युहनाल 1:4 - Muria Far Western

⁴ अनि ओर बनेकिता सबोयतुन ओरेय जिवन हिन्तोर अनि परमेस्वरना खरोयतुन उन्दि वेळिचि लेहका लोकुरकुन ओर प्रगट किस हितुर।

युहनाल 1:4 Iomraidhean Croise

मत्ति 4:16

इन्जोर परमेस्वरना पोल्लो वेहवाल यशायाहना द्वारा इन्ज मतोर ओद पोल्लो पुरा आयि इन्जोर इदाम आतु।

लूका 2:32

निया पिसहानातुन नना हुळतान” इन्जोर इतुर।

युहनाल 11:25

अनि “असा जिवे मायाना अनि जिवन ननाय आन्दान। बोरायि नावागा विस्वास किन्तोर ओर हायानुर ते वने जिवेमायनुर।

युहनाल 12:35

अनि येसु ओरकुन इतुर, “इदेक हुडुक बेरायि वेळिचि मिया नडुम मनका। आन्दारतिगा भटके मायमाट इन्जोर बचोवनाह वेळिचि मियासंग मन्ता अचोवनाह निमाट ताकसोर मन्ट।

युहनाल 12:46

अनि बदाम वेळिचि लोकुरकुन आपुना नालुंगास बासा बाताल मन्ता इन्जोर तोहान्ता अदाम लेहका नना इद दुनियातिगा वेळिचि आस वातोना बाक्याकि बोर आयि नावागा विस्वास कियानुर ओर आन्दारते मनोर आयनुरक।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 3:19

परमेस्वर इद दुनियाता न्याय कियानाता कारण इद मन्ता: परमेस्वरना खरोय बाताल मन्ता इद तोहान साटि नना परमेस्वरनोर मरि उन्दि वेळिचि लेहका दरतितिगा वातान। मति लोकुरक ओद वेळिचितुन मया केवोर आतुर। लोकुरकुन आन्दार लेहका पाप कियाना गिरदा वान्द बाक्याकि ओरक पकाय खराब बुतोंग केवालोर मतोरक।

युहनाल 5:21

बदाम बाबो हातोर लोकुरकुन जितो किन्तोर अदामे मरि वने बोनागा इच्चा किन्तोना ओन जितो किन्तोना।

युहनाल 5:26

बाक्याकि जिवन हेवाल बाबो आन्दुर अनि ओर नना मानेयतोर मरि नाकुन वने जिवन हियाना अदिकार हितोर।

युहनाल 8:12

अनि येसु असा लोकुरकुन इतुर, “नना दुनियाता वेळिचि आन्दान; बोराय नावा परके वायनुर ओर आन्दारते ताकोर आयनुर मति जिवन हेवाल वेळिचि पुटहानुर।”

युहनाल 9:5

अनि नना इद दुनियाते बचोवनाह मन्तोना अचोवनाह नना इद दरतिता वेळिचि आन्दान।”

बुतोंग 26:23

मसिन दुःख ताह लागार, अनि ओरे सबोयना मुने हातोरिगाडाल जिवेमास, मावोर लोकुरकनिगा अनि दुसरो जातितोर लोकुरकनिगा वेळिचि लेहका मन्ता परमेस्वरना पोल्लो वेहानुर इन्जोर परमेस्वरना पोल्लो वेहवालोरक अनि मूसाल वने वायवाल मन्ता दियांगता बारेते परमेस्वरना पोल्लो वेहतुरक अदेन तासि नना असा दुसरो बाताले इनोन।”

१ कुरिन्थुस 15:45

इन्जोर “पुरकातोर मानेय आदम जिवित मानेय आतुर” इन्जोर परमेस्वरना पवित्र पुस्तकतिगा कोटता मन्ता। अनि आकरि आदम मन्जे येसु मसि ओद आत्मिक मेन्दुलतुन मन्जे स्वरगतिगा मन्दाना योग्य मेन्दुल हेवाल आतुर।

इफिसुस 5:14

इन्जोर ओर इदाम इन्तोर, “हे हुन्जवाल, हातोर निगाडाल जिवे माम; ते मसिना वेळिचि नियागा चमकेमायार।”

कुलुसि 3:4

मसिहा मिकुन पुनाल जिवन हेवाल आन्दुर। ओर असा प्रगट आयनुर असके निमाट वने ओनासंग हजोर महिमाते प्रगट आयकिट।

१ युहनाल 1:1

सबोय बनेमायानाता मुने जिवन हेवाल पोल्लो मता, ओद जिवन हेवाल पोल्लोतुन माक केन्जतोम अनि ओदेन माक आपुना कोन्डाते हुळस ओदेन मावांग कयकने इटस बेस हुळतोम इन्जोर ओद जिवन हेवाल पोल्लोता बारेते माक मिकुन कोटान्तोरोम।

१ युहनाल 1:2

इद जिवन हेवाल पोल्लो प्रगट आत; अनि माक ओदेन हुळतोम अनि ओद मिकुन अनन्त जिवन हिन्ता। अनि बाबोनासंग मता मावागा प्रगट आत ओद जिवन हेवाल पोल्लोता बारेते माक मिकुन वेहान्तोरोम।

१ युहनाल 5:11

अनि परमेस्वर माकुन अनन्त जिवा हितोर अनि इद जिवा ओनोर मरिनिगा मन्ता इन्जोर ओद गवाहि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:1

पजा सहेरता हरिता नडुम परमेस्वर अनि बेळा पिलाता सिंहासनताल पसियस पोंगता जिवन हिन्ता एता उन्दि पोंगता नदि स्वरगदूत नाकुन तोहतुर। ओद नदि काचता लेहका साप मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:16

“येसु पोरोयता नना मसिलोकुरा सभांग साटि मिकुन इव पोल्लोता गवाहि हियान साटि नावोर स्वरगदूततुन निया हेरे लोहतोना। नना दावुदना मूल अनि वंशज अनि कोर कुसेडा बेराता मान्जिन्ता हुको आन्दान।”