गलाति 5:1 - Muria Far Western

¹ मसि माकुन स्वतन्त्र कितुर इन्जोर ओद स्वतन्त्रतिगा स्थिर मन्ट अनि मूसाना नियमता दासत्वतिगा असा हिरकमाट।

गलाति 5:1 Iomraidhean Croise

मत्ति 23:4

ओरक ताहाना पकाय कटिन मन्ता वजातुन दोहचुन मानेयकना हटातिगा इरान्तोर मति अदेन ओयान साटि बाताले मदत केवोरक।

लूका 5:38

मति पुनाल अंगुरता जोमातुन केवल पुनाल तोलाता जोरातिगा इरिला पहाजे।

बुतोंग 15:10

इन्जोर मावोर आजि-दादिलोर ताह परोर आसि अनि माक वने ताहिला परोम ओद जुवा इदेक चेलाहना गुळंगातिगा इरस बाक्या निमाट परमेस्वरना परिक्षा किन्तोरिट?

रोमि 6:14

निमाट मूसाना नियमता मदतते आयो मति परमेस्वरना दयाता मदतते जिवेमान्तोरिट इन्जोर मियागा पापता अदिकार ताको आयार।

रोमि 6:18

पापताल मुक्ति पुटतु अनि निमाट दारमिकातातोर सेवक बनेमातिट इन्जोर परमेस्वरना धन्यवाद मन्ता।

रोमि 7:3

मुजो जिवित मन्दानपा ओद आळ बोरायि दुसरो मानेयनासंग संबन्द कियाकि ते अदेन व्यभिचारणि इन्तोरक। मति अदेनोर मुजो हान्तोर ते मरमिंगना बारेता मूसाना नियम अदेन लागु आयो अनि इन्जोर साटि ओद दुसरो मानेयना मुत्ते आन्ता ते वने ओद व्यभिचारणि आयो।

रोमि 7:6

मति इदेक माकुन उन्दि बेरा बन्दि बनेकिस मता ओद नियमतुन मावागा बाराय अदिकार हिले। बाक्याकि माक येसु मसिनासंग हातोम अनि इदेक जुनाल कोटता नियमताल आयो मति आत्माता पुनाल रितिते माक आपुनोर स्वामि परमेस्वरना सेवा किन्तोरोम इन्जोर माकुन नियमताल लेहचितुर।

रोमि 8:15

बाक्याकि मिकुन पुटता ओर पवित्र आत्मा मिकुन असा दन्ड पुटार इदाम वरहान साटि मिकुन पापता दास बनेकेवो मति ओर पवित्र आत्मा मिकुन परमेस्वरना बालपोस मरि बनेकिन्तोर। अदेनते माक “हे आब्बा, हे बाबो” इन्जोर इन्तोराट।

रोमि 8:2

येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर।

१ कुरिन्थुस 15:58

इन्जोर हे नावोर प्रिय बायि-दादालोरक, निमाट विस्वासते मजबुत मन्ट अनि बोदे कारणते निमाट विस्वासताल लक हन्माट। अनि प्रबुन साटि निमाट किन्तोरिट ओद मेहनत बेकार हिले इदाम समजेमास निमाट प्रबुना बुतो पकाय लावदे मुने किसोर मन्ट।

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

१ कुरिन्थुस 7:22

बाक्याकि प्रबु आचतोर असके वरोर मानेय गुलामि मन्तोर ते ओर खरोय प्रबुना स्वतन्त्र मानेय मन्तोर। अदामे प्रबु आचतोर असके ओर स्वतन्त्र मानेय मन्तोर ते ओर खरोय मसिना गुलाम मन्तोर।

२ कुरिन्थुस 11:20

बाक्याकि बोरे मिकुन दास बनेकिन्तोरक या मिया फायदा येतानतोरक या फसेह किन्तोरक या आपुनतुन हजोर किन्तोरक या मिया कोरवितिगा थापळिते हिन्तोर ते वने निमाट सहे किन्तोरिट।

२ कुरिन्थुस 3:17

प्रबु ते आत्मा आन्दुर अनि बोनागा प्रबुना आत्मा मन्ता अगा स्वतन्त्र मन्ता।

गलाति 2:4

इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 3:25

मति येसु मसि मावा पापताल पिसान साटि कुरुस पोरो हातुर इन्जोर माक विस्वास कोन्तोरोम इन्जोर इदेक माक ओद नियमता अदिकारते मनवाट।

गलाति 4:26

अनि सारा पोरोयता दुसरो आळ स्वरगता येरुसलेम लेहका मन्ता। ओद अब्राहिमना मुत्ते आन्द दासि आयो इन्जोर ओद मावा याल आन्दु।

गलाति 4:31

इन्जोर हे बायि-दादालोरक, माक दासि आळता बालक आयो मति माक अब्राहिमना मुत्तेना बालक आन्दोम।

गलाति 4:9

मति इदेक निमाट परमेस्वरतुन पुतोरिट अनि परमेस्वर मिकुन पुतोर ते इद दुनियाता कमजोर अनि बेकार दरम नियम करहानाता पोल्लोंगना अनि रितिरिवाजता परके वलियस बाक्या दुसरो बेरा अदेना दास आयाना इच्चा किन्तोरिट?

गलाति 5:13

हे बायि-दादालोरक, मिकुन परमेस्वर स्वतन्त्र मन्दान साटि आचतोर, मति इद स्वतन्त्रतुन केवल शारिरिक वासनाता बुतो साटि सन्दि हेमाकिर मति मयाते वरोर दुसरोना सेवा किम्ट।

इफिसुस 6:14

परमेस्वरना सच्चायितुन आपुना नळितिगा पट्टा लेहका आरेकिस अनि परमेस्वरना मुने दारमिक पोल्लो कियाना चिलकत लेहका पोन्डस,

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

१ तिस्लुनि 3:8

बाक्याकि निमाट प्रबुना विस्वासतिगा स्थिर मन्ट इदाम केन्जुन माक पकाय गिरदा आतोम।

२ तिस्लुनि 2:15

हे बायि-दादालोरक, निमाट विस्वासते कम्बिर मन्ज मावा पोल्लोता या पत्रता रुपते मिकुन पुटता करहानातुन पालन किसोर मन्ट।

यहुदि 10:23

अनि माकुन प्रतिज्ञा कितोर ओर खरोय मन्तोर ओर अदेन पुरा कियानुर इन्जोर माक जरुर पुटार इदाम वाचा पुटता पोल्लोता बारेते दुसरो लोकुरकुन वेहिलाय हिमतते मनिर।

यहुदि 3:14

बाक्याकि माक येसुनिगा विस्वास किता केवल ओद पहलेटा दियातांग विस्वासतिगा आपुना जिवाता आकरिवनाह मजबुते मनकाट ते माक मसिना सहभागि आसोर मनकाट।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

१ पतरस 2:16

निमाट स्वतन्त्र मन्तोरिट मति दुष्टतातुन मुचान साटि आपुना स्वतन्त्रता उपयोग केमाट; अनि निमाट परमेस्वरनोर दास समजेमास ताकाट।

२ पतरस 2:19

ओरक आपुनाय पकायि खराब स्वभावता दास मन्तोरक ते वने दुसरो सबोय लोकुरकुन वने स्वतन्त्र कियानाता बारेते वाचा किन्तोरक। बाक्याकि वरोर मानेयना पोरो बोद पोल्लो अदिकार किन्ता ओर अदेना दास मन्तोर।

यहुदा 1:3

हे प्रिय गोतियालोरक, माक सबोय लोकुरक सहभागि मन्ता ओद पिसानाता बारेते नना कोटान साटि योजनाकिस पकाय मेहनत कितान। ओद बेरा पवित्र लोकुरक साटि, सबोय काळ साटि, उन्दिय बेरा सोपेह किस मतोर ओद विस्वास साटि लळायिकियाना जरुरिता बारेते मिकुन प्रोत्साहन कियाना पकाय जरुरि मन्ता इन्जोर नाकुन समजेमातान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:25

मति मियागा मन्ता खरोय विस्वास नावा असा मलस वायानवनाह हिमते पयस मनिर इन्जोर नना आग्या हिन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:3

इन्जोर ओरक निकुन केन्जिहता खरोय करिहाना अनि बदाम निमाट ओव पोल्लो येतितोन इन्जोर अलहा। ओद खरोय करहानातुन पालन किम अनि आपुना पापताल पस्तेमाम। अनि निमा हुशार मनवि आयकि ते नना कलेर लेहका वायका अनि बोद बेरा नना निया हेरे वायकान इन्जोर निमा पुनवि आयकि।