याकुब 1:5 - Muria Far Western

⁵ मति मियागाडाल बोने बुद्धि कमजोर मन्दारते ते निमाट परमेस्वरदुन तलकाट परमेस्वर गिरदाते सबोय लोकुरकुन उदारताते हिन्तोर अनि इदामे ओन वने हियानुर।

याकुब 1:5 Iomraidhean Croise

मत्ति 11:20

असके येसु ओना अत्भुत चमत्कारता बुतो आता अव प्रदेशता लोकुरक पस्तेमायोर इन्जोर ओव प्रदेशता लोकुरकुन रांगतुर।

मरकुस 16:14

अकरा चेलालोरक जेवेकियाला उदस मतोरक असके ओरकुन येसु दिसतुर। अनि ओर जितो आतपा बोर बोर ओन हुळस मता ओरा गवाहितुन विस्वास केवो आस मतोर इन्जोर येसु ओरा अविस्वासतुन रांगतुर।

युहनाल 14:13

अनि निमाट नावा पोरोयते बारायि आयि तलकिकिट ते मरिना द्वारा बाबोना महिमा प्रगट कियान साटि अदेन नना कियाका।

युहनाल 15:7

अनि निमाट नावागा मनकिट अनि नावा पोल्लो मियागा मन्दार ते बोदायि इच्चा किस तलकिकिट ते ओद मिकुन पुटार।

युहनाल 4:10

येसु अदेन उत्तर हितुर, “परमेस्वरना वरदान बाताल मन्ता अनि निकुन एर तलकवाल नाकुन वने बोर आन्दुर इन्जोर निमा पुन्ज मनेन ते निमा ओन तलकस मनेन अनि ओर निकुन जिवन हेवाल एर हिस मनेर।”

२ कुरिन्थुस 2:16

माक वेहता मसिना सोबाता पोल्लोतुन येतोर लोकुरक साटि इद ओरा हायाना साटि हायानाता खराब दयमुर मन्ता। अनि मसिना सोबाता पोल्लो येतवालोर लोकुरक साटि इद ओरा अनन्त जिवन साटि जिवनता सोबायि दयमुर मन्ता। मति इद पोल्लोसाटि योग्य बोर मन्तोर?

याकुब 1:17

बाक्याकि सबोय सोबाय वरदान अनि सबोय उत्तम दान आबाळतिगा सबोय वेळिचितुन बनेकितोर परमेस्वरनिकेडाल पुटान्ता अनि ओर जागा बदले कियाना जंगो लेहका परमेस्वर बदले मायोर।

याकुब 3:17

मति स्वरगताल वायवाल ग्यान पहले पवित्र मन्ता पजा शान्ति प्रिय, नम्रता, आग्याकारि, दया अनि सबोय प्रकारता सोबाय बुतो इदाम पोल्लोतुन कियान साटि इद ग्यान माकुन लाव हिन्ता। अनि ओद बोनाय पक्षपात केवो अनि कपटि हिले।

याकुब 5:16

इन्जोर निमाट बिमारिताल सुदरेमायान साटि आपसते वरोर दुसरोना मुने आप-आपुना पापतुन मानेमास वरोर दुसरोन साटि प्रार्थना किम्ट। अनि परमेस्वरना मुने येताना योग्य मानेयना प्रार्थना पकाय लावते बुतो किन्ता।

१ युहनाल 3:22

अनि बारायि माक तलकान्तोराट ओद माकुन ओनाकेडाल पुटान्ता बाक्याकि माक ओना आग्यातुन मानेमान्तोराट अनि ओना गिरदाकियाना बुतो किन्तोरोम।