याकुब 3:2 - Muria Far Western

² बाक्याकि माक सबोय लोकुरा बगाना-बगा गलति आन्ता। अनि बोरायि मानेय परमेस्वर इच्चा किन्तोर ओद पोल्लो वळकिकिट ते ओर मानेय आपुना सबोय बुतोतिगा अनि आपुना मन्दुन काबु इरस पकाय सोबाय गुण संपन्न मानेय मन्तोर।

याकुब 3:2 Iomraidhean Croise

मत्ति 12:34

हे नांग तरासतोर पिलांग, निमाट खराब मन्ज बदाम सोबाय पोल्लोंग इन्दा परान्तोरिट? बाक्याकि मन्दिगा निन्दिता मन्ता, अदे टोडितिगाडाल वान्ता।

मत्ति 12:37

बाक्याकि आपुना पोल्लोता कारण निकुन परमेस्वर निरदोष ठहरे कियानुर अनि आपुनाय पोल्लोता कारण निकुन परमेस्वर दोषि ठहरे कियानुर।”

रोमि 3:10

पवित्र पुस्तकतिगा इदाम कोटता मन्ता: “बोरे परमेस्वरना मुने येताना योग्य हिलेर वरोर वने हिलेर;

रोमि 7:21

इन्जोर नना सोबाय बुतो कियाना इच्चा किन्तोना ते वने नना खराब बुतो किन्तोना इदाम उन्दि अनुभव नावागा बुतो किसोर मन्ता इन्जोर नना समजेमातान।

१ कुरिन्थुस 9:27

मति नना दुसरो लोकुरकुन सोबाता पोल्लो वेहतान पजा नाकुन पुटिला पहाजे ओद बकसिस नाकुन नष्ट आयमाकि इन्जोर नना नावा मेन्दुलतुन कबजा किस अदेन दास बनेहकिन्तोना।

गलाति 3:22

मति विस्वास किन्तोर लोकुरकुन परमेस्वर वाचा हिता पुनाल जिवन येसु मसिना पोरोयता विस्वासता द्वारा पुटहि इन्जोर मूसाना नियम सबोय लोकुरकुन पापता अदिकारता बन्दनते कितु।

गलाति 5:17

बाक्याकि मेन्दुलता पाप स्वभाव पवित्र आत्माता विरोद मन्ता, अनि पवित्र आत्मा पाप स्वभावता वने विरोद मन्तोर। निमाट सोबाय इच्चा केमाट इन्जोर आपुना मेन्दुलता पाप स्वभाव इच्चा किन्ता इदाम इव रन्ड पोल्लोंग मन्जे पवित्र आत्मा अनि मेन्दुलता पाप स्वभाव वरोर दुसरोना विरोद मन्तांग।

कुलुसि 1:28

इन्जोर माक ओना प्रचार किन्तोरोम। अनि सबोय लोकुरकुन मसिनिगा परिपूर्ण किस परमेस्वरना मुने उपस्थित कियान साटि माक सबोय लोकुरकुन चेतावनि किस सबोय ग्यानते सबोय लोकुरकुन करहान्तोरोम।

कुलुसि 4:12

अनि मियागाडाल वरोर येसु मसिहानोर दास मन्तोर ओर इपफ्रास मिकुन नमस्कार इन्तोर। निमाट परिपूर्ण आस पुरा विस्वासतासंग परमेस्वरना इच्चातिगा स्थिर मन्ट इन्जोर ओर दरोज मिया साटि मनलावेकिस प्रार्थनातिगा पकाय मेहनत किसोर मन्तोर।

याकुब 1:26

अनि बोरायि मानेय आपुना वन्जेर पोरो काबु इरोर आयनुर अनि ओर आपुनतुन दोखा हिस आपुनतुन भक्ति केवाल लेहका समजेमायिर ते ओना भक्ति व्यर्थ आयार।

याकुब 1:4

मति मियागा बोदे पोल्लोता कमि हिलेर आस परिपूर्ण आयान साटि मजबुतते सहेन किस पुरो बुतो किम्ट।

याकुब 2:10

बाक्याकि बोरायि परमेस्वरना सबोय नियम पालन किसोर मन्तोर मति ओर उन्दि पोल्लोतिगा गलति केविर ते ओर सबोय पोल्लोतिगा दोषि ठहरे मान्तोर।

१ पतरस 3:10

बाक्याकि “बोरायि जिवनता इच्चा इरान्तोर, अनि सोबाय दिया हुळाना इच्चा किन्तोर, ओर आपुना वन्जेरतुन खराबताल, अनि आपुना टोडितुन खराब वळकानाताल रोकेकियाला पहाजे।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।