याकुब 1:9 - Muria Far Western

^9-10 अनि बोर मानेय लोकुरा मुने हुडलोर मन्तोर ओर मानेय गिरदा आम बाक्याकि ओर परमेस्वरना मुने हजोर मन्तोर। मति सावकार मानेयतुन परमेस्वर ओन नम्र बनेकियानपा ओर गिरदा केविर बाक्याकि धनि मानेय रोन्डाता पुंगार लेहका कुससोर मन्दार।

याकुब 1:9 Iomraidhean Croise

लूका 1:52

बोर आपुना लावदे राज किन्दुरक ओरकुन परमेस्वर ओरा राज्यगदीताल पुळतुर; अनि ओरा राज्यगदितुन गरिब लोकुरकुन हितुर।

लूका 10:20

मति दुष्टात्मा मिया आग्या मानेमास पसिहनातांग इन्जोर निमाट गिरदा आयमाट, मति मिया पोरोय स्वरगतिगा कोटताल मन्ता इन्जोर गिरदा आम्ट।”

लूका 14:11

अनि आपुनतुन हजोर बनेकियानुर ओन हुडलोर बनेहकियानुर; अनि आपुनतुन हुडलोर बनेकियानुर ओन हजोर बनेहकियानुर।”

लूका 9:48

अनि येसु चेलालोरकुन इन्तोर, “नावा पोरोयदे बोर येर नुनान गिरदाते मानेमायनुर ओर नाकुन वने मानेमायनुर; बोर नाकुन मानेमायनुर ओर मानेय नाकुन लोहवाल परमेस्वरतुन मानेमायनुर। बाक्याकि मिया पयकि बोर हुडलोनताल हुडलोर आन्तोर ओर सबोय लोकुराताल हजोर आयनुर” इन्जोर इतुर।

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

२ कुरिन्थुस 6:10

माक दुःख कियान साटि पकाय पोल्लोंग मन्तांग ते वने माक दरोज पकाय गिरिदाते मन्तोरोम, माक गरिब लेहका मन्तोरोम ते वने माक दुसरो लोकुरकुन सावकार बनेकिन्तोरोम, मावा हेरे बाताले हिले ते वने सबोय मावाय मन्ता।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

फिलिप्पि 3:3

बाक्याकि परमेस्वरना आत्माता मदतते परमेस्वरना आरादना किस केवल येसु मसिनिगा हजोरपण किस मेन्दुलता पोरो कियानाता बोदायि रिवाजते भरोसा केवोम ओरक खरोय कतना केवाल लोकुरक माक आन्दोम।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:9

नना निया पकाय तकलिप अनि गरिबितुन पुन्तोना। मति निमा धनि मन्तोन। अनि आपुनतुन यहुदि इन्तोरक मति ओरक यहुदि हिलेर, मति सयताना उपदेशतुन मानेमान्तोर ओरा निन्दातुन वने पुन्तोना।