याकुब 3:1 - Muria Far Western

¹ हे नावोर बायि-दादालोरक, परमेस्वरना पोल्लोंग करिहवालोरकुन परमेस्वर पकाय कटिनते न्याय कियानुर इन्जोर निमाट समजेमास पकाय लोकुरक परमेस्वरना पोल्लोंग करिहवाल आयान साटि विचार केमाट।

याकुब 3:1 Iomraidhean Croise

मत्ति 10:24

येसु असा ओरकुन इतुर, “चेलाल आपुनोर गुरुताल हजोर आयोर, अनि दास आपुना मालकालताल हजोर आयोर।

मत्ति 23:13

येसु असा इतुर, “हे नियमतुन करिहवालोर अनि परीसि लोकुरक परमेस्वर मिकुन पकाय दन्ड हियानुर। निमाट कपटि मन्तोरिट। स्वरगतिगा हन्दाना इच्चा किन्तोरक लोकुरा मुने निमाट स्वरग राज्यता टाटरा बन्द किन्तोरिट, आपुनास अगा हनविट अनि अगा हनवालोरकुन वने हन्दिला हेविट।

मत्ति 23:14

(कपटि मन्तोरक हे नियमतुन करिहवालोरक अनि परीसि लोकुरक परमेस्वर मिकुन पकाय दन्ड हियानुर। निमाट रान्डिहना लोतुन दोखाते लुटे किन्तोरिट, अनि दुसरो लोकुरकुन तोहान साटि पकाय बेरावनाह प्रार्थना किसोर मन्तोरिट, इदेना कारण मिकुन पकाय दन्ड पुटार।)

मत्ति 9:11

इद हुळसुन परीसि लोकुरक येसुना चेला लोकुरकुन, “मिवोर गुरु टाक्स येतवालोरासंग अनि पापि लोकुरासंग बाक्या तिन्तोर?” इन्जोर इतुर।

लूका 16:2

असके धनिमानेय कोटिवान मानेयतुन केयसुन, ‘नना निया बारेते बाताल केन्जान्तोना? निमा कोटिवान बुतोता हिसाब नाकुन हिम, निमा असा कोटिवान बुतो केमाकि’ इन्जोर इतुर।”

लूका 6:37

येसु ओरकुन असा इतुर, “निमाट बोने दोष हेमाट, ते मिकुन वने दोष हेवोर आयनुर। अनि निमाट बोने दन्ड साटि न्याय केमाट ते मिकुन वने न्याय केवोर आयनुर। अनि निमाट दुसरोन मापि कियाकिट ते मिकुन परमेस्वर वने मापि कियानुर।

युहनाल 3:10

इद केन्जुन येसु ओन इतुर, “निमा इस्रयेल लोकुरा गुरु मन्तोन ते वने इव पोल्लोनुंग समजेमायवि?

बुतोंग 13:1

अन्ताकिया सहेरता मसिलोकुरा सभातिगा परमेस्वरना पोल्लो वेहवालोरक अनि परमेस्वरना पोल्लोतुन करिहवाल मतोरक। ओरक बरनबास अनि निगर पोरोयतोर शिमोन अनि कुरेनीतोर लुकियुस अनि हेरोद अन्तिपास राजानासंग हुडलोरपणताले पालेकितोर ओर मनायेन अनि शावुल इदाम लोकुरक मतोरक।

१ कुरिन्थुस 12:28

अनि मसिलोकुरा सभातिगा परमेस्वर पहले हुचुलोर लोकुरकुन येसुना खास चेलाना रुपते ठहरे कितुर अनि दुसरो हुचुलोर लोकुरकुन परमेस्वरना पोल्लो वेहवालना रुपते ठहरे कितुर अनि तिसरो हुचुलोर लोकुरकुन आपुना पोल्लो करहिवालना रुपते ठहरे कितुर। अदेना पजा चमत्कार केवालोरकुन, बिमारिताल सुदरे केवालोरकुन, दुसरोन मदत केवालोरकुन, मुक्यालना बुतो केवालोरकुन अनि अन्जान बोलि वळकवालोरकुन ठहरे कितुर।

२ कुरिन्थुस 5:10

आप आपुना मेन्दुलतिगा मन्दानपा माक सबोय लोकुरक सोबायि बुतो या खराब बुतो कितोम अदेना योग्य काया पुटान साटि माक सबोय लोकुरक मसिना न्यायता सिंहासनता मुने हाजर आयिला पहाजे।

इफिसुस 4:11

ओर हुचुक लोकुरकुन येसुना खास चेला इन्जोर आचतुर अनि हुचुक लोकुरकुन परमेस्वरना पोल्लो वेहवालोरक इन्जोर आचतुर अनि हुचुक लोकुरकुन सोबाता पोल्लो वेहवालोरक इन्जोर आचतुर अनि हुचुक लोकुरकुन मसिलोकुरा सभाता विस्वासि लोकुरकुन मेहवालोरक इन्जोर आचतुर अनि हुचुक लोकुरकुन परमेस्वरना पोल्लो करिहवालोरक इन्जोर निवळेकितुर।

१ तिमुति 1:7

अनि माक मूसाना द्वारा परमेस्वर लोकुरकुन हिता नियमतुन करिहवाल आयिकाट इन्जोर ओरक इच्चा किन्तोर, मति ओर पकाय विस्वासते करहान्तोर ओद पोल्लोता अर्थ बाताल मन्ता इन्जोर वने ओरकुन बाताले समजेमायो।

१ तिमुति 2:7

अनि येसु मसि कुरुस पोरो हातुर इन्जोर सबोय लोकुरकुन आपुना पापते लेहचियाना पुटार। अनि इद पोल्लोतुन यहुदि आयोर लोकुरकुन करहान साटि नाकुन वेहवाल अनि येसुना खास चेला आस आचतुर। अनि नावा इव पोल्लोंग खोटाल पोल्लो आयो मति पकाय खरोय मन्तांग।

२ तिमुति 1:11

इद सुसमाचारतुन फयलेकियान साटि नाकुन वेहवाल अनि येसुना खास चेला अनि उपदेशक आस निवळेकितुर।

यहुदि 13:17

मसिलोकुरा सभाता मुक्याल लोकुरा पोल्लोतुन मानेमास ओरा अधिनते मन्ट। ओरक परमेस्वरना मुने मिया बारेता हिसाब हियाला पहाजे इन्जोर ओरक मिया साटि केपसोर मन्तोरक। ओरा आग्यातुन मानेमायकिट ते ओरा सेवा गिरदाते किया परान्तोरक। निमाट ओरकुन मानेमायवेक ते ओरक आपुना सेवा गिरिदाते केवोर आयनुरक इन्जोर मिकुन बोदे फायदा वने पुटो।

याकुब 1:16

हे नावोर बायि-दादालोरक, निमाट दोखा तिनमाट।

याकुब 1:19

हे नावोर बायि-दादालोरक, सबोय लोकुरक ध्यान किस केन्जाना अनि विचार किस वळकाना अनि सान्डे होंग केमाकिर इन्जोर निमाट पुन्तोरिट।

याकुब 3:10

अनि उन्दिय टोडिताल स्तुति अनि सराप रन्डास पसिन्तांग। हे नावोर हेलाळ-दादालोरक इदाम आयमाकि।

१ पतरस 5:3

अनि निमाट कटोर रितिते ओरागा अदिकार केमाट मति परमेस्वरना लोकुरा मुने आदर्श बनेकिस किम्ट।