याकुब 3:6 - Muria Far Western

⁶ इदाम लेहका माक गलति पोल्लोंग वळकानपा दुसरो लोकुरकुन माक नाश किन्तोरोम। माक बाताल वळकिन्तरोम अदेनते पुन्तरोम, पकाय गलति मावा जिवाते मन्ता इन्जोर। माक बाताल विचार किन्तोरोम अनि बाताल वळकान्तरोम ओद सबोय पोल्लो वळकनाते बाहरो पसियिन्ता। अनि मावा वळकनाता द्वारा दुसरो लोकुरक वने गलति कियानुर। अनि बाताल गलति मन्ता ओद पोल्लो लोकुरक वळकान्तोर ओद पोल्लो दुष्टात्माता कारणते आन्ता।

याकुब 3:6 Iomraidhean Croise

मत्ति 12:24

मति परीसि लोकुरक इद केन्जुन “येर ते दुष्टात्मातोर मुक्याल बालजबुलना लावतेय दुष्टात्मातुन पुळान्तोर” इन्जोर इतुर।

मत्ति 5:22

मति नना ते मिकुन इन्तोना, बोरायि आपुना तमोन होंग कियानुर ते ओर दन्डता योग्य आयनुर, अनि बोरायि आपुना तमोना अपमान कियानुर ते ओर हजोर सभातिगा दन्डता योग्य आयनुर, अनि बोरायि आपुना तमोन मुर्ख इन्दानुर ते ओर नरकता किसता दन्डता योग्य आयनुर।

मरकुस 7:15

बाहरोटाल वास मानेयना लोपा हन्दाना बोदे चिज ओन अशुद्ध किया परो। मति बोद चिज मानेयना लोपाडाल पसिन्तांग, अवे मानेयतुन अशुद्ध किन्तांग।

लूका 16:24

असके धनि मानेय केयसुन इन्तोर, ‘हे अब्रहाम बाबाल, नाकुन दया किम, लाजर आपुना वळजतुन एतिगा आहचुन नावा वन्जेरतुन टन्डि हिसिविर इन्जोर लाजरिन हिके लोहिर बाक्याकि नना इद किसतिगा तळपे मान्तोना।’ ”

बुतोंग 20:30

चेलालोरकुन येसुना बदला आपुना परके कियान साटि मसिना बारेता खरोय पोल्लोतुन बदले केवालोरक मियागाडाल तेदानुरक।

बुतोंग 5:3

असके पतरस ओन पुच्चेमातुर, “हे हनन्याह! निमा पवित्र आत्माता मुने खोटाल वळकति, आपुना डन्डतुन मोमस पुटता डबुंगताल हुचुक डबुंग आपुना हेरे इरति इन्जोर सयतानतुन निमा आपुना मन्दिगा इदाम बुतो कियालाय बाक्या इदाम सन्दि हिति?

बुतोंग 6:13

अनि अगा ओना विरोद खोटाल गवाह निपिहतुरक, ओरक खोटाल गवाह इतुरक, “येर मानेय मावोर पवित्र प्रार्थना लोतुन अनि मूसान नियमता विरुद वळकसोर मन्तोर।

तितुस 1:11

ते येरा टोडि बन्द किम! बाक्याकि येर लोकुरक खरोय करहाना हरचुन गलति पोल्लो करहान्तोर अनि दुसरोना परिवारता विस्वासतुन नाश किसिन्तोर, अनि पयसांग कमेय कियान साटि ओरक गलति पोल्लोतुन करहान्तोरक।

याकुब 2:7

अनि मिवोर मालकाल येसु मसिना सोबाय पोरोयतुन ओरे नीन्दा किन्तोर बहे?

याकुब 3:7

बाक्याकि सबोय प्रकारतांग केळातांग जानवर, पिटेंग अनि नेलदीगा मन्तांग अव जिवाह अनि एरतिगा मन्तांग अव जिवाहकुन मानेय आपुना काबुते किया परान्तोर अनि अवेहकुन मानेय आपुना काबुते कितोर वने।

२ पतरस 3:3

“ओना वायाना वाचा बगा हतु?

३ युहनाल 1:10

इन्जोर नना अगा वायानपा ओर बाताल किन्तोर इद पोल्लोतुन नना सबोय लोकुरा मुने वेहका। अनि ओर मावा बारेते खराब खराब पोल्लोंग दुसरोन वेहान्तोर। इदेनतेय ओना समादान आयो मति ओर परमेस्वरना बुतो साटि सबोय नाटेनिगा वलियस परमेस्वरना सेवा किन्तोर ओर लोकुरकुन स्विकार कियाना साटि ओर मना किन्तोर, अनि बोरे इदाम सेवक लोकुरकुन आपुना लोतिगा स्विकार कियाना साटि इच्चा किन्तोर ते ओर लोकुरकुन वने आपुना मसिलोकुरा सभाताल बाहरो पसिहसिन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:23

अनि टिवरिता वेळिचि असा बसकेय नियागा मान्जो आयार, अनि दुलहाल अनि दुल्हिना शब्द असा बसकेय नियागा केन्ज वायो आयार, नियोर व्यापारी लोकुरक दरतितोर मुक्याल मतोरक अनि निया अळहानाते सबोय जाति भळकेमास मतांग।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:20

ओद पहलेटा जानवर अनि ओद जानवरतासंग अदेना मुने चमत्कारता बुतोंग किस लोकुरकुन भळकेह किस पहलेटा जानवरता शिक्का येतिहलाय अनि अदेना मूरतितुन आरादना किहितोर मन्तोर आपुनास परमेस्वरना पोल्लो वेहवाल आन्दोम इदाम खोटाल वेहवाल ओद दुसरो जानवरिन पयतुर। अनि ओरक इवुरासिन बन्दकिस गंधकते पतिन्ता ओद किसता तळायतिगा जितोय वाटसितुर।