फिलिप्पि 1:21 - Muria Far Western

²¹ बाक्याकि नना जिवित मनका ते मसि साटि जिवित मनका, अनि ओर नाकुन हव्कनुर ते नाकुन ओद फायदा मन्ता।

फिलिप्पि 1:21 Iomraidhean Croise

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

१ कुरिन्थुस 3:22

पोलुस, अपुलोस, पतरस, दुनिया, जिवन, हायाना अनि इदेकता पोल्लो अनि वायावाल सबोय पोल्लोंग मिया मन्तांग।

२ कुरिन्थुस 5:1

इगा दुनियातिगा मन्दाना तम्बु लेहका हुचुक दियांग साटि मन्ता इद दुनियातिगा मन्दाना योग्य मावा मेन्दुल नाश आयार अनि बोरे कयदे बनेकेवोर ओद अनन्तकाळ साटि परमेस्वर बनेकिता उन्दि लोन मन्जे स्वरगतिगा मन्दाना योग्य मेन्दुल मावा साटि स्वरगतिगा मन्ता इन्जोर माक पुन्तोरोम।

२ कुरिन्थुस 5:6

इन्जोर ओद पुनाल जिवन पुटार इदाम दरोज माकुन हिमत मन्ता। माक इद मेन्दुलतिगा मन्तोरोम अचोनवनाह माक प्रबुताल लक अनि परदेशि मन्तोरोम इन्जोर वने माक पुन्तोरोम।

२ कुरिन्थुस 5:8

इन्जोर माक पकायि हिमते मन्तोरोम इदाम नना वेहान्तोना। अनि इद मेन्दुलताल अलग आस माक प्रबुनसंग मन्दाना पकायि इच्चा किन्तोरोम।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

गलाति 6:14

मति मावोर प्रबु येसु मसि कुरुस पोरो हातुर अदेना कारण माकुन पुटता पिसानाता सोबाता पोल्लो वेहाना सिवायि दुसरो बोदे पोल्लोतिगा नना बसकेय घमन्ड केवोन आयका। अनि मसिना कुरुसता कारण संनसारिक दुनियाता पोल्लोतिगा मता नावा सबोय इच्चा नाश आतुंग अनि संनसारिक दुनियातुन नावागा मता सबोय इच्चा वने हातुंग।

फिलिप्पि 1:20

अदाम नना बोदायि पोल्लोते लज्जा आयोन आयका। मति नना जिवित मनका या नना हायका ते वने येसु मसि नावा जिवनतिगा मुनेटाल लेहकाय इदेक वने हजोर आयनुर इन्जोर नना पकाय हिमते आशा किन्तोना।

फिलिप्पि 1:22

मति नावा मेन्दुलते इद दुनियातिगा जिवित मनका ते येसु मसिन साटि पकाय फायदाता बुतो किया परान्तोना इन्जोर इव रन्डास पोल्लोतिगाडाल बोद पोल्लो आचका इदाम नना पुनोन।

फिलिप्पि 1:23

जिवित मनका या हायका इव रन्डु पोल्लोता नडुम नना हिरकतोना। मति हासुन स्वरगतिगा मसिना हेरे मन्दाना इन्जोर नना पकाय इच्चा किन्तोना, खरोय इदे पकाय सोबाय मन्ता।

फिलिप्पि 2:21

बाक्याकि दुसरो सबोय लोकुरक केवल आप-आपुना सोबाय साटि बुतोते मन्तोर मति येसु मसिना इच्चाता अनुसार बोरे बुतो केवोर।

कुलुसि 3:4

मसिहा मिकुन पुनाल जिवन हेवाल आन्दुर। ओर असा प्रगट आयनुर असके निमाट वने ओनासंग हजोर महिमाते प्रगट आयकिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:13

पजा नना स्वरगताल उन्दि शब्द केन्जतान, “कोटा: इदेकताल प्रबुना विस्वासते हातोरक हायवालोरक, धन्य मन्तोरक।” “इंगो! ओरकुन आपुना मेहनताल इदेक आराम पुटार बाक्याकि ओरा बुतोंग ओरासंग मन्ता” इन्जोर पवित्र आत्मा इन्तोर।