याकुब 1:2 - Muria Far Western

² हे नावोर बायि-दादालोरक, निमाट पकाय अलग अलग तकलिपते अरान्तोरिट असके,

याकुब 1:2 Iomraidhean Croise

बुतोंग 5:41

असके माक येसुना पोरोयते अपमान आयान साटि योग्य ठहरे मातोम इन्जोर ओरक गिरदा आस यहुदि लोकुरा हजोर सभाता मुनेटाल हतुरक।

रोमि 5:3

इचोन वने आयो, विस्वासता कारणता पकाय तकलिप सहेनकियाना तोहान साटि मदत किन्ता। अनि सहेनकियानाता कारण परमेस्वरिन येताना योग्य मन्ता चरित्र पसिन्ता। अनि ओद चरित्रताल आशा जनम आता इदाम समजेमास,

फिलिप्पि 1:29

बाक्याकि केवल येसु मसिनिगा विस्वास कियाना आयो मति ओना साटि पकायि तकलिप सहेनकियाना वने मिकुन विशेषाल आशिरवाद मन्ता।

फिलिप्पि 2:17

मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

फिलिप्पि 2:18

इंगो, अदामे निमाट वने गिरदाते मन्ट अनि नावासंग गिरदा किम्ट।

कुलुसि 1:24

इदेक मिया साटि पकाय तकलिप मन्ता इन्जोर नना गिरदा आतोना अनि इद पकाय तकलिपतुन सहेनकियाना जिमेदारि येसु मसिनिकेडाल ओना मेन्दुल मन्ता ओना मसिलोकुरा सभा साटि नावा मेन्दुलतिगा पुरा किन्तोना।

यहुदि 10:34

निमाट कयदि लोकुरा पकाय तकलिपतिगा वने मदत किस ओरासंग संगत कितिट। अनि निमाट मिया हेरे असा वने उन्दि सोबाय अनि सबोय काळदे मन्वाल संपति मन्ता इदाम पुन्दिट आपुना संपति वने गिरदाते विरोदि लोकुरकुन ओयिला हितिट।

याकुब 1:12

अनि बोर मानेय पकाय तकलिपतुन विस्वासते मन्जुन मजबुतते अदेन सहेनकिस विजय आन्तोर ओर मानेय आशिरवादते मन्तोर, बाक्याकि ओर पकाय तकलिपतुन सहेन किस विजय आसुन पजा प्रबु आपुनिगा मया केवालोरकुन अनन्त जिवनता सम्मान हियानुर इन्जोर वाचा हितोर ओद अनन्त जिवन ओन पुटार।

याकुब 1:16

हे नावोर बायि-दादालोरक, निमाट दोखा तिनमाट।

याकुब 1:19

हे नावोर बायि-दादालोरक, सबोय लोकुरक ध्यान किस केन्जाना अनि विचार किस वळकाना अनि सान्डे होंग केमाकिर इन्जोर निमाट पुन्तोरिट।

याकुब 5:11

अनि हुळाट पकाय तकलिपतुन सहेमास विस्वासते मजबुतते मुने हतोरक ओर लोकुरकुन माक धन्य मन्तोर इन्जोर वळकिन्तोम। निमाट अयुब पोरोयतोर मानेय बदाम आपुना पकाय तकलिप सहेन कितोर इन्जोर केन्जान्तोरिट। अनि आकरि प्रबु ओन बदाम आशिष कितुर इदेन वने निमाट पुतोरिट। प्रबु बचोन करुणा अनि दयालु मन्तोर।

२ पतरस 2:9

परमेस्वरना मुने येताना योग्य लोकुरकुन पकायि तकलिपताल बदाम पिसहाना, अनि परमेस्वरना नियमता विरोदते ताकवाल पापि लोकुरकुन न्यायता दियावनाह दन्ड हियान साटि बदाम इरिला पहाजे इदेन प्रबु पुन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:10

निकुन सहेन कियाना मन्ता ओद पकाय तकलिपता बारेते निमा वरियमा। बाक्याकि हुळाट, मिया परिक्षा आयि इन्जोर सयतान मियागाडाल हुचुलोर लोकुरकुन जेहलतिगा वाटवाल मन्तोर; अनि मिकुन दहा दियांगवनाह पकाय तकलिप मन्दार। ओरक मिकुन हव्काना परिस्थिति वायकि ते वने विस्वासते मन्ट, ते नना मिकुन अनन्त जिवनता मुकुट हियाका।