याकुब 1:12 - Muria Far Western

¹² अनि बोर मानेय पकाय तकलिपतुन विस्वासते मन्जुन मजबुतते अदेन सहेनकिस विजय आन्तोर ओर मानेय आशिरवादते मन्तोर, बाक्याकि ओर पकाय तकलिपतुन सहेन किस विजय आसुन पजा प्रबु आपुनिगा मया केवालोरकुन अनन्त जिवनता सम्मान हियानुर इन्जोर वाचा हितोर ओद अनन्त जिवन ओन पुटार।

याकुब 1:12 Iomraidhean Croise

मत्ति 10:22

नावा पोरोयता कारणते सबोय लोकुरक मिकुन होंग कियानुरक, मति बोर आकरि वनाह हिमत पयस मन्दानुर ओरे पिसानुर।

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

लूका 6:22

नना मानेयतोर मरिनिगा विस्वास किन्तोरिट इन्जोर लोकुरक मिकुन दुश्मन किस ओराकेडाल पसिहच मिकुन निन्दा किस निमाट पकाय दुष्ट इदाम समजेमास मिकुन इन्कार कियानपा निमाट धन्य मन्तोरिट।

रोमि 5:4

माक आपुना पकाय तकलिपते वने पकायि गिरदा किन्तोरोम।

रोमि 8:28

अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम।

१ कुरिन्थुस 2:9

परमेस्वरना पवित्र पुस्तकतिगा कोटता लेहका “परमेस्वर आपुना पोरो मया केवालोरक साटि बाताल बाताल बनेहकितोर ओव पोल्लोनुंग बोरे आपुना कोन्डाते हुळोर अनि कविंगने केन्जोर अनि मन्दे विचार केवोर।”

१ कुरिन्थुस 8:3

मति बोरे मानेय परमेस्वरतुन मया किन्तोर ते ओन परमेस्वर पुतोर।

१ कुरिन्थुस 9:25

अनि वरोर वरोर कुस्टि करसवाल मानेय ओद करसनाता नियमता अनुसार पकाय ध्यानते तयार आन्तोर। ओर कुस्टि करसवाल नाश आस मारिन्ता ओद मुकुटता बकसिस मन्ता ओद बकसिस साटि सबोय किन्तोर मति माक दरोज मन्वाल बकसिसता मुकुट साटि सबोय किन्तोरोम।

२ तिमुति 2:15

अनि परमेस्वर निकुन स्विकार कियान साटि योग्य अनि परमेस्वरना उचित सेवक आसुन निमा सोबाय मेहनत किम। अनि परमेस्वरना खरोय पोल्लोतुन खरोय रितिते करहा। अनि इदाम कियाकि ते प्रबुना मुने बसकेय निमा लज्जित आयो आयिकि।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

यहुदि 10:32

मति निमाट मसिना बारेता खरोय पोल्लो समजेमास मसि विस्वासि बनेमातिट असके मिया पकाय तकलिपतिगा हिमतासंग विस्वासते स्थिर मतोरिट ओव पहलेटा दियानुंग निमाट आल्हाट।

यहुदि 11:17

परमेस्वर अब्रहामिन परिक्षा किस ओना वरोर मरिन बलि हियान साटि आज्ञा हितुर। विस्वासता कारणते ओर परमेस्वरना आग्या पालन कितुर। परमेस्वर अब्रहामिन “इसहाकना द्वारा निया वंश विळार” इन्जोर मुने उन्दि वाचा हिस मतोर ते वने परमेस्वर तलकाना बेरा अब्रहाम आपुना वरोर मरिन बलि हियाला लागतुर। अब्रहामिन विस्वास मन्ता इन्जोर ओर इदाम कितुर।

यहुदि 12:5

“नावोर मरि, प्रबु निकुन दन्ड कियाना बेरा अदेन तिरस्कार केमा अनि मिया गलतितुन परमेस्वर सुदरे कियाना बेरा निया हिमत तासिमा।

यहुदि 6:15

अनि इदे रितिते अब्रहाम पोसोरिंग सहेनकिस परमेस्वर प्रतिज्ञा किता पोल्लो येतितुर।

याकुब 2:5

हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

याकुब 5:11

अनि हुळाट पकाय तकलिपतुन सहेमास विस्वासते मजबुतते मुने हतोरक ओर लोकुरकुन माक धन्य मन्तोर इन्जोर वळकिन्तोम। निमाट अयुब पोरोयतोर मानेय बदाम आपुना पकाय तकलिप सहेन कितोर इन्जोर केन्जान्तोरिट। अनि आकरि प्रबु ओन बदाम आशिष कितुर इदेन वने निमाट पुतोरिट। प्रबु बचोन करुणा अनि दयालु मन्तोर।

१ पतरस 3:14

निमाट परमेस्वरना मुने येताना योग्य बुतोंग कियानाता कारण दुःख सहेन कियाकिट ते धन्य मन्तोरिट। “लोकुरा वरहानातुन वरियमाट, अनि चिन्ताकेमाट।” मति मिया मन्दिगा मसिन प्रबु इन्जोर समजेमास आरादना किम्ट।

१ पतरस 4:13

मति मसिना पकायि तकलिपतिगा सहभागि आन्तोरिट इन्जोर गिरदा किम्ट! अदेनते ओर महिमाते प्रगट आयान बेरा निमाट पकाय गिरदा कियाकिट।

१ पतरस 4:14

अनि मसिना पोरोय साटि मिया निन्दा आन्ता ते निमाट धन्य मन्तोरिट, बाक्याकि महिमाता आत्मा मन्जे परमेस्वरना आत्मा मियागा वास मन्तोर।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

१ पतरस 5:4

अनि मुक्याल मेहवाल येसु मसि प्रगट आयनुर असके ओर मिकुन बसकेय कोमेजे मायो आयार महिमाता ओद मुकुट हियानुर।

१ युहनाल 4:19

अनि ओर माकुन पहले मया कितुर इन्जोर माक ओन मया किन्तोराट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:10

निकुन सहेन कियाना मन्ता ओद पकाय तकलिपता बारेते निमा वरियमा। बाक्याकि हुळाट, मिया परिक्षा आयि इन्जोर सयतान मियागाडाल हुचुलोर लोकुरकुन जेहलतिगा वाटवाल मन्तोर; अनि मिकुन दहा दियांगवनाह पकाय तकलिप मन्दार। ओरक मिकुन हव्काना परिस्थिति वायकि ते वने विस्वासते मन्ट, ते नना मिकुन अनन्त जिवनता मुकुट हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:19

नना मया किन्तोना ओरकुन नना रांगान्तोना अनि दन्ड हिन्तोना इन्जोर हलकायिते मन अनि पस्तेमाम।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:21

नना वने विजय आस आपुना बाबोनासंग ओना सिंहासनतिगा उदिता लेहका बोर जिकानुर ओन नना नावासंग नावा सिंहासनतिगा उदाना साटि अदिकार हियाका।