लूका 10:2 - Muria Far Western

² अनि येसु चेलालोरकुन इतुर, “पन्डता डन्ड पकाय मन्ता, मति बन्यारक कमि मन्तोरक इन्जोर ओर आपुना डन्डतिगा कोयान साटि बन्यारक लोहिर इन्जोर डन्डतोर मालकान विनन्ति किम्ट।

लूका 10:2 Iomraidhean Croise

मत्ति 20:1

स्वरगराज्यता बारेते लोकुरकुन समजेमायान साटि येसु इदाम असा उन्दि पिटो वेहतुर, “स्वरग राज्य आपुना अंगुरता बगिचातिगा बुतो कियाला बुतो केवालोरकुन केयान साटि हतोर लोन मालकान लेहका मन्ता।

मरकुस 13:34

नना मानेयतोर मरिना असा मलस वायाना आपुना लोन तासि पकाय लक हतोर वरोर मानेयना पिटो लेहका मन्ता: वरोर मानेय आपुना लोन तासि परदेश हन्दानपा ओर आपुना नोकरकुन अदिकार हिन्तोर अनि वरोन वरोन आप-आपुना बुतो कियाला वेहान्तोर अनि चोकिदारतुन केपसोर मन्दिला आग्या हिन्तोर लेहकाय मन्ता।

मरकुस 16:15

येसु ओरकुन इतुर, “निमाट दरतिता सबोय जागादिगा हन्जुन सबोय लोकुरकुन सोबाता पोल्लो प्रचार किम्ट।

मरकुस 16:20

अनि ओरक पसियस सबोय जागा सोबाता पोल्लो वेहतुरक, अनि प्रबु ओरासंग बुतो किसोर मतोर। अनि ओर वेहता सोबाता पोल्लो खरोय मन्ता इन्जोर ओद चिन्हाता द्वारा प्रबु मजबुत किसोर मतोर। आमिन।)

लूका 9:1

अनि येसु आपुनोरक बारा खास चेला लोकुरकुन केयतुर, अनि ओरकुन सबोय दुष्टात्मांग पसियाना अनि बिमारीनुंग सुदरे कियाना लाव अनि अदिकार हितुर,

बुतोंग 11:19

स्तिफानुसना घटनाते आता पकाय तकलिपते हिके होके आस मतोरक सबोय विस्वासि लोकुरक केवल यहुदिलोकुरकुन येसु मसिना सोबाता पोल्लो वेहचोर फिनिके प्रदेश अनि सायिप्रस पोरोयता समुद्र नडुमता टापु अनि अन्ताकिया सहेरतिगा वने वलियसोर वलियसोर हतुरक।

बुतोंग 13:2

ओरक प्रबुन आरादना किस उपास किसोर मतोर असके, “बरनबास अनि शिमोनिन नना केयतान ओद बुतो साटि ओरकुन नावा साटि अलग किम्ट” इन्जोर पवित्र आत्मा इतुर।

बुतोंग 13:4

पवित्र आत्मा बरनबास अनि शावुलिन लोहतुर असके ओरक समुद्रा हेरे मता सिलुकिया सहेरतिगा हतुरक, अनि अगडाल जहाजतिगा उदस समुद्र नडुम मता सयिप्रस पोरोयता टापुतिगा हतुरक।

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 22:21

अनि प्रबु नाकुन इतुर: ‘हन, नना निकुन लक-लक मन्वालोरक यहुदि आयोर लोकुरा हेरे लोहका।’ ”

बुतोंग 8:4

बोरक हिके-होके आस मतोरक, ओरक सुसमाचार केन्जिहसोर वलियतुरक।

१ कुरिन्थुस 12:28

अनि मसिलोकुरा सभातिगा परमेस्वर पहले हुचुलोर लोकुरकुन येसुना खास चेलाना रुपते ठहरे कितुर अनि दुसरो हुचुलोर लोकुरकुन परमेस्वरना पोल्लो वेहवालना रुपते ठहरे कितुर अनि तिसरो हुचुलोर लोकुरकुन आपुना पोल्लो करहिवालना रुपते ठहरे कितुर। अदेना पजा चमत्कार केवालोरकुन, बिमारिताल सुदरे केवालोरकुन, दुसरोन मदत केवालोरकुन, मुक्यालना बुतो केवालोरकुन अनि अन्जान बोलि वळकवालोरकुन ठहरे कितुर।

१ कुरिन्थुस 15:10

अनि इदेक नना येसुना खास चेला मन्तोना, ओद परमेस्वरना दयाता कारणते मन्तोना अनि परमेस्वर नावागा किता ओद दया बेकार आयो बाक्याकि येसुना दुसरो सबोय खास चेला लोकुरताल नना पकाय मेहनत कितान। खरोय इनका ते नना ओद आपुनास मेहनत केवोन मति नावागा दया किस परमेस्वर ओद मेहनत कितोर।

२ कुरिन्थुस 6:1

माक परमेस्वरना बुतो मिया संगे केवालोर मन्तोरोम इन्जोर परमेस्वरताल मिकुन पुटता ओद दया बेकार हन्दिला हेमाट इन्जोर मिकुन विनन्ति किन्तोरोम।

फिलिप्पि 2:21

बाक्याकि दुसरो सबोय लोकुरक केवल आप-आपुना सोबाय साटि बुतोते मन्तोर मति येसु मसिना इच्चाता अनुसार बोरे बुतो केवोर।

फिलिप्पि 2:25

मति येसु मसिना विस्वासते नावोर तमो लेहका मन्तोर, ओर मावा संगे बुतो केवाल, अनि परमेस्वरना सोबाता पोल्लोतुन वेहान साटि नावासंग वरोर सयनिक लेहका बुतो किन्तोर, नावा जरुरि पोल्लोतिगा नाकुन मदत कियान साटि निमाट लोहतोर दूत इपफ्रुदितुसतुन इदेक मिया हेरे वापस लोहाना जरुरि मन्ता इदाम नना समजेमान्तोना।

फिलिप्पि 2:30

बाक्याकि ओर आपुना जिवनते दोखा सहेनकिस मसिना बुतो किसोर किसोर हायनुर अचोन बिमारिते आतोर। इदाम निमाट नावा साटि किया परविट ओद सेवातुन ओर इगा नावा संगे मन्ज नाकुन हितुर।

कुलुसि 1:29

इदाम सबोय लोकुरकुन मसिते परिपूर्ण बनेहकियान साटि नावागा लावते बुतो कियाला आता मसिना पकाय लावता अनुसार नना मन लावेकिस मेहनत वने किन्तोना।

कुलुसि 4:12

अनि मियागाडाल वरोर येसु मसिहानोर दास मन्तोर ओर इपफ्रास मिकुन नमस्कार इन्तोर। निमाट परिपूर्ण आस पुरा विस्वासतासंग परमेस्वरना इच्चातिगा स्थिर मन्ट इन्जोर ओर दरोज मिया साटि मनलावेकिस प्रार्थनातिगा पकाय मेहनत किसोर मन्तोर।

१ तिस्लुनि 2:9

हे बायि-दादालोरक, निमाट मावा परिश्रम अनि मेहनतुन आलिहसोर मन्तोरिट; अनि परमेस्वरना सोबाता पोल्लोतुन वेहचुन माक बोने डब्बुना बारेते तकलिप आयमाकि इन्जोर नरका पियाल माक बुतो किसोर मन्तोम।

१ तिस्लुनि 5:12

हे बायि-दादालोरक, मिया साटि मेहनत किन्तोर ओरक मुक्याल लोकुरकुन अनि आत्मिक मार्गदर्शन किन्तोर ओर लोकुरकुन निमाट मानेमाम्ट इन्जोर माक मिकुन विनन्ति किन्तोरोम।

२ तिस्लुनि 3:1

हे बायि-दादालोरक, बदाम निमाट प्रबुना पोल्लो स्विकार कितिट अदामे प्रबुना पोल्लो सबोय प्रदेशतिगा सान्डे फयलेमायि अनि महिमा फयलेमायिर इन्जोर आकरिते निमाट मावा साटि प्रार्थना किम्ट।

१ तिमुति 4:10

अनि इद कारणते माक जिवित परमेस्वरनिगा आशा इरस पकाय मेहनत किन्तोरोम। ओर सबोय लोकुरकुन विशेषाल ओनागा विस्वास किन्तोर ओर लोकुरकुन मुक्ति हेवाल मन्तोर।

२ तिमुति 4:5

अनि हे तिमुथियुस, निया सबोय परिस्थितितिगा सावदान मन, अनि दुःख सहेकिम, परमेस्वरना पोल्लोतुन प्रचार कियाना बुतो किम अनि परमेस्वर निया कयदे सोपे किता परमेस्वरना सेवातुन पुराकिम।

फिलेमोन 1:1

येसु मसिना सोबाता पोल्लो वेहानाता कारण कयदि मन्तोर पोलुसनिकेडाल अनि मावोर तमो तिमोतियूसनिकेडाल मावोर प्रिय अनि संगे बुतो केवालोर फिलेमोन पोरोयतोर निकुन,

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:1

“इफिसुस सहेरता मसिलोकुरा सभाता दूततुन इद कोटा: सात हुकोंग आपुना तिन्दान कयतिगा पयस टिवरि इराना सोनाता ओव सात गोटातांग नडुम वलियान्तोर इदाम इन्तोर: