गलाति 4:4 - Muria Far Western

⁴ मति आकरिते बाबो परमेस्वर निर्णय किता खरोय बेरा पुरा आत, असके ओर आपुनोर मरि मसिन लोहतुर, ओर मानेय आस आळदाल जन्मेमातुर अनि मूसाना नियमतुन पालन किसोर मतोर।

गलाति 4:4 Iomraidhean Croise

मत्ति 1:23

इदाम प्रबु आपुना पोल्लो वेहवालना द्वारा इन्ज मतोर ओद पोल्लो पुरा आयि इन्जोर इद सबोय आत।

मत्ति 3:15

येसु ओन “इदेक इदामे आयिला हिम, बाक्याकि माकुन इदे रितिते परमेस्वरना मुने येताना योग्य मन्ता सबोय पोल्लोंग पुरा कियाना सोबाय मन्ता” इन्जोर उत्तर हितुर, असके युहन्नाल ओना पोल्लो मानेमातुर।

मत्ति 5:17

येसु असा ओरकुन इतुर, “नना मूसाना नियम या परमेस्वरना पोल्लो वेहवालोरा पोल्लोतुन नाश कियाला वातोना इन्जोर समजेमायमाट; नाश कियाला आयो मति अदेन पुरा कियान साटि वातोना।

मरकुस 1:15

“परमेस्वर वाचा हिस मतोर ओद काळ वाता, अनि परमेस्वरना राज्य हेरे वाता, मिया पाप कियाना बन्द किस सोबाता पोल्लोतिगा विस्वास किम्ट!” इदाम इतुर।

लूका 1:31

हुळा! निमा मेन्दुत आयकि, अनि वरोर नुनान जनम हियाकि; अनि ओना पोरोय निमा येसु इरकि।

लूका 1:35

स्वरगदूत मरियमिन इतुर, “परमेस्वरना पवित्र आत्मा नियागा रयार, अनि सबोयताल हजोर परमेस्वरना लाव नियागा मन्दार। इन्जोर जनम आयवाल पवित्र नुनाल परमेस्वरनोर मरि इन्दानुर।

लूका 2:7

अनि मरियम आपुना पहले मरिन जनम हीत। अनि ओरकुन बेतलहेमतिगा मन्दाना साटि विशराम गुह बगाय पुटो इन्जोर चवातुन जुन्हीते हुरिचुन कोळकातिगा इरतु।

लूका 20:44

मति दावुद राजाल मसिन ‘प्रबु’ इन्तोर; ते ओर बदाम दावुद राजानोर मरि आयपरानुर?” इदाम पुच्चेमातुर।

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

युहनाल 10:36

ते बाबो अलग किसुन दुनियातिगा लोहतोर नाकुन ‘नना परमेस्वरनोर मरि आन्दान’ इदाम नना इतोना इन्जोर नना परमेस्वरना अपमान किन्तोन इदाम निमाट बाक्या वळकान्तोरिट?

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 6:38

बाक्याकि नना आपुना इच्चाते आयो मति नाकुन लोहवाल नावोर बाबोना इच्चा पुराकियान साटि नना स्वरगताल रेयस वातोना।

युहनाल 8:42

येसु ओरकुन इतुर, “खरोय परमेस्वर मिवोर बाबो मनेर ते निमाट नाकुन मया किस मनेरिट, बाक्याकि नना आपुना अदिकारते वायोन मति ओरे परमेस्वर नाकुन लोहतोर इन्जोर नना इगा मन्तोना। नना आपुना अदिकारते इगा वायोन; मति ओरे परमेस्वर नाकुन लोहतोर।

बुतोंग 1:7

येसु ओरकुन इतुर, “बाबो परमेस्वर आपुना अदिकारते इरतोर ओद बेरा या काळदुन निमाट पुन्दाना साटि परवांगि हिले।

रोमि 1:3

आचकुन अलग किस केयस मतोर येसुना खास चेलाल अनि येसु मसिनोर दास पोलुस,

रोमि 15:8

बाक्याकि परमेस्वर यहुदि लोकुरा आजि-दादालोरकुन वाचा हिस मतोर ओद पोल्लोतुन ओर पुरा कितोर इन्जोर परमेस्वरना ओद खरोय पोल्लोतुन पका कियान साटि मसिहाल यहुदि लोकुरा साटि वरोर सेवकता रुपते वातुर।

रोमि 5:6

माक कमजोरे मतोम ते वने मसि परमेस्वर ठहरे किता बेराते, माक परमेस्वरना विरोदते ताकवाल पापि लोकुरक साटि, आपुनतुन बलिदान हितुर।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

रोमि 9:5

अनि ओर अब्रहाम, इसहाक अनि याकुब इदाम पुरकातोरक ओरा बाबो-दादिलोरक मन्तोरक। अनि ओरागागडाले मसिहाल मानेय आस जनम आतुर, ओर सबोयनोर परमेस्वर आस सबोयना पोरो राज किन्तोर अनि ओना स्तुति सबोय काळते आयिला पहाजे! आमिन।

इफिसुस 1:10

अनि निश्चित बेरा वायार असके बारायि स्वरगतिगा अनि दरतितिगा मन्ता ओद सबोय येसु मसिना अदिकारतिगा उन्दि केविर इन्जोर परमेस्वरना इद योजना मता।

कुलुसि 2:14

अनि मावा दन्डता कारण आस मावा विरुद कोटता मता ओद सबोय नियमतुन ओर मावा नडुमताल गुचिहच अदेन कुरुस पोरो कोहक्स मावा पापतुन मापि हिस ओनासंग माकुन जिवे किसिहतुर।

१ तिमुति 2:6

ओर सबोय लोकुरा पापता पिसाना साटि आपुना जिवनतुन कुरुसतिगा बलिदान हितुर लेहचियानाता इद गवाहि परमेस्वर सबोय लोकुरकुन खरोय बेराते हितुर।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

यहुदि 2:14

परमेस्वरना बालक मानेयक मन्तोरक इन्जोर परमेस्वरनोर मरि वने आपुनतुन अदामे कितुर। येसु मानेय आस वातुर इन्जोर हायानाता कारण मन्ता ओर सयतानतुन येसु आपुना हायानाता द्वारा हारे कितुर।

१ युहनाल 4:14

अनि बाबो आपुनोर मरिन दरतिता लोकुरकुन पिसान साटि लोहतोर ओद हुळस माक गवाहि हिन्तोरोम।

१ युहनाल 4:2

परमेस्वरना आत्मातुन इद रितिते निमाट पुन्द परान्तोरिट: बोद आत्मा येसु मसि मेन्दुलतिगा आस वातोर इन्जोर स्विकार किन्तोर ओद आत्मा परमेस्वरनिकेडाल मन्तोर।