गलाति 6:3 - Muria Far Western

³ मति निमाट हुडलोर मन्तोरिट ते वने आपुनतुन पकाय हजोर समजेमान्तोरिट ते आपुनतुन दोखा हिन्तोर।

गलाति 6:3 Iomraidhean Croise

लूका 18:11

अनि परीसि मानेय निचुन आपुना मन्दे पकाय लावते इदाम प्रार्थना किया लाकतुर, ‘हे परमेस्वर, नना येर डाकु, खोटाल, व्यभिचार केवालोरक इदाम लोकुरा लेहका या येर टाक्स येतवाना लेहका वने नना हिलेन इन्जोर नना निया धन्यवाद किन्तोना।

बुतोंग 5:36

बाक्याकि इव दियाता पहले थियुदास पोरोयतोर वरोर मानेय नना वने बोरे आन्दान इदाम इन्ज तेदितुर, अनि नालुंग नुहकना हेरे लोकुरक ओनासंग मिलेमातुर; मति ओन हव्कतुरक अनि बचोक लोकुरक ओन मानेमान्दुरक ओरक सबोय हिके-होके आस नाश आतुरक।

रोमि 12:16

निमाट सबोय लोकुरासंग सोबाय संबन्द इराट, घमन्ड केमाट अनि दुसरो लोकुरक हुडलोर समजेमान्तोरक इदाम सबोय लोकुरासंग निमाट सोबाय संबन्द इराट, अनि केवल आपुनतुने बुद्धिमान समजेमायमाट।

रोमि 12:3

परमेस्वर नाकुन दयाकिस मिया साटि लोहतोर इन्जोर नना निमाट सबोय लोकुरकुन इन्तोना, निमाट आपुनतुन खरोय रितिते समजेमाम्ट मन्जे निमाट बचोन लायक मन्तोरिट अदेनताल आपुना हजोरपण तोहमाट। मति परमेस्वर सबोय लोकुरकुन बचोन विस्वास हितोर अदेना अनुसार आपुनतुन समजेमाम्ट।

१ कुरिन्थुस 13:2

अनि नाकुन परमेस्वरना पोल्लो वेहाना वर्दान पुटस नावागा परमेस्वरना मकिस इरस मता सबोय योजनातुन समजेमायाना लाव अनि सबोयि ग्यान मन्ता अनि मटातुन गुचाहाना लेहका हजोर विस्वास नावागा मन्ता मति नना दुसरोन मया केवोन ते नना बाताले हिलेन।

१ कुरिन्थुस 3:18

बोरे आपुनतुन दोखा हेमाकिर। मियागा बोरे आपुनतुन इद दुनियाता रितिते ग्यानि इन्जोर विचार किन्तोर ते ओर मानेय आपुनतुन बाताले पुनोर मानेय लेहका बनेकिम। इदाम कियानुर ते ओर परमेस्वरना मुने खरोय ग्यानि आयनुर।

१ कुरिन्थुस 8:2

अनि नना सबोय पुन्तोना इदाम बोरे वळकान्तोर ते ओर बाताल बाताल पुन्दिलाय पहाजे अदेन इदेकवनाह पुनोर।

२ कुरिन्थुस 12:11

नना वरोर मुर्ख लेहका वळकिलातोना! मति निमाटे नाकुन मजबुरिते इदाम किहतिट। निमाट नावा बारेते प्रशंसा कियाला पहाजे आस मता बाक्याकि नना बाताले हिलेन ते वने माक येसुना हजोर चेला लोकुरक मन्तोरक इदाम घमन्ड केवालोरक ओर लोकुराताल नना बोदे पोल्लोतिगा बाताले हुडलोर हिलेन।

२ कुरिन्थुस 3:5

माक आपुनास मावा साटि सबोय बुतो कियाला लाववाले मन्तोरोम इदाम आयो मति इद सबोय बुतो कियाना लाव माकुन परमेस्वरताल पुटान्ता।

गलाति 2:6

मति मसिलोकुरा सभाता हजोर लोकुरक लेहका विस्वासि लोकुरक समजेमातोरक ओरक मुक्या लोकुरकनिकेडाल नना प्रचार कियानाता सुसमाचारतुन बाराय फायदा पुटो (बाक्याकि बिना भेदभावते सबोय मानेय परमेस्वरना मुने उन्दि लेहकाय मन्तोर)

गलाति 2:9

अनि मसिलोकुरा सभाता मुक्याल आस लोकुरक समजेमास मतोरक ओरक याकुब, पतरस अनि युहन्नाल परमेस्वरना दया नाकुन वने पुटत इन्जोर समजेमास नाकुन अनि बरनबासतुन ओरा संगे बुतो केवाल इदाम स्विकार कितुर। अनि ओरक यहुदि लोकुरा नडुम परमेस्वरना सोबाता पोल्लो वेहतुरक अदामे माकुन यहुदिलोकुरक आयोरिगा सोबाता पोल्लो वेहान साटि ओरक माकुन प्रोत्साहन कितुरक।

२ तिमुति 3:13

अनि खोटाल उपदेश करिहवालोर ओर लोकुरक सोबाय उपदेश करहान्तोर लेहका आपुना खोटाल उपदेश करहिन्तोर अनि खराब बुतो किसोर मन्दानुरक। अनि ओर लोकुरक दुसरोन दोखा किन्तोर अनि आपुन वने दोखा तिन्तोर।

याकुब 1:22

अनि निमाट परमेस्वरना पोल्लोतुन केवल केन्जवाल आस आपुनतुन दोखा केमाट मति परमेस्वरना पोल्लोतुन मानेमायवाल बनेमाम्ट।

याकुब 1:26

अनि बोरायि मानेय आपुना वन्जेर पोरो काबु इरोर आयनुर अनि ओर आपुनतुन दोखा हिस आपुनतुन भक्ति केवाल लेहका समजेमायिर ते ओना भक्ति व्यर्थ आयार।

१ युहनाल 1:8

अनि माक मावागा बाताले पाप हिले इदाम इन्दाकाट ते आपुनतुन दोखा हिन्तोरोम अनि मावागा बाताले खरोय हिले।