लूका 3:16 - Muria Far Western

¹⁶ अनि युहन्नाल सबोय लोकुरकुन उत्तर हितुर, “नना ते मिकुन एते बपतिस्मा हिंतोना, मति नावाताल वने पकाय लाववाले वरोर वायवाल मन्तोर; ओनांग करतांग हरपुहनांग डोरिनुंग टन्डाना वने नना लायिक हिलेन; ओर ते मिकुन पवित्र आत्माते अनि किसते बपतिस्मा हियानुर।

लूका 3:16 Iomraidhean Croise

मत्ति 3:11

नना मिकुन एरते पस्तेमायाना बपतिस्मा हिन्तोना, मति नावा पजा वायवाल मन्तोर ओर नावाताल लाववाले मन्तोर, ओना हरपुह ताहानाता नना योग्य हिलेन। ओर मिकुन पवित्र आत्माते अनि किसते बपतिस्मा हियानुर।

मत्ति 3:12

गोहक साप कियाना हेति ओना कयदे मन्ता, अनि ओर आपुना कळातुन सोबाय रितिते साप कियानुर, अनि आपुना गोहकुन टोलितिगा निहानुर मति भुसातुन बसकेय पियो आयार ओद किसतिगा पोतहानुर।”

युहनाल 1:26

“नना एते बपतिस्मा हिन्तोनान मति मिया नडुम दुसरो वरोर मानेय नितितोर ओर बोर आन्दुर इद निमाट पुनविट।

युहनाल 1:27

खरोय नावा परके वायवाले मन्तोर ओना हरपुहना डोरिंग लेहाना नावा लायकि हिले” इन्जोर युहन्नाल ओरकुन उत्तर हितुर।

युहनाल 1:33

नना ते ओन पुनोन आन्दान मति एरते बपतिस्मा हियान साटि नाकुन लोहतुर ओरे नाकुन इदाम इतुर, ‘बोनागा निमा पवित्र आत्मातुन रेयाना अनि रोमाना हुळति ओरे पवित्र आत्माते बपतिस्मा हेवाल आन्दुर।’

युहनाल 7:38

अनि नावागा विस्वास कियानुर ओनागडाल पवित्र पुस्तकतिगा कोटता लेहका अनन्त जिवन हेवांग नदिंग पोंगसोर पसियानुंग।”

बुतोंग 1:5

बाक्याकि युहन्नाल ते पहले एते बपतिस्मा हितोर, मति हुचुक दियाना पजा परमेस्वर मिकुन पवित्र आत्माते बपतिस्मा हियानुर” इदाम येसु ओरकुन आग्या हितुर।

बुतोंग 10:44

पतरस इव पोल्लोंग वळकसोरे मतोर असके परमेस्वरना पोल्लो केन्जवालोरा सबोय लोकुरकनिगा पवित्र आत्मा रयतुर।

बुतोंग 2:33

परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट।

१ कुरिन्थुस 12:13

बाक्याकि माक यहुदिलोकुरक या यहुदि आयोर लोकुरक या गुलाम या स्वतन्त्र मन्तोरक मति माक सबोय लोकुरक उन्दिय मेन्दुल आयान साटि वरोरे पवित्र आत्माताल बपतिस्मा आता। अनि उन्दि कटोराते उताप लेहका माक सबोय लोकुरक परमेस्वरताल उन्दिय पवित्र आत्मातुन पुटतोम।