याकुब 4:4 - Muria Far Western

⁴ हे व्यभिचारि लोकुरक, बाताल दुनियातुन मया कियाना परमेस्वरतुन वयिर कियाना मन्ता इन्जोर निमाट पुनविट बहे? इन्जोर बोरायि मानेयतुन दुनियाता गोतियाह आयाना इच्चा मन्ता ओर मानेय आपुनतुन परमेस्वरना वयर बनेहकिन्तोर।

याकुब 4:4 Iomraidhean Croise

मत्ति 12:39

असके येसु ओरकुन इतुर, “खराब अनि व्यभिचार लोकुरा इद पिळि चमत्कार पळकान्तोरक, मति परमेस्वरना पोल्लो वेहवाल योना साटि परमेस्वर कितोर ओद चमत्कार तासिस दुसरो बोदे चमत्कार ओरकुन परमेस्वर हेवोर आयनुर इन्जोर उत्तर हितुर।

मत्ति 16:4

खराब अनि व्यभिचारि लोकुरा इद पिळि चमत्कारतुन पळकान्तोरक, मति परमेस्वरना पोल्लो वेहवाल योनाना जिवनते परमेस्वर किता चमत्कारतुन तासि बोदे दुसरो चमत्कार ओरकुन हेवोर आयनुर” इदाम इन्जुन येसु ओरकुन तासिस हतुर।

मत्ति 6:24

येसु असा ओरकुन इतुर, “रन्ड मालकाना सेवा कियाला बोरायि मानेय आय परोर, बाक्याकि ओर वरोन दुश्मन किस दुसरोन मया इरानुर, या वरोन मिलेमास मन्दानुर अनि दुसरोन तुच्च समजेमायनुर। निमाट परमेस्वर अनि धन इव रन्डासना सेवा किया परविट।

लूका 19:27

मति नना ओरागा राज्य केवोन इदाम इच्चा किन्तोरक नावोर वेयरि लोकुरकुन इगा तचुन नावा मुने हव्काट’ इन्जोर ओर आग्या हितुर।”

युहनाल 15:19

अनि निमाट दुनियातोर मनेरिट ते दुनिया आपुना लोकुरकुन मया किन्ता। मति निमाट दुनियातोर आयमाट इन्जोर नना मिकुन दुनियाताल आचतोना, इन्जोर दुनिया मिकुन दुश्मनि किन्ता।

युहनाल 17:14

अनि नना निया पोल्लो ओरकुन अविहच हितोना, अनि नना दुनियातोर आयोन अदामे ओरक वने इद दुनियातोरक लोकुरक लेहका आयोरक इन्जोर दुनिया ओरकुन दुश्मनि कितुरक।

युहनाल 7:7

अनि इद दुनियातोर लोकुरक मिकुन दुश्मन किया परोर मति ओरा बुतो गलति मन्ता इन्जोर नना ओरा विरोदते गवाहि हिन्तोना, इन्जोर ओरक नाकुन दुश्मनि किन्तोरक।

रोमि 5:10

बाक्याकि माक परमेस्वरना वेयरि मन्दानपा ओना मरिना हायानाता कारण माकुन असा परमेस्वरनासंग गोतियाह बनेहकितुर। इदेक माक परमेस्वरना गोतियाह मन्तोरोम ते मसिना जिवनता कारणते माक पिसाना पुटार इन्जोर जरुरि मन्ता।

रोमि 8:7

पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक।

१ कुरिन्थुस 1:20

इदाम मन्ता ते ग्यानि लोकुरा या मूसाना नियमतुन करिहवालोर लोकुरक या इद दुनियाता पकाय बुद्धिते वाद-विवाद केवाल लोकुरा बारेते इदेक माक बाताल वळकिकाट? परमेस्वर इद दुनियाता ग्यानतुन बोदे बुतोता हिले इदाम बेकार बनेकितुर।

१ कुरिन्थुस 1:21

परमेस्वर खरोय ग्यानि मन्तोर। ओर परमेस्वर लोकुरक बचोने ग्यानि मनिरक ते वने ओरक आपुना ग्यानते ओन पुन्दिला परोर इदाम ओरकुन पुनपरवाहका कितुर। इदेना बदला परमेस्वरतुन पुनोर लोकुरक बेकार इन्तोर माक वळकिन्तोरोम मसिना बारेते ओद सोबाता पोल्लोतिगा विस्वास केवालोरकुन पिसहाना परमेस्वरतुन सोबाय लाकतु।

गलाति 1:10

इदेक नना बाताल मानेयना या परमेस्वरना स्विकार कियाना कोसिस किन्तोना? बाताल नना मानेयकुने गिरदा कियाना साटि कोसिस किन्तोना इदाम निमाट विचार किन्तोरिट बहे? आयो! नना परमेस्वरना स्विकार साटि कोसिस किन्तोना। नना इदेकवनाह मानेयकुने गिरदा किसोर मनका ते येसु मसिहनोर दास आयोन आस मनेना।

याकुब 1:27

अनि अनाथ अनि रान्डिह आसकना गरिब परिस्थितिते मदत कियाना अनि दुनियाता गलतिताल आपुनतुन पिसहाना ओद मावोर बाबो परमेस्वरना हेरे शुद्ध अनि सोबाय भक्ति मन्ता।