याकुब 4:1 - Muria Far Western

¹ मिया नडुम हाहाना-पिटाहाना अनि वाहचाना बाक्या आन्ता? बाताल मिया लोपा गलति कियाना अनि ओद गलतितिगा पकाय गिरदा आयाना इदाम इच्चाताल मन्ता बहे?

याकुब 4:1 Iomraidhean Croise

मत्ति 15:19

बाक्याकि खराब विचार, हव्काना, व्यभिचार, दुसरो आळदा या मुजोनासंग खराब संबन्द, कलाना, खोटाल गवाहि अनि निन्दा इद सबोय पोल्लोता विचार मानेयना मन्दाले पसियान्तांग।

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

रोमि 7:23

मति आपुना मेन्दुलतिगा नना उन्दि दुसरोय अनुभव बुतो कियानपा हुळान्तोना, इद मूसाना नियमता विरुद लळायि किन्ता। अनि ओद अनुभव नाकुन पापता दास बनेकियान साटि नावा मेन्दुलतिगा बुतो किसोर मन्ता।

रोमि 7:5

माक मानेयना पापि स्वभावते जिवेमान्दोम असके बाताल केमाट इन्जोर नियमतिगा आग्या हिस मता ओव पोल्लोंग कियान साटि पकाय इच्चा वासोर मता; ओद इच्चाते माक आपुना मेन्दुलते पाप किसोर मतोम। इदाम पाप कियानाता कारण परमेस्वरताल लक हन्ज हायानाता दन्डता योग्य आतोम।

रोमि 8:7

पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक।

गलाति 5:17

बाक्याकि मेन्दुलता पाप स्वभाव पवित्र आत्माता विरोद मन्ता, अनि पवित्र आत्मा पाप स्वभावता वने विरोद मन्तोर। निमाट सोबाय इच्चा केमाट इन्जोर आपुना मेन्दुलता पाप स्वभाव इच्चा किन्ता इदाम इव रन्ड पोल्लोंग मन्जे पवित्र आत्मा अनि मेन्दुलता पाप स्वभाव वरोर दुसरोना विरोद मन्तांग।

कुलुसि 3:5

इन्जोर व्यभिचार, अपवित्रता, वासना, खराब इच्चा अनि मूरति पुजाता बराबर मन्ता लालुच इदाम मियागा बारायि सन्सारिक मन्ता अदेन होवक्स वाटाट।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

तितुस 3:9

मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

याकुब 1:14

मति पाप कियाना साटि सबोय मानेयना मन्दे विचार मन्ता अनि ओद विचार ओरा मन्दुन नियन्त्रन किस पाप किहान्तोर।

याकुब 4:3

निमाट आपुना भोग-विलासते उळेह कियान साटि गलति इच्चाते पकाय तलकान्तोरिट इन्जोर निमाट तलकान्तोरिट मति पुटो।

१ पतरस 1:14

निमाट परमेस्वरना आग्या मानेमायवाल बालक मन्तोरिट इन्जोर निमाट अळानि मन्तोरिट ओद बेरा मियागा मता खराब इच्चाता पालन केमाट।

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

२ पतरस 3:3

“ओना वायाना वाचा बगा हतु?