फिलिप्पि 2:1 - Muria Far Western

¹ मसिनासंग पकाय सोबाय संबन्द मन्तोरिट इन्जोर निमाट हिमते मन्तोरिट। अनि मसिना मयाते मन्तोरिट इन्जोर मिकुन शान्ति मन्ता। अनि पवित्र आत्माता द्वारा मिक दुसरो लोकुरासंग संगत मन्ता। अनि मिया मया अनि दया दुसरो लोकुरक साटि मन्ता।

फिलिप्पि 2:1 Iomraidhean Croise

लूका 2:25

येरुसलेम सेहेरतिगा शिमोन पोरोयतोर वरोर मानेय मतोर, अनि ओर मानेय परमेस्वरना मुने येताना योग्य अनि परमेस्वरना भक्ति केवाल मतोर। अनि ओर इस्रायेल लोकुरा लेहचियाना साटि पोसिंदुर, अनि ओनिगा पवित्र आत्मा मन्तोर।

युहनाल 14:18

अनि नना मिकुन अनाथ इरोन आयका; नना मिया हेरे वायका।

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

युहनाल 17:13

मति हे बाबो, इदेक नना निया हेरे वायिला आतोना, इन्जोर नना पकाय गिरदा मन्तोना। अनि नना दुनियातिगा मन्दानपा इव पोल्लो साटि प्रार्थना किन्दान बाक्याकि बदाम नना गिरदाते मन्तोना अदामे नावोर चेलालोरक वने गिरदाते मन्दिला पहाजे।

बुतोंग 2:46

अनि विस्वासि लोकुरक दरोज उन्दि मन आस प्रार्थना लोतिगा जमा आन्दुरक अनि लोहक लोहक रोटिंग किळिहिच गिरदा अनि मन्दा खरोयते जेवन किन्दुरक,

बुतोंग 4:32

प्रबु येसुनिगा विस्वास कितोरक उन्दि मन अनि उन्दि जिवाते मतोरक; ओरक आपुना धन संपतितुन नावा संपति इनोर आन्दुरक इन्जोर ओरा हेरे मता सबोय चिज आपसते तुसिन्दुरक।

रोमि 5:5

अनि आशा माकुन बसकेय लज्जा आयिला हेवो बाक्याकि परमेस्वर माकुन पवित्र आत्मा हितोर अनि ओर पवित्र आत्माता द्वारा परमेस्वरना मया मावा मन्दिगा पकाय हितोर।

रोमि 8:26

इद रितिते पवित्र आत्मा वने मावा कमजोरितिगा मदत किन्ता। प्रार्थना बोद रितिते कियाला पहाजे इन्जोर माक पुनोम मति माक वळकानपा बोव पोल्लोंग मावा बोलिते पसियला परो ओद कनावेमायाना लेंगता द्वारा मावा साटि पवित्र आत्मा विनन्ति किन्ता।

१ कुरिन्थुस 12:13

बाक्याकि माक यहुदिलोकुरक या यहुदि आयोर लोकुरक या गुलाम या स्वतन्त्र मन्तोरक मति माक सबोय लोकुरक उन्दिय मेन्दुल आयान साटि वरोरे पवित्र आत्माताल बपतिस्मा आता। अनि उन्दि कटोराते उताप लेहका माक सबोय लोकुरक परमेस्वरताल उन्दिय पवित्र आत्मातुन पुटतोम।

१ कुरिन्थुस 15:31

हे नावोर बायि-दादालोरक, मावोर प्रबु येसु मसिनिगा मिया साटि नावा हजोरपण इदे मन्ता: नना दरोज हायानाता दोखाताल दान्तोना

१ कुरिन्थुस 3:16

निमाटे परमेस्वरना मन्दिर आन्दिट इन्जोर परमेस्वरना आत्मा मियागा मन्तोर इदाम बाताल निमाट पुनविट?

२ कुरिन्थुस 13:14

प्रबु येसु मसिना दया अनि परमेस्वरना मया अनि पवित्र आत्माता संगत मिया सबोयि लोकुरासंग आसोर मनि।

२ कुरिन्थुस 2:14

मति मसिनिगा दरोज माकुन विजयता गिरिदातिगा ओन्तोर अनि मसिना बारेता ग्यान सोबाय दयमुर लेहका मावा द्वारा सबोय जागातिगा फयले किन्तोर ओर परमेस्वरना धन्यवाद आयि।

गलाति 4:6

बाक्याकि निमाट परमेस्वरना बालक मन्तोरिट इन्जोर “हे बाबो, हे बाबो” इदाम इन्ज केयान्तोरिट आपुनोर मरि मसिना आत्मातुन परमेस्वर मिया मन्दिगा लोहतोर।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

इफिसुस 4:4

बसके मिकुन केयस मतोर ते उन्दिय आशासाटि केयस मतोर इदामे उन्दिय मेन्दुल अनि उन्दिय आत्मा मन्ता।

फिलिप्पि 1:8

येसु मसिना मयाते मिया सबोय लोकुरकुन हुळान साटि नावा पकाय इच्चा मन्ता इन्जोर परमेस्वर गवाह मन्तोर।

फिलिप्पि 3:3

बाक्याकि परमेस्वरना आत्माता मदतते परमेस्वरना आरादना किस केवल येसु मसिनिगा हजोरपण किस मेन्दुलता पोरो कियानाता बोदायि रिवाजते भरोसा केवोम ओरक खरोय कतना केवाल लोकुरक माक आन्दोम।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

कुलुसि 3:12

परमेस्वर मिकुन आचकुन मिकुन पवित्र बनेहकितुर। अनि परमेस्वर मिकुन पकाय मया किन्तोर। इन्जोर सहानुभुति, दया, नम्रता, कोमलता, अनि सहनशिलतातुन दुसरो लोकुरासंग दरोज प्रगट किसोर मन्ट।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

१ पतरस 1:2

मिकुन दया अनि शान्ति पकाय पुटसोर मनि।

१ युहनाल 3:24

अनि बोर परमेस्वरना आग्यातुन मानेमान्तोर ओर ओनासंग अनि ओर ओनासंग मन्तोर अनि येसु मसि मावासंग मन्तोर इन्जोर ओर माकुन हितुर ओर पवित्र आत्माताल माक पुन्तोराट।

१ युहनाल 4:12

परमेस्वरदुन बसकेय बोरायि हुळोर माक आपसते मया कियाकाट ते परमेस्वर मावासंग मन्तोर अनि ओना मया मावागा पुरा आतु।

१ युहनाल 4:16

अनि इदाम परमेस्वर माकुन मया किन्तोर इन्जोर माक पुन्तोरोम अनि विस्वास किन्तोरोम। अनि परमेस्वर मया आन्दुर। अनि बोर दुसरो लोकुरकुन अनि परमेस्वरदुन मया किन्तोर ओर परमेस्वरनिगा मन्तोर अनि परमेस्वर ओनागाय मन्तोर।