याकुब 4:12 - Muria Far Western

¹² अनि नियम हेवाल अनि न्याय केवाल उन्दिय आन्दुर। ओना कयदे माकुन पिसहाना अनि नाश कियानाता अदिकार मन्ता, मति आपुना गोतियालतुन दोष लावे केवाल निमा बोर आन्दि?

याकुब 4:12 Iomraidhean Croise

मत्ति 10:28

केवल मेन्दुलतुन हव्क परान्तोर मति आत्मातुन हव्क परोर इदाम लोकुरकुन वरियमाट। मति मेन्दुल अनि आत्मा इव रन्डासकुन नरकतिगा नाश किया परान्तोर ओर परमेस्वरिन वरियाट।

लूका 12:5

मति निमाट बोने वरयाट इन्जोर नना मिकुन चेतेकिसुन वेहका, हव्कसुन नरकतिगा वाटसियाना अदिकार मन्ता परमेस्वरिन वरियमाट, इंगो, नना निमाट परमेस्वरदुन वरयाट असा मिकुन वेहान्तोना।

रोमि 14:13

इन्जोर माक वरोन दुसरोन असा दोष लावे केमाट। अनि इदाम किस माक दुसरो विस्वासि लोकुरा विस्वास नाश किस ओर पाप कियाना कारण बनेमायमाट इन्जोर निश्चय किम्ट।

रोमि 14:4

अनि परमेस्वर ओरा मालकाल मन्तोर अनि ओरक परमेस्वरना सेवक मन्तोरक इन्जोर दुसरोना सेवकिन दोष लावे केवालोर निमाट बोर आन्दिट? इदाम न्याय कियाना अदिकार मिकुन हिले। बाक्याकि ओरक दोषि मन्तोर या हिलेर, अनि बोद कियाला पहाजे ओरक किन्तोरक या केवोर इद न्याय कियाना अदिकार ओरा मालकान मन्ता। अनि प्रबु ओरकुन येताना योग्य ठहरे किन्तोर।

रोमि 2:1

इन्जोर हे न्याय केवाल नावोर गोतियाल, मिया बोनाय मन मिकुन बोदायि बहाना हिया परवि; बाक्याकि बोद पोल्लोसाटि निमा बोरायि दुसरोन दोषि मानेमान्तोन अदेनते निमा आपुनतुन वने दोषि ठहरे किन्तोन; बाक्याकि निमा दुसरोना बोद पोल्लोता न्याय किन्तोन ओद पोल्लो निमा वने किन्तोन।

रोमि 9:20

मति परमेस्वरतुन विरोद किस उत्तर हेवालोर केवल मानेय निमाट बोर आन्दिट? निमा नाकुन इदाम बाक्या बनेकिति इन्जोर उन्दि अळका आपुना बनेकेवालतुन बसकेय पुच्चेमाय परान्ता बहे?

यहुदि 7:25

इन्जोर येसुना द्वारा परमेस्वरना हेरे वान्तोर लोकुरक साटि विनन्ति कियान ओर सबोय काळदे जिवित मन्तोर इन्जोर येसु ओरकुन परिपूर्ण आस पिसिला परान्तोर।

याकुब 5:9

हे बायि-दादालोरक, मियागा न्याय वायमाकि इन्जोर वरोर दुसरोन दोष लावे केमाट। हुळाट हजोर न्याय केवाल प्रगट आयान साटि दरवाजादिगा तयारिते नितितोर।