याकुब 2:8 - Muria Far Western

⁸ मति “बदाम निमाट आपुनिगा मया अनि काळजि किन्तोरिट अदामे मया अनि काळजि मिया हेरेटोरकुन वने किम्ट” इन्जोर पवित्र पुस्तकता पोल्लोता अनुसार इद हजोर आग्या निमाट खरोय मन्दे पालन किन्तोरिट ते ओद मिकुन सोबाय मन्ता।

याकुब 2:8 Iomraidhean Croise

मत्ति 22:39

अनि दुसरो नियम इदेना लेहका मन्ता ‘निमा आपुना हेरेटोरकुन आपुना लेहकाय मया किम’।

मत्ति 25:21

ओनोर स्वामि ओन इतुर, ‘वा! सोबाय अनि इमानदार दास निमा हुचुक डब्बुना बारेते विस्वासते मतोन, नना निकुन पकाय चिजता अदिकारि बनेहकियाका। आपुना स्वामिना गिरदातिगा सहभागि आम’ इन्जोर इतुर।

मत्ति 25:23

ओनोर स्वामि ओन ‘वा! सोबाय अनि इमानदार दास निमा हुचुक डब्बुना बारेते विस्वासते मतोन, नना निकुन पकाय चिजता अदिकारि बनेहकियाका। आपुना स्वामिना गिरदातिगा सहभागि आम’ इन्जोर इतुर।

मत्ति 7:12

येसु असा ओरकुन इतुर, “इन्जोर मिया साटि दुसरो लोकुरक बदाम व्यवहार कियाना इन्जोर इच्चा किन्तोर अदामे ओरासंग वने निमाट व्यवहार किम्ट। बाक्याकि मूसाना नियम अनि परमेस्वरना पोल्लो वेहवालोरा करहाना अर्थ इदे आन्दु।”

रोमि 13:10

दुसरोन मया किन्तोर ओर आपुना गोतियान खराब बसकेय केवोर। इन्जोर मया कियाना मन्जे परमेस्वरना सबोय नियमता पालन कियाना मन्ता।

गलाति 5:14

बाक्याकि “निमाट आपुनोर हेरेटोरकुन आपुना लेहका मया इराट” इन्जोर इद उन्दिय आग्याते मूसाना सबोय नियम पुरा आन्ता।

गलाति 6:2

निमाट वरोर दुसरोना वजा ताहच मदत कियान साटि मुने आम्ट अनि इद रितिते मसिना नियमतुन पालन कियाकिम्ट।

फिलिप्पि 4:14

ते वने नावा इद पकाय तकलिपता परिस्थितितिगा मदत किस निमाट नावा दुःखतिगा सहभागि आतिट इन्जोर निमाट सोबाय बुतो कितोरिट।

१ तिस्लुनि 4:9

अनि सबोय विस्वासि लोकुरकुन मया कियानाता बारेते मिकुन कोटानाता जरुरि हिले इन्जोर निमाट पुन्तोरिट, बाक्याकि निमाट आपसते मया किम्ट इन्जोर परमेस्वर मिकुन करिहतोर।

याकुब 1:25

मति बोर मानेय परमेस्वरना पुरा नियमतुन ध्यान किसोर पालन किन्तोर अनि ओर केन्जचुन मरंगोर मति ओर अदेन सोबाय पालन किन्तोर ते परमेस्वर ओन जरुर आशिष हियानुर।

याकुब 2:12

उन्दि दिया परमेस्वर माकुन आपुना नियमता अनुसार न्याय कियानुर अनि ओना ओद नियम माकुन पापताल स्वतन्त्र किन्ता। अनि निमा न्याय आयार इदाम लोकुरा लेहका वळका अनि बुतो किम।

याकुब 2:19

बाताल परमेस्वर उन्दिय मन्तोर इन्जोर निमाट विस्वास किन्तोरिट। मिया विस्वास पकाय सोबाय मन्ता! अनि दुष्ट आत्मा वने परमेस्वर उन्दिय मन्तोर इन्जोर विस्वास किन्तोर इचोने आयोते ओव वरेते वने कसिंगसोरिंग मन्तांग।

याकुब 4:11

हे बायि-दादालोरक, निमाट वरोर दुसरोन बदनामि केमाट। अनि बोर आपुना तमोना बदनामि किन्तोर अनि न्याय किन्तोर ओर परमेस्वरना नियमता बदनामि किन्तोर, अनि ओन नियमता पोरो दोष लावे किन्तोर। अनि निमाट नियमतिगा दोष लावे किन्तोरिट ते निमाट ओद नियमता अनुसार ताकवाल आयो मति ओद नियमता पोरो न्याय केवाल आन्दिट।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।