याकुब 1:21 - Muria Far Western

²¹ इन्जोर आपुना जिवाताल सबोय प्रकारता गलतितुन लक किस मिया जिवाता पिसाना किया परान्ता इदाम पोल्लोतुन परमेस्वर मिया ह्रुदयतिगा उरसता मन्ता ओद पोल्लोतुन नम्रताते स्विकार किम्ट।

याकुब 1:21 Iomraidhean Croise

मत्ति 5:5

नम्र मन्तोरक ओर लोकुरक धन्य मन्तोर बाक्याकि ओरक दरतिता वारिस आयनुरक।

युहनाल 6:63

अनि परमेस्वरना आत्मा जिवन हिन्ता; मानेयता लावते बाराय बुतोता हिले। मानेयतुन ओद जिवन हिया परो। नना मिकुन इतान अव पोल्लोंग मिकुन जिवन हिन्ता बाक्याकि परमेस्वरना आत्माताल इव पोल्लोंग वान्तांग।

युहनाल 6:68

अनि शमोन पतरस येसुन उत्तर हितुर, “हे प्रबु माक बोना हेरे दाकोम? अनन्त जिवनता पोल्लो नियाय हेरे मन्ता।

बुतोंग 10:33

असके नना सान्डेय लोकुरकुन निया हेरे लोहतान, अनि निमा वातिते बेस आतु। परमेस्वर निकुन इतोर ओद सबोय पोल्लोंग केन्जाट इन्जोर माक सबोय इदेक इगा परमेस्वरना मुने मिलेमातोरोम” इन्जोर इतुर।

बुतोंग 13:26

पोलुस असा इतुर, “हे दादालोरक, अब्रहामनोर सन्तान, अनि परमेस्वरतुन वरियवालोरक सबोय लोकुरक, मावा हेरेय पिसानाता इद पोल्लो लोहता मन्तोर।

रोमि 1:16

नना येसु मसिना बारेते सोबाता पोल्लोसाटि लज्जा आयोन; बाक्याकि बोरायि अगा विस्वास इरान्तोरक ओना पिसाना साटि मुने यहुदि अनि पजा यहुदि आयोर लोकुरकुन ओद पिसाना साटि परमेस्वरना लाव मन्ता।

रोमि 11:17

यहुदिलोकुरक इदाम जयतुन मरा लेहका मन्तोरक ओरकुन सोबाय कायांग हियान साटि परमेस्वर आपुनास उरसतोर अनि संभाले कियाला आतोर। मति आपुनास केळातिगा मोळियान्ता ओद मरा लेहका निमाट यहुदि आयोर लोकुरक मन्तोरिट। इदेक परमेस्वर उरसता मराता हुचुक कोहक कदियतोर अनि केळाता मराता कोहक लेहका मन्तोरिट मिकुन परमेस्वर उरसता मरातिगा कलम किस जोळेकितोर इन्जोर निमाट वने हिरकतासंग जोळेमातोरिट अनि मिकुन वने ओव हिरकताल लाव पुटान्ता।

रोमि 6:17

मति निमाट पापतोर दास मतोरिट ते वने माक करिहता उपदेशतुन पुरा मन्दे निमाट पालन किस,

१ कुरिन्थुस 15:2

अनि ओद सोबाता पोल्लोतिगा निमाट मजबुतते विस्वास किस स्थिर मन्तोरिट ते परमेस्वर मिकुन पिसहान्तोर, आयोते मिया विस्वास कियाना बेकार आस मनवार।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

इफिसुस 1:13

मसिना द्वारा मिकुन वने मिया पिसाना साटिता सोबाता पोल्लो मन्जे परमेस्वरना खरोय पोल्लो निमाट केन्जुन ओनागा विस्वास किसुन,

इफिसुस 4:22

निमाट आपुना पहलेटा चालचनता बारेते मिकुन दोखा हिन्द ओद जुनाल स्वभावतुन टन्डस हरचिम्ट इन्जोर करहितोरिट।

इफिसुस 4:25

इन्जोर खोटाल वळकाना हरचुन सबोय लोकुरक आपुनोर हेरेटोरासंग खरोय वळकाट बाक्याकि माक सबोय उन्दिय मेन्दुलता अलग अलग भाग मन्तोरोम।

इफिसुस 5:4

अनि अशिल पोल्लोंग अनि बेकारता जुटाह पोल्लोंग अनि बेकारता खराब मजाक केमाट मति मिया नडुम परमेस्वरना धन्यवाद हियालाय पहाजे।

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

तितुस 2:11

बाक्याकि सबोय मानेयकना पिसाना साटि परमेस्वरना दया प्रगट आतु,

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

यहुदि 2:3

ते हुळाट, परमेस्वर लोकुरकुन पिसहान्तोर इदाम पकाय हजोर पोल्लोतुन माक ध्यान हेवोम आतोम ते परमेस्वरना वायवाल मन्ता ओद दन्डताल माक बसकेय पिसोम आयकोम। इद पिसहानाता पोल्लो मुने प्रबुये वेहतुर। अनि प्रबुनिकेडाल केन्जतुरक ओर लोकुरक इद पोल्लो खरोय मन्ता इन्जोर तोहच हितोरक।

यहुदि 4:2

पहलेटा लोकुरक सोबाता पोल्लो केन्जिहतोरक ओदेय सोबाता पोल्लो माकुन वने केन्जिहतोरोम। मति सोबाता पोल्लो ओरक केन्जतुरक असके ओद सोबाता पोल्लोतुन विस्वासते केन्जोरक आतुरक इन्जोर ओरकुन बाताले फायदा आयो आतु।

याकुब 4:8

अनि निमाट परमेस्वरना हेरे हन्ट ते परमेस्वर वने मिया हेरे वायनुर। हे पापि लोकुरक, निमाट गलति कियाना बन्द किम्ट अनि हे रन्ड मन्कनोर लोकुरक आपुना मन्दुन पवित्र किम्ट।

याकुब 5:20

बोरायि पापि मानेयतुन वापस ततान्तोर ते ओर उन्दि जिवातुन हायानाताल पिसहान्तोर अनि ओना पकाय पापतिगा मापि पुटार इन्जोर निमाट पुन्ट।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।

१ पतरस 1:9

इदाम आपुना विस्वासता आकरि प्रतिफळ मन्जे मिया आत्मातांग पिसाना पुटहान्तोरिट।

१ पतरस 2:1

इन्जोर सबोय प्रकारता खराब बुतो, दोखा, कपट, हेवा, अनि निन्दातुन लक किस,

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।