यहुदि 8:3 - Muria Far Western

³ बाक्याकि वरोर हजोर याजक भेट, अनि बलि हियान साटि निवळे कितोर इन्जोर येना वने हेरे भेट हियान साटि बाताले पहाजे इन्जोर जरुरि मता।

यहुदि 8:3 Iomraidhean Croise

युहनाल 6:51

अनि स्वरगता रेयता जिवनता रोटि ननाय आन्दान बोरायि इद रोटितिगाडाल तिनिर ते ओरक दरोज साटि जितो मन्दानुरक। अनि नना हियाका ओद रोटि दरतिता लोकुरकुन जिवेमायान साटि हियाना नावा मेन्दुल आन्दु।”

रोमि 4:25

मावोर प्रबु येसु मसिन हातोरिगाडाल असो जिवेहकितोर ओर परमेस्वरनिगा विस्वास कितोरक माकुन वने अदेना द्वारा परमेस्वरना मुने येताना योग्य ठहरे कियान साटि मन्ता।

रोमि 5:6

माक कमजोरे मतोम ते वने मसि परमेस्वर ठहरे किता बेराते, माक परमेस्वरना विरोदते ताकवाल पापि लोकुरक साटि, आपुनतुन बलिदान हितुर।

रोमि 5:8

मति माक पापिये मतोम ते वने मसि मावा साटि आपुना जिवा हितुर इदाम परमेस्वर मावा साटि आपुना मायातुन तोहतुर।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 2:17

इन्जोर लोकुरकुन ओरा पापताल मापि पुटहान साटि परमेस्वरना सेवातिगा दया केवाल अनि विस्वासयोग्य मन्तोर हजोर याजक आस पापता मापि साटि बलि हिया परिर इन्जोर मावा लेहका येसु सबोय रितिते खरोय मानेय बनेहकियाना जरुरि मता।

यहुदि 3:1

ओद कारणते, परमेस्वर संगे केयतोर पवित्र लोकुरक हे बायि-दादालोरक, ओर परमेस्वरना खास राजदूत अनि माक वेहान्तोरोम मावा विस्वासता हजोर याजक मन्तोर ओर येसुनाय बारेते निमाट पकाय ध्यान किम्ट।

यहुदि 5:1

वरोर हजोर याजक यहुदि लोकुरकनिगाडाल लोकुरक साटि परमेस्वर निवळे किन्तोर मन्तोर। अनि ओर हजोर याजक लोकुरा पापता मापि साटि परमेस्वरना मुने दान अनि बलि हियाला साटि मन्तोर।

यहुदि 7:27

अनि लेवि वंशता हजोर याजक लोकुरक मुने आपुना पापतुन अनि पजा लोकुरा पाप साटि दरोज बलि हियाना लेहका ओन जरुरि हिले। बाक्याकि ओर ओरा पाप साटि आपुनतुन बलि हिस सबोय काळ साटि उन्दिय बेराते बलि आतुर।

यहुदि 8:4

ओर दरतितिगा मन्ज मनेर ते याजक आयोर आस मनेर बाक्याकि दरतितिगा पहलेटाले मूसाना नियमता अनुसार दान हेवालोर याजक लोकुरक मन्तोरक।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?