गलाति 4:9 - Muria Far Western

⁹ मति इदेक निमाट परमेस्वरतुन पुतोरिट अनि परमेस्वर मिकुन पुतोर ते इद दुनियाता कमजोर अनि बेकार दरम नियम करहानाता पोल्लोंगना अनि रितिरिवाजता परके वलियस बाक्या दुसरो बेरा अदेना दास आयाना इच्चा किन्तोरिट?

गलाति 4:9 Iomraidhean Croise

मत्ति 11:27

नावोर बाबो नाकुन सबोय अदिकार सोपेह कितोर अनि बाबोना तासि बोरे मरिन पुनोर; अनि मरि अनि मरि बोना साटि ओन तोहाना इच्चा कितुर केवल ओरक बाबोन पुन्तोरक।

लूका 5:38

मति पुनाल अंगुरता जोमातुन केवल पुनाल तोलाता जोरातिगा इरिला पहाजे।

युहनाल 10:14

मति बेळांगना बेस मेहवाल ननाय आन्दान। बदाम नावोर बाबो नाकुन पुन्तोर अनि नना बाबोन पुन्तोना अदामे नना आपुना बेळानुंग पुन्तोना अनि नावा बेळांग नाकुन पुन्तांग अनि नावा बेळानुंग पिसहान साटि नना आपुना जिवा वने हिन्तोना।

युहनाल 10:27

अनि नावा बेळांग नावा पोल्लोंग मानेमातांग। अनि नना अवेहकुन पुन्तोना अनि अव नावा परके परके ताकान्तांग।

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

रोमि 8:29

परमेस्वर मुनेटाल आचतोर ओर लोकुरकुन आपुना मरि येसु मसि पकाय हेलाळ तमोहनिगा सबोयताल हजोर तमो आयिर इन्जोर आपुना मरिना स्वरुपता लेहका आयान साटि मुनेटाले ठहरे कितुर।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

१ कुरिन्थुस 13:12

इदेक आरसातिगा माक जारवा लेहका दिसान्ता अदामे इदेक माक बाताले सोबाय हुळिला परोम मति उन्दि दिया माक सबोय सोबाय नावा मुने हुळकोम। अनि इदेक माक हुडन्साय पुन्तोरोम। मति परिपूर्ण मन्ता ओद पोल्लो वायार असके बदाम परमेस्वर मावा बारेते सबोय पुन्तोर अदामे माक वने परिपूर्ण पुन्काट।

१ कुरिन्थुस 15:34

इन्जोर खरोय रितिते विचार किस निमाट होसते मन्ट अनि पाप कियाना तासिम्ट, बाक्याकि मियागडाल हुचुलोर लोकुरक परमेस्वरना बारेते पुनोरक, इन्जोर मिकुन लज्जा आयि इन्जोर नना इदाम इन्तोना।

१ कुरिन्थुस 8:3

मति बोरे मानेय परमेस्वरतुन मया किन्तोर ते ओन परमेस्वर पुतोर।

२ कुरिन्थुस 11:20

बाक्याकि बोरे मिकुन दास बनेकिन्तोरक या मिया फायदा येतानतोरक या फसेह किन्तोरक या आपुनतुन हजोर किन्तोरक या मिया कोरवितिगा थापळिते हिन्तोर ते वने निमाट सहे किन्तोरिट।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

गलाति 3:3

अनि पवित्र आत्माता आग्यातुन पालन किस मिया आत्मिक जिवन सुरु कितिट ते मिया लक्षतिके अवान साटि इदेक आपुना लावते कोसिस कियाना साटि निमाट इचोन मुर्ख मन्तोरिट बहे?

गलाति 4:3

अदामे माक वने, मसिना विस्वासते वायाना पहले ओर वारिस मनवाल नोनाल लेहका इद दुनियाता बेकार दरम नियमता अदिकारते आस अदेना दास बनेमास मतोरोम।

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

२ तिमुति 2:19

मति बोर परमेस्वरनिगा विस्वासकिन्तोर ओर लोकुरक उन्दि लोता मजबुत पायवा लेहका मन्तोर। ओरा विस्वास बसकेय नाश आयो आयार। अनि ओद पायवातिगा इदाम उन्दि शिक्का कोटस मतोर: “प्रबु आपुना लोकुरकुन सोबाय पुन्तोर अनि ओर लोकुरक पाप कियाना बन्द कियाला पहाजे।”

यहुदि 7:18

पहलेटा नियम कमजोर अनि व्यर्थ मता इन्जोर इदेक अदेन रद्द कितुर।

२ पतरस 2:20

ओरक मावोर प्रबु अनि पिसिहवाल येसु मसिना पुन्दाना द्वारा सन्सारता अलग-अलग प्रकारता अशुद्धताताल पिसियतोर, असा ओव पोल्लोतिगा हिरक्स हारेमातुर ते ओरा आकरि दसा पहलेटाल वने खराब आयार।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।