याकुब 2:5 - Muria Far Western

⁵ हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

याकुब 2:5 Iomraidhean Croise

मत्ति 11:5

इदाम बाताले निमाट केन्जान्तोरिट अनि हुळान्तोरिट ओद सबोय पोल्लोंग हन्जुन युहन्नान वेहाट।

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मत्ति 5:3

येसु इतुर, “मन्दे गरिब मन्तोरक ओर लोकुरक धन्य मन्तोरक बाक्याकि स्वरग राज्य ओराय मन्ता।

मरकुस 7:14

असके येसु लोकुरकुन आपुना हेरे केयसुन ओरकुन इतुर, “निमाट सबोय नावा केन्जाट, अनि समजेमाम्ट।

लूका 12:21

परमेस्वरना मुने धन बनेकेवोर आस आपुना साटि धनसंपति डगि किन्तोर ओर मानेय इदाम आन्दुर।”

लूका 12:32

येसु असा इतुर, “हे परमेस्वर साटि अलगो कितोरक विस्वासि लोकुरक, निमाट हुचुलोरे मन्तोरिट मति वरियमाट, बाक्याकि मिवोर स्वरगतोर बाबाल स्वरग राज्य मिकुन हियान साटि मिया पोरो गिरदा मन्तोर।

लूका 16:22

“इदाम उन्दि दिया ओर लाजर हातुर, स्वरगदूतक वासुन लाजरिन स्वरगतिगा अब्रहामना हेरे ओतुंग।

लूका 16:25

“मति अब्रहाम इतुर, ‘हे मरि, निमा आपुना जिवातमेन सोबातांग चिजकुन येतितोन, अनि लाजर खराब चिजकुन येचमतोर इदाम निमा अलहा। मति लाजर इदेक इगा सोबाय शान्तिते मन्तोर, अनि निमा नरकतिगा तळपे मान्तोन।

लूका 22:29

अनि बदाम नावोर बाबाल नाकुन राज कियान साटि नाकुन अदिकार हितोर, अदामे नना वने मिकुन राज कियान साटि अदिकार हिंतोना,

लूका 6:20

असके येसु आपुना चेलालोरकुन हुळसुन इतुर: “गरिब मन्तोरिट निमाट धन्य मन्तोरिट, बाक्याकि परमेस्वरना राज्य मियाय मन्ता।

युहनाल 7:48

अनि बाताल मावोर अदिकारि लोकुरकनिकेडाल या परीसि लोकुरकनिगाडाल बोरे ओनागा विस्वास कितोर बहे?

बुतोंग 7:2

स्तिफानुस इतुर, “हे बाबा-दादालोरक केन्जाट। मावोर बाबो अब्रहाम हारान नाटेनिगा मन्दाना मुने मेसोपोटामिया प्रदेशतिगा मतोर असके सबोयताल हजोर परमेस्वर ओन दिसतुर।

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

१ कुरिन्थुस 2:9

परमेस्वरना पवित्र पुस्तकतिगा कोटता लेहका “परमेस्वर आपुना पोरो मया केवालोरक साटि बाताल बाताल बनेहकितोर ओव पोल्लोनुंग बोरे आपुना कोन्डाते हुळोर अनि कविंगने केन्जोर अनि मन्दे विचार केवोर।”

२ कुरिन्थुस 4:15

अदामे पकाय लोकुरकनिगा परमेस्वरना दया विळसोर दान्ता इन्जोर परमेस्वरना महिमासाटि धन्यवादता प्रार्थना केवालोरा संख्या पकाय आसोर मन्ता।

२ कुरिन्थुस 6:10

माक दुःख कियान साटि पकाय पोल्लोंग मन्तांग ते वने माक दरोज पकाय गिरिदाते मन्तोरोम, माक गरिब लेहका मन्तोरोम ते वने माक दुसरो लोकुरकुन सावकार बनेकिन्तोरोम, मावा हेरे बाताले हिले ते वने सबोय मावाय मन्ता।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

२ तिस्लुनि 1:5

अनि निमाट परमेस्वरना राज्यतिगा हन्दान साटि पकाय तकलिप सहेन किन्तोरिट अनि परमेस्वर मिया पकाय तकलिपतुन हुळान्तोर। अनि ओर परमेस्वर मिकुन आपुना राज्यतिगा हन्दान साटि योग्य ठहरे कियानुर अनि इदाम किसुन परमेस्वर दरमि मन्तोर इन्जोर आपुनतुन प्रगट किन्तोर।

१ तिमुति 6:18

अनि धनि मानेय आपुना डबुते भलायि बुतो केविर अनि भलायि बुतो किसोर मनिर, अनि जरुरि लोकुरकुन उदार कियाना अनि मदत कियान साटि दानकेवाल मनिर।

२ तिमुति 4:18

अनि प्रबु सबोय पापतिकडाल नाकुन संभाले किस स्वरगतिगा सुरक्षित ओयनुर। अनि परमेस्वरिन मावाकेडाल दरोज स्तुति आयि। आमेन।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

याकुब 1:12

अनि बोर मानेय पकाय तकलिपतुन विस्वासते मन्जुन मजबुतते अदेन सहेनकिस विजय आन्तोर ओर मानेय आशिरवादते मन्तोर, बाक्याकि ओर पकाय तकलिपतुन सहेन किस विजय आसुन पजा प्रबु आपुनिगा मया केवालोरकुन अनन्त जिवनता सम्मान हियानुर इन्जोर वाचा हितोर ओद अनन्त जिवन ओन पुटार।

याकुब 1:16

हे नावोर बायि-दादालोरक, निमाट दोखा तिनमाट।

याकुब 1:19

हे नावोर बायि-दादालोरक, सबोय लोकुरक ध्यान किस केन्जाना अनि विचार किस वळकाना अनि सान्डे होंग केमाकिर इन्जोर निमाट पुन्तोरिट।

याकुब 1:9

अनि बोर मानेय लोकुरा मुने हुडलोर मन्तोर ओर मानेय गिरदा आम बाक्याकि ओर परमेस्वरना मुने हजोर मन्तोर। मति सावकार मानेयतुन परमेस्वर ओन नम्र बनेकियानपा ओर गिरदा केविर बाक्याकि धनि मानेय रोन्डाता पुंगार लेहका कुससोर मन्दार।

१ पतरस 1:4

ओर येसु मसिना हातोरिगाडाल असा जिवेमायानाता द्वारा, आपुना पकाय दयाते माकुन जिवित मन्ता ओद आशा पुटहान साटि, आकरि न्यायता बेरा प्रगट आयवाल पिसाना पुरा आयान साटि, विस्वासता कारण परमेस्वरना लावते सुरक्षित आस स्वरगतिगा मिया साटि इरस मन्ता,

२ पतरस 1:11

इदाम कियाकिट ते निमाट मावोर प्रबु अनि पिसिहवाल येसु मसिना अनन्त काळता राज्यतिगा हजोर आदरतासंग हन्दा परकिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:9

नना निया पकाय तकलिप अनि गरिबितुन पुन्तोना। मति निमा धनि मन्तोन। अनि आपुनतुन यहुदि इन्तोरक मति ओरक यहुदि हिलेर, मति सयताना उपदेशतुन मानेमान्तोर ओरा निन्दातुन वने पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:7

विजय पुटहानुर ओरे इव सबोय चिजता वारिस आयनुर, अनि नना ओनोर परमेस्वर आयका अनि ओर नावोर मरि आयनुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:18

इन्जोर निमा दनवान आयान साटि किसते शुद्ध किता सोनो अनि निया भान्डालता लज्जा दिसमाकि इन्जोर पान्डरि सन्दरा अनि निकुन सोबाय दिसिला पहाजे इन्जोर कोन्डानिगा होकिला अन्जन नावाकेडाल असा इदाम नना निकुन सल्ला हिन्तोना।