वने सबोय मावाय मन्ता।

२ कुरिन्थुस 7:4

नाकुन मियागा पकाय विस्वास मन्ता अनि नना मिया लोकुरकनिगा पकाय हजोरपण किन्तोना इदेनते नाकुन पकाय शान्ति वने पुटान्ता अनि आपुना सबोय तकलिपतिगा नना पकाय गिरिदाते मन्तोना।

फिलिप्पि 1:20

अदाम नना बोदायि पोल्लोते लज्जा आयोन आयका। मति नना जिवित मनका या नना हायका ते वने येसु मसि नावा जिवनतिगा मुनेटाल लेहकाय इदेक वने हजोर आयनुर इन्जोर नना पकाय हिमते आशा किन्तोना।

फिलिप्पि 2:18

इंगो, अदामे निमाट वने गिरदाते मन्ट अनि नावासंग गिरदा किम्ट।

फिलिप्पि 2:30

बाक्याकि ओर आपुना जिवनते दोखा सहेनकिस मसिना बुतो किसोर किसोर हायनुर अचोन बिमारिते आतोर। इदाम निमाट नावा साटि किया परविट ओद सेवातुन ओर इगा नावा संगे मन्ज नाकुन हितुर।

फिलिप्पि 4:18

इदेक नावा जरुरता सबोय चिज नावा हेरे मन्ता अनि पकाय वने मन्ता। निमाट लोहता ओद दान परमेस्वर साटि सोबाय मन्ता उन्दि दयमुर बलिदान लेहका परमेस्वरिन गिरदा किन्ता ओना येताना योग्य बलिदान लेहका इप्पफ्रुदितुसना कयदाल स्विकार किस नना पकाय संतुष्ट आतान।

कुलुसि 1:24

इदेक मिया साटि पकाय तकलिप मन्ता इन्जोर नना गिरदा आतोना अनि इद पकाय तकलिपतुन सहेनकियाना जिमेदारि येसु मसिनिकेडाल ओना मेन्दुल मन्ता ओना मसिलोकुरा सभा साटि नावा मेन्दुलतिगा पुरा किन्तोना।

१ तिस्लुनि 2:8

इदाम माक मिकुन मया किसोर मतोम, केवल परमेस्वरना सोबाता पोल्लो वेहान साटि आयो मति आपुना जिवा हियाला वने माक तेयार मतोम, बाक्याकि निमाट माकुन प्रिय मन्तोरिट।

२ तिमुति 4:6

बाक्याकि नावा जिवातुन परमेस्वर साटि बलिदान कियाना बेरा वात अनि नावा पोरो हन्दाना बेरा वने हेरे वाता।

१ पतरस 2:5

निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ युहनाल 3:16

अनि ओर मावा साटि आपुना जिवा हितुर इदेनतेय माक मया बाताल इन्जोर पुतोम। इन्जोर माक वने तमोन साटि आपुना जिवा हियाला पहाजे।