याकुब 3:10 - Muria Far Western

¹⁰ अनि उन्दिय टोडिताल स्तुति अनि सराप रन्डास पसिन्तांग। हे नावोर हेलाळ-दादालोरक इदाम आयमाकि।

याकुब 3:10 Iomraidhean Croise

रोमि 12:14

अनि मिकुन विरोद किन्तोर ओर लोकुरकुन सरापित केमाट ओरकुन आशिष पुटि इन्जोर परमेस्वरतुन प्रार्थना किम्ट।

१ कुरिन्थुस 3:3

बाक्याकि निमाट इदेक वने परमेस्वरतुन पुनोर लोकुरक लेहका ताकान्तोरिट। मियागा हेवा अनि वाहचाना आन्ता ते निमाट बाताल परमेस्वरतुन पुनोर दुनियाता लोकुरक लेहका अनि मानेयना नियमता अनुसार ताकविट लोकुरक लेहका हिलविट बहे?

१ तिमुति 5:13

अनि ओव लोहक लोहक वलिसुन दुसरोना चाहळिंग वळकसुन आळसि बनेमान्तांग अनि अचोने आयो ते अनुचित पोल्लोतुन पकाय वळकसोरिन बिना जरुरते दुसरो बुतो केवाल लोकुरा नडुम दान्ता।

याकुब 1:16

हे नावोर बायि-दादालोरक, निमाट दोखा तिनमाट।

याकुब 1:19

हे नावोर बायि-दादालोरक, सबोय लोकुरक ध्यान किस केन्जाना अनि विचार किस वळकाना अनि सान्डे होंग केमाकिर इन्जोर निमाट पुन्तोरिट।

याकुब 3:1

हे नावोर बायि-दादालोरक, परमेस्वरना पोल्लोंग करिहवालोरकुन परमेस्वर पकाय कटिनते न्याय कियानुर इन्जोर निमाट समजेमास पकाय लोकुरक परमेस्वरना पोल्लोंग करिहवाल आयान साटि विचार केमाट।

याकुब 3:11

बाताल उन्दिय झराताल मिंगता अनि खारो एर पसिय परांता बहे?

याकुब 3:9

अनि माक वन्जेरतेय आपुना प्रबु अनि परमेस्वरना स्तुति किन्तोरोम अनि परमेस्वर मावा लेहका बनेकिता दुसरो लोकुरकुन ओदे वन्जेरतेय सराप हिन्तोरोम।

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।