यहुदि 1:2 - Muria Far Western

² मति माक मन्दाना दुनिया इद आकरि दियांगते परमेस्वर मावासंग आपुना मरिना द्वारा वळकतुर; परमेस्वर ओन सबोय पोल्लोता वारिस आस निवळे कितुर अनि ओनाय द्वारा परमेस्वर सबोय ब्रंमान्डतुन बनेहकितोर।

यहुदि 1:2 Iomraidhean Croise

मत्ति 13:39

केळा विजा वीतितुर ओर दुश्मन सयतान आन्दुर। कोयाना दुनियाता अन्त आन्दु; अनि कोयवालोरक स्वरगदूत आन्दुर।

मत्ति 17:5

अनि पतरस वळकिला आस मन्दुर अचोय बेरा आबारताल उन्दि ढगि वासुन ओरा पोरो दळमि आतु अनि ओद ढगितिगाडाल “येर नावोर प्रिय मरि आन्दुर, येनिगा नना गिरिदा मन्तोना, निमाट येनांग वेहतानुंग केन्जाट” इन्जोर उन्दि लेंग वातु।

मत्ति 21:38

मति कास्तकारक ओनोर मरिन हुळस, ‘येर ते वारिस आन्दुर, वाट, येन हव्कस वाटिट, पजा इद अंगुरता बगिचा माकुनेय आयार’ इदाम वरोन दुसरोन वळकिला लागतुरक।

मत्ति 26:63

मति येसु बाराय वळकोर। असके महायाजक ओन “निमा परमेस्वरनोर मरि मसि आन्दि ते माकुन वेहा, नना निकुन जिवित परमेस्वरना पोरोयते शपथ हिन्तोना” इन्जोर इतुर।

मत्ति 28:18

येसु ओरा हेरे वातुर, “स्वरगतिगा अनि दरतितिगा सबोय अदिकार नाकुन हिता मन्ता।

मत्ति 3:17

“येर नावोर मयातोर मरि आन्दुर, ओनाताल नना पकाय गिरदा मन्तोना” इन्जोर स्वरगताल उन्दि लेंग आत।

मरकुस 1:1

परमेस्वरनोर मरि येसु मसिना सुसमाचारता सुरुवात।

मरकुस 12:6

इन्जोर आकरिते वरोरे पिस मतोर, ओर ओनोर मयातोर मरि मतोर। इदेक ‘ओरक नावोर मरिना आदर कियानुर’ इन्जोर विचार किस ओर ओन वने ओरा हेरे लोहतुर।

मरकुस 12:7

मति ओरक कास्तकारक आपसते इतुर, ‘येर ते वारिस आन्दुर, वाट माक येन होवक्स वाटकाट असके इद सबोय मावा आयार।’

युहनाल 1:10

अनि ओर इद दुनियातेय मतोर अनि ओना द्वाराय सबोय आयि इद दुनियातिगा तयार आता। ते वने दुनियातोर लोकुरक ओन पुनोर।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

युहनाल 1:3

अनि ओना द्वारा सबोय आयि तयार आता अनि बारायि आयि तयार आता अगडाल बोदायि चिज ओना सिवायि तयार आयो।

युहनाल 13:3

अनि बाबो सबोय अदिकार नावा कयदे हितुर अनि नना परमेस्वरनिकेडाल वातोना अनि परमेस्वरना हेरे दान्तोना इन्जोर येसु इदाम पुन्दुर।

युहनाल 13:32

नावागा परमेस्वरना महानता पुरा आता ते परमेस्वर वने नना मानेयतोर मरि बचोन महान मन्तोर इन्जोर लोकुरकुन तोहानुर अनि ओर अदेन सान्डे तोहानुर।

युहनाल 15:15

अनि मालकाल बाताल किन्तोर इन्जोर दास पुनोर इन्जोर इदेकताल नना मिकुन दास इनोन आयका, मति नना मिकुन गोतियाह इतोना बाक्याकि नना बोद पोल्लोंग आपुनोर बाबोनिकेडाल केन्जतान अव सबोय मिकुन वेहतान।

युहनाल 16:15

अनि बाराय आयि बाबोना मन्ता अदु सबोय नावा आन्दु इन्जोर ओर नावांग पोल्लोतिगाडाल येचुन मिकुन वेहानुर इन्जोर नना इतान।”

युहनाल 17:2

बाक्याकि बोन निमा नाकुन हितोन ओरक सबोय लोकुरकुन नना अनन्त जिवन हियाका इन्जोर निमा सबोय लोकुरकनिगा नाकुन अदिकार हितोन।

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 3:25

अगा बपतिस्मा हेवाल युहन्नानोर हुचुक चेलालोरक अनि वरोर यहुदि मानेयसंग यहुदि रितिरिवाजता सापसुप कियाना नियमता बारेते वाद-विवाद आत।

युहनाल 5:26

बाक्याकि जिवन हेवाल बाबो आन्दुर अनि ओर नना मानेयतोर मरि नाकुन वने जिवन हियाना अदिकार हितोर।

युहनाल 5:27

अनि नना मानेयतोर मरि आन्दान इन्जोर न्यायकियान अदिकार वने नाकुन हितोर।

युहनाल 9:29

अनि परमेस्वर मसिनासंग वळकतोर इन्जोर माक पुन्तोरोम मति येर बगाडोर आन्दुर इन्जोर माक पुनोम।”

बुतोंग 10:36

शान्तिता सोबाता पोल्लो सबोयलोरा प्रबु येसु मसिना द्वारा वेहिच आपुना पोल्लो परमेस्वर इस्रायेल लोकुरा हेरे लोहतुर।

बुतोंग 2:17

‘आकिरता दियांगते नना नावा आत्मा सबोय लोकुरकुन पकाय हियाका, अनि मिवोर मरक अनि मिया पेडिह परमेस्वरना पोल्लो वेहानुरक, अनि मिवोर लयोरक परमेस्वरताल दर्शन हुळानुरक, अनि मिवोर मुदयाहलोरक परमेस्वरताल कनिष्कनुरक।

रोमि 1:4

परमेस्वरना प्रिय अनि पवित्र आयान साटि केयस मतोरक ओर रोम सहेरतिगा मनवालोर सबोय लोकुरक साटि इद पत्र कोटान्तोना:

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

१ कुरिन्थुस 2:7

परमेस्वर दुनिया बनेकियाना मुनेय मावा हजोरपण साटि ठहरे कितोर अनि मुनेटोर लोकुरनिकेडाल मकस मता परमेस्वरना ग्यानता पोल्लो आन्दु माक वेहान्तोरोम।

१ कुरिन्थुस 8:6

मति माकुन वरोरे परमेस्वर मन्तोर, ओरे मावोर बाबो मन्तोर, अनि ओरे सबोय चिज बनेकितोर अनि माक ओना साटि जिवेमायिला पहाजे। अनि माकुन वरोरे प्रबु मन्तोर ओर येसु मसि आन्दुर। अनि ओरे सबोय चिज बनेकितोर अनि माक वने ओनाय कारणते जिवित मन्तोरोम।

गलाति 4:4

मति आकरिते बाबो परमेस्वर निर्णय किता खरोय बेरा पुरा आत, असके ओर आपुनोर मरि मसिन लोहतुर, ओर मानेय आस आळदाल जन्मेमातुर अनि मूसाना नियमतुन पालन किसोर मतोर।

इफिसुस 1:10

अनि निश्चित बेरा वायार असके बारायि स्वरगतिगा अनि दरतितिगा मन्ता ओद सबोय येसु मसिना अदिकारतिगा उन्दि केविर इन्जोर परमेस्वरना इद योजना मता।

इफिसुस 3:9

सबोयतुन बेनहकेवाल परमेस्वरना मन्दिगा पकाय काळताल मकस मता ओद रहस्य योजनाता अर्थ बाताल मन्ता इन्जोर सबोय लोकुरकुन वेहान साटि इद दया नाकुन हितोर।

यहुदि 1:5

बाक्याकि परमेस्वर “निमा नावोर मरि आन्दि, नेन्ड नना निकुन जनम हितान। अनि नना ओनोर बाबो आयका अनि ओर नावोर मरि आयनुर” इदाम स्वरगदूतक निकेडाल बोनायसंग परमेस्वर बसकेय इतोर बहे?

यहुदि 1:8

मति पवित्र पुस्तक आपुना मरिना बारेते इदाम इन्तोर, “हे परमेस्वर निया राज सबोय काळदे मन्दार, निमा निया लोकुरा पोरो खरोयते राज कियाकि।

यहुदि 11:3

बाताले दिसान्ता ओव सबोय पोल्लो बसकेय दिसो पोल्लोताल बनेमाता इन्जोर परमेस्वर आपुना आग्याते इद सबोय ब्रंमान्डतुन बनेकितुर इदाम माक विस्वासतेय समजेमान्तोरिट।

यहुदि 2:3

ते हुळाट, परमेस्वर लोकुरकुन पिसहान्तोर इदाम पकाय हजोर पोल्लोतुन माक ध्यान हेवोम आतोम ते परमेस्वरना वायवाल मन्ता ओद दन्डताल माक बसकेय पिसोम आयकोम। इद पिसहानाता पोल्लो मुने प्रबुये वेहतुर। अनि प्रबुनिकेडाल केन्जतुरक ओर लोकुरक इद पोल्लो खरोय मन्ता इन्जोर तोहच हितोरक।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

यहुदि 5:8

ओर परमेस्वरनोर मरि मतोर ते वने पकाय तकलिप सहन किस आग्या मानेमायाना करियतुर।

यहुदि 7:28

खरोय, मूसाना नियम पापता अधिन मतोरक लोकुरकुन हजोर याजक आस आचान्तोर। ओरक आपुना जिवनते परिपूर्ण हिले आस मतोरक। मति मूसाना नियमता पजा परमेस्वर शपथतासंग उन्दि वाचा हितुर। अनि ओद वाचा ते हजोर याजकना रुपते परमेस्वर आपुना मरिन निवळे कितुर। ओर मरि सबोय काळ साटि परिपूर्ण बनेमातुर।

यहुदि 7:3

ओनोर बाबो या ओना अवहारि या ओना वारसान बारेता बोदे इतिहास माक पुटो। अनि ओना जनमा या हायानाता बारेते बोदे इतिहास माक पुटो। अनि मलिकिसिदक परमेस्वरनोर मरिना लेहका ओर दरोज साटि याजक मन्तोर।

यहुदि 9:26

ते दुनियाता उत्पतिताल मसि असा असा पकाय तकलिप सहन किया लागस मनेर। मति ओर इद दुनियाता अन्ततिगा आपुना बलिदानता द्वारा पापतुन मापि केविर इन्जोर ओर उन्दि बेरा दिसतुर।

१ पतरस 1:20

दुनियाता उत्पन्न आयानाता पहलेटाले मसिन आचतुर मति इदेक ओर इद आकरि काळतिगा मिया साटि दिसतुर।

२ पतरस 3:3

“ओना वायाना वाचा बगा हतु?

यहुदा 1:18

“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।