यहुदि 1:3 - Muria Far Western

³ ओर परमेस्वर बचोन हजोर मन्तोर अदेन तोहान्तोर अनि ओर परमेस्वरना खरोय स्वभावतुन ओनिगा माक खरोय हूळ परान्तोरोम, अनि ओर दुनियाता सबोय चिजतुन आपुना लावता आग्याते पालन-पोषन किन्तोर। ओर माक सबोय लोकुरकुन पापताल शुद्ध कियाना हरि बेनेहकिस स्वरगतिगा मन्दाना हजोर महिमावाले परमेस्वरना तिन्दान कयबासा हन्जुन उदितुर।

यहुदि 1:3 Iomraidhean Croise

मत्ति 22:24

“हे गुरु, बोरे मानेय बालक आयवाय हायिर ते ओनोर तमो ओना मुतेनसंग मरमिंग किस आपुना तमोन साटि वंश पयदाह केविर इन्जोर मूसाल आग्या हितोर।

मरकुस 16:19

प्रबु येसु ओरासंग वळकसोर मतोर असके ओर स्वरगतिगा ताहतुर अनि परमेस्वरना तिन्दान कयबासा उदितुर।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

युहनाल 1:29

दुसरो दिया येसु आपुनिके वायानपा हुळसुन बपतिस्मा हेवाल हुन्नाल इदाम इतुर “हुळाट, येर दुनियातोर लोकुरा पापताल मुक्ति हियान्तोर परमेस्वरनोर बेळा पिला आन्दुर।।

युहनाल 1:4

अनि ओर बनेकिता सबोयतुन ओरेय जिवन हिन्तोर अनि परमेस्वरना खरोयतुन उन्दि वेळिचि लेहका लोकुरकुन ओर प्रगट किस हितुर।

बुतोंग 2:33

परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट।

बुतोंग 7:56

“हुळाट, नना स्वरगतुन तरियता अनि मानेयतोर मरिन मन्जे येसु मसि परमेस्वरना तिन्दान कयबासा नितितोर हुळिला आतोना” इन्जोर इतुर।

रोमि 1:16

नना येसु मसिना बारेते सोबाता पोल्लोसाटि लज्जा आयोन; बाक्याकि बोरायि अगा विस्वास इरान्तोरक ओना पिसाना साटि मुने यहुदि अनि पजा यहुदि आयोर लोकुरकुन ओद पिसाना साटि परमेस्वरना लाव मन्ता।

रोमि 8:34

पजा बोर ओरकुन दोषि ठहरे किया परान्तोर? इदाम बोरे हिलेर! बाक्याकि येसु मसि मावा साटि हातुर। इंगो, ओर हातोरिगाडाल असा जिवेमातुर अनि परमेस्वरना तिन्दान कय बासा उदितोर अनि परमेस्वरना मुने मावा साटि विनन्ति वने किन्तोर।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

कुलुसि 3:1

ते इदेक निमाट मसिनासंग असा जिवेमातोरिट इन्जोर मसिहा परमेस्वरना तिन्दान कयबासा लावतासंग हजोर मानते उदितोर ओद स्वरगतिगा बाताल मन्ता अदेन पळकसोरिंग मन्ट।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 1:13

परमेस्वर बसकेय वने बोरे स्वरगदूतकुन इदाम इनोर, “नना नियोर दुश्मनिन निया काल्क अडिय कियानवनाह निमा नावा तिन्दान कयबासा उदा”

यहुदि 10:12

मति येर याजक मन्जे मसि ते पापता मापितुन सबोय काळ साटि आपुनतुन उन्दिय बलिदान हितुर अनि पजा ओर परमेस्वरना तिन्दान कयबासा हन्ज उदितुर।

यहुदि 12:2

अनि मावा विस्वासता कारण अनि मावा विस्वासतुन परिपूर्ण केवाल येसुये मन्तोर। इन्जोर माक ओर येसुनिके हुळसोर मुने वितिला पहाजे। ओर येसु ते भविष्य काळते ओन पुटार ओद पकाय हजोर गिरिदाता बारेते विचार किस कुरुस पोरो हायाना ओद लज्जातुन ध्यान केवोर आस हिमते ओद पकाय तकलिप सहेन किस हातुर। ओर इदाम हातुर इन्जोर ओर स्वरगतिगा परमेस्वरना सिंहासनता तिन्दान कयबासा हन्जुन पकाय हजोर आदरतिगा उदितुर।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

यहुदि 7:27

अनि लेवि वंशता हजोर याजक लोकुरक मुने आपुना पापतुन अनि पजा लोकुरा पाप साटि दरोज बलि हियाना लेहका ओन जरुरि हिले। बाक्याकि ओर ओरा पाप साटि आपुनतुन बलि हिस सबोय काळ साटि उन्दिय बेराते बलि आतुर।

यहुदि 8:1

माक वळकिला आतोरिट अगडाल सबोयताल हजोर पोल्लो इद मन्ता: स्वरगतिगा हजोर महिमावान परमेस्वरना सिंहासनता तिन्दान कय हेरे हन्ज उदितोर वरोर हजोर याजक मावा साटि मन्तोर।

यहुदि 9:16

बाक्याकि वरोर मानेय हातुर असके ओन बने किता वसियत कागत बाकि मन्ता ते ओर हातुर इदाम लोकुरकुन सबुत हियाना जरुरि मन्ता।

यहुदि 9:26

ते दुनियाता उत्पतिताल मसि असा असा पकाय तकलिप सहन किया लागस मनेर। मति ओर इद दुनियाता अन्ततिगा आपुना बलिदानता द्वारा पापतुन मापि केविर इन्जोर ओर उन्दि बेरा दिसतुर।

१ पतरस 1:21

ओन हातोरिगाडाल जिवेकिहितुर अनि ओन महिमा हितुर ओर परमेस्वरनिगा मसिना कारण माक विस्वास किन्तोरोम। अदाम मिया विस्वास अनि आशा परमेस्वरनिगा मन्ता।

१ पतरस 3:22

ओर स्वरगतिगा हन्जुन परमेस्वरना तिन्दान कयबासा उदितुर, स्वरगदूत अनि अदिकारि अनि सबोय लाव ओना अदिकारता अधिनते मन्तांग।

२ पतरस 1:16

बाक्याकि बसके माक मिकुन आपुना प्रबु येसु मसिना लावता अनि ओना असा मलस वायानाता पोल्लो मिकुन हिस मतोम ओद हुशयारिते मानेय बनेकिता पिटोता अनुसार हिले आसि बाक्याकि माक आपुनास ओना महिमातुन हुळस मतोम।

२ पतरस 1:17

बाक्याकि “येर नावोर मायातोर मरि आन्दुर, ओनाताल नना गिरदा मन्तोना” इन्जोर ओद पकाय महिमाताल इद लेंग वातु असके ओर बाबो परमेस्वरनिकेडाल आदर अनि महिमा ओन पुटतुर।

१ युहनाल 1:7

मति बदाम परमेस्वर वेळिचितिगा मन्तोर अदामे माक वने वेळिचितिगा ताकिकाट ते वरोर दुसरोनसंग संबन्द मन्ता अनि ओनोर मरि येसुना नतुर माकुन सबोय पापताल शुद्ध किन्ता।

१ युहनाल 3:5

अनि येसु पापता नाश कियान साटि प्रगट आतुर इन्जोर निमाट पुन्तोरिट। अनि येसुन बोदे पाप किपरोर।

यहुदा 1:25

मावोर प्रबु येसु मसिना द्वारा मावोर पिसिहवाल केवल वरोर परमेस्वरिन, पहलेटा काळताल इदेक वने अनि सबोय काळदे महिमा, गेवरव अनि लाव अनि अदिकार मनि। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:21

नना वने विजय आस आपुना बाबोनासंग ओना सिंहासनतिगा उदिता लेहका बोर जिकानुर ओन नना नावासंग नावा सिंहासनतिगा उदाना साटि अदिकार हियाका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:11

“हे मावोर प्रबु, निमाय सबोय चिजक उत्पन्न किति अनि ओव सबोय नियाय इच्चाते तयार कितोन अनि उपजेह कितोन इन्जोर महिमा, आदर अनि लाव येताना निमाय योग्य मन्तोन इन्जोर वेहचुन ओरक आपुना-आपुना मुकुटक सिंहासनता मुने सोपे कितुरक।”