फिलिप्पि 1:6 - Muria Far Western

⁶ इन्जोर, परमेस्वर मियागा सोबाय सेवा कियाना सुरु कितोर, ओर अदेन येसु मसिना असा मल्स वायानावनाह कियानुर अनि ओना असा मल्स वायानाते ओद बुतो पुरा आयार इन्जोर नाकुन इद पोल्लोता बारेते भरोसा मन्ता।

फिलिप्पि 1:6 Iomraidhean Croise

युहनाल 6:29

येसु ओरकुन उत्तर हितुर: “परमेस्वरना बुतो इद आन्दु, परमेस्वर लोहतोर नावा पोरो निमाट विस्वास किम्ट इन्जोर मन्ता।”

बुतोंग 11:18

ओरक इद केन्जचुन पतरसना विरोद वाद कियाना बन्द किस कमेक मतोरक: “असके ते परमेस्वर यहुदि आयोर लोकुरकुन वने अनन्त जिवन साटि पस्तेमायाना दान हितोर” इदाम इन्जुन परमेस्वरना महिमा कियाला लागतुर।

बुतोंग 16:14

लुदिया पोरोयता तुयाथिरा सहेरता मान्जिन्ता सुति सन्दरांग मोमे उन्दि भक्ते आळ केन्जसोर मता। ओद मसिना बारेता पोलुसना पोल्लोतुन समजेमायान साटि प्रबु अदेना मन्दुन तरियतुर।

१ कुरिन्थुस 1:8

मावोर प्रबु येसु मसि न्याय कियान साटि असा मलस वायाना दिया निमाट निरदोष मनकिट इन्जोर परमेस्वर मिकुन आकरिवनाह मजबुत इरानुर।

२ कुरिन्थुस 1:15

इदे विस्वासते मन्ता मिकुन असा उन्दि बेरा वने नाकुन मिलेमायाना सन्दि पुटि इन्जोर मिया हेरे वायका इदाम नना पहले योजना कितान।

२ कुरिन्थुस 2:3

अनि नना मिया हेरे वायाना बेरा नाकुन गिरिदा हेवालोर लोकुरकनिकेडाल नाकुन दुःख आयमाकि इन्जोर नना इद पोल्लो मिकुन कोटतान। नावा गिरिदा मिया सबोय लोकुरा वने गिरिदा मन्ता इन्जोर नाकुन मिया सबोय लोकुरा बारेते पका विस्वास मन्ता।

२ कुरिन्थुस 7:16

माकुन सबोय पोल्लोतिगा मियागा भरोसा मन्ता इन्जोर नना पकाय गिरिदा किन्तोना।

२ कुरिन्थुस 9:4

आयोते मकिदुनियाता बोरे विस्वासि लोकुरक नावासंग मियाके वायनुर अनि निमाट तयार मन्वि आयकिट इदाम हुळानुरक ते केवल निमाट आयो मति माक वने मिया बारेते मता ओद विस्वासता कारण लज्जा आयकोम।

गलाति 5:10

मियागा बोदायि दुसरो गलति करहाना आयो आयार इन्जोर नना प्रबुनिगा मिया बारेते भरोसा इरान्तोना। मति मिकुन बोर इदाम गलति करहाना किस मिकुन भळकेह किन्तोर ओर बोरायि मानेय मनिर ओन दन्ड पुटार।

इफिसुस 4:12

अनि ओर लोकुरा सेवाता द्वारा मसिना मेन्दुल मन्ता ओद मसिलोकुरा सभातुन मसिना संबन्दते मजबुत बनेहकियाना साटि परमेस्वरना सबोय लोकुरकुन तयार कियाना मन्ता।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 1:29

बाक्याकि केवल येसु मसिनिगा विस्वास कियाना आयो मति ओना साटि पकायि तकलिप सहेनकियाना वने मिकुन विशेषाल आशिरवाद मन्ता।

फिलिप्पि 2:12

इन्जोर हे नावोर प्रिय गोतियालोरक, निमाट दरोज आग्या मानेमासोर वातोरिट। अनि अदामे इदेक नावा लक मन्ज वने निमाट आग्यातुन असा वने पकाय मानेमासोर मन्ट। अनि वरियसोर अनि कसिंगसोर सोबाय बुतो किसोर परमेस्वर मिकुन हिता पिसहानाता सोबाय गुणतुनतुन तोहाट।

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

कुलुसि 2:12

अनि हातोरक मानेयतुन बदाम मिसिन्तोरक अदामे बपतिस्माता द्वारा मिकुन येसु मसिनासंग मिसितुरक। अनि परमेस्वर बदाम येसु मसिन हातोरिगाडाल असा जिवेहकितुर अदामे परमेस्वरना विस्वासता द्वारा ओना लावदे निमाट वने ओनासंग असा जिवेमातोरिट।

२ तिस्लुनि 1:11

इन्जोर मावोर परमेस्वर मिकुन केयतुर ओद केयानाता योग्य अनुसार हन्दान साटि मदत केविर, अनि सबोय इच्चा अनि विस्वासता सबोय बुतोतुन सोबाय पुराकियान साटि परमेस्वर मदत केविर इन्जोर माक मिया साटि दरोज प्रार्थना किन्तोरोम।

२ तिस्लुनि 3:4

निमाट मावा आग्याता पालन कियाला आतोरिट अनि अदामे किसोर मनकिट इन्जोर मियाबारेते पुरा भरोसा मन्ता बाक्याकि मिकुन परमेस्वरनासंग सोबाय संबन्द मन्ता।

फिलेमोन 1:21

निमा नावा आग्या पालन कियानाता बारेते नाकुन विस्वास मन्ता; अनि नना बाताल इनका अदेनते वने निमा पकाय कियाकि इन्जोर समजेमास नना कोटान्तोना।

यहुदि 10:35

इन्जोर पकाय हजोर प्रतिफळ पुटान्ता परमेस्वरनिगा मन्ता मिया पका विस्वासतुन तासिमाट।

यहुदि 12:2

अनि मावा विस्वासता कारण अनि मावा विस्वासतुन परिपूर्ण केवाल येसुये मन्तोर। इन्जोर माक ओर येसुनिके हुळसोर मुने वितिला पहाजे। ओर येसु ते भविष्य काळते ओन पुटार ओद पकाय हजोर गिरिदाता बारेते विचार किस कुरुस पोरो हायाना ओद लज्जातुन ध्यान केवोर आस हिमते ओद पकाय तकलिप सहेन किस हातुर। ओर इदाम हातुर इन्जोर ओर स्वरगतिगा परमेस्वरना सिंहासनता तिन्दान कयबासा हन्जुन पकाय हजोर आदरतिगा उदितुर।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

२ पतरस 3:10

मति प्रबुना दिया कलेर लेहका वायार, ओद दिया ब्रंमान्ड पकाय गुळजेमास बदलेमायार अनि दरतिता सबोय घटक पकायि कासाना कारण पिघले मायार, दरति अनि अदेना पोरोडा सबोय चिजक करानुंग।