लूका 16:3 - Muria Far Western

³ “असके कोटिवान मानेय आल्हिला लाकतुर, ‘इदेक नना बदाम कियाका? बाक्याकि नावोर मालकाल नावा कोटिवान बुतोताल नाकुन हरचियानुर। अनि नना ते तोळिय दोसनातुन लाव वने हिले; अनि भीक वने तलकान साटि नाकुन लज्जा वान्ता।

लूका 16:3 Iomraidhean Croise

मत्ति 20:8

“नुलपेहबेरा अंगुरता बगिचातोर मालकाल आपुनोर हिसाब इरवालिन इतुर, ‘बुतो केवाल लोकुरकुन केयस परकेडाल वातोर अनि पहले वातोरवनाह ओरकुन रोजि हिसिम’ इन्जोर इतुर।

मरकुस 10:46

येसु अनि ओना चेलालोरक येरिहो सहेरतिगा वातुरक ओर अनि ओनोर चेलालोरक अनि उन्दि पकाय भीळ येरिहोतिगाडाल पसियन्द असके तिमायिनोर मरि बरतिमायि पोरोयतोर वरोर आन्दराल बिकारि हरदा ओदातिगा उदस मतोर।

लूका 12:17

असके ओर ‘इदेक नना बदाम कियाका? बाक्याकि इदेक नावांग वन्जिनुंग इरान साटि जागा हिले’ इन्जोर धनि मानेय आपुना मन्दे आल्हिला लाकतुर।

लूका 16:2

असके धनिमानेय कोटिवान मानेयतुन केयसुन, ‘नना निया बारेते बाताल केन्जान्तोना? निमा कोटिवान बुतोता हिसाब नाकुन हिम, निमा असा कोटिवान बुतो केमाकि’ इन्जोर इतुर।”

लूका 16:20

वरोर लाजर पोरोयतोर गरिब मानेय ओना लोता टाटरा मुने उच मतोर, ओना मेन्दुलतिगा किरकने निन्ज मन्दुर,

लूका 16:22

“इदाम उन्दि दिया ओर लाजर हातुर, स्वरगदूतक वासुन लाजरिन स्वरगतिगा अब्रहामना हेरे ओतुंग।

लूका 16:4

अनि नावा कोटिवान कियाना बुतोताल मालकान नाकुन हरचियानुर असके लोकुरक नाकुन आपुना लोतिगा तिन्दिला हियान साटि नना बांग कियाका इन्जोर नाकुन पुन्तोनान।’

लूका 18:4

अनि न्याय केवाल अदिकार अद रान्डि आळदासंग हुचुक दियांग ते केन्जोर आतुर, मति आकरि ओर मन्दे इदाम आलहिला लाकतुर, ‘नना ते परमेस्वरदुन वरयोन अनि बोरे मानेयकुन वने मानेमायोन,

युहनाल 9:8

असके ओनोर हेरेटोरक अनि मुने ओन भीक तलकानपा हुळवालोरक इदाम इन्दिला लागतुरक, “येर अगा उदसुन भीक तलकसोर मतोर ओर मानेय आयोर बहे?”

बुतोंग 3:2

असके हुचुक लोकुरक वरोर जनमाताल लंगळाल मानेयतुन तचोर वासुन प्रार्थना लोतिगा हनवालोरकुन भिक तलकिर इन्जोर ओन ओरक मन्दिरता ओद सुन्दर पोरोयता दरवाजतिगा दरोज उपिचिन्दुरक।

बुतोंग 9:6

मति इदेक निमा तेदस सहेरतिगा हन; अनि अगा निमा बाताल कियाला पहाजे इन्जोर निकुन वेहानुर” इदाम इतुर।

२ तिस्लुनि 3:11

अनि मियागडाल हुचुक लोकुरक आपुना बुतो केवोर अनि ओरक बिना कारणते दुसरो लोकुरा हेरे हन्जुन आपुना बेरातुन पुकट हन्दिला हिन्तोर इन्जोर माक केन्जान्तोरोम।