गलाति 4:3 - Muria Far Western

³ अदामे माक वने, मसिना विस्वासते वायाना पहले ओर वारिस मनवाल नोनाल लेहका इद दुनियाता बेकार दरम नियमता अदिकारते आस अदेना दास बनेमास मतोरोम।

गलाति 4:3 Iomraidhean Croise

मत्ति 11:28

हे मेहनत केवालोर अनि वजा कान्जान्तोर सबोय लोकुरक नावा हेरे वाट नना मिकुन शान्ति हियाका।

युहनाल 8:31

असके येसुनिगा विस्वास कितोर येहुदि लोकुरकुन येसु इतुरक, “निमाट नावा करहानातिगा दरोज मान किसोर मनकिट ते निमाट खरोय नावोर विस्वासि आयकिट।

बुतोंग 15:10

इन्जोर मावोर आजि-दादिलोर ताह परोर आसि अनि माक वने ताहिला परोम ओद जुवा इदेक चेलाहना गुळंगातिगा इरस बाक्या निमाट परमेस्वरना परिक्षा किन्तोरिट?

रोमि 7:14

इन्जोर मूसाना नियम आत्मिक मन्ता मति पाप नावागा अदिकार किस नाकुन पापता दास बनेहकिता इन्जोर नना आत्मिक मानेय हिलेन।

रोमि 8:15

बाक्याकि मिकुन पुटता ओर पवित्र आत्मा मिकुन असा दन्ड पुटार इदाम वरहान साटि मिकुन पापता दास बनेकेवो मति ओर पवित्र आत्मा मिकुन परमेस्वरना बालपोस मरि बनेकिन्तोर। अदेनते माक “हे आब्बा, हे बाबो” इन्जोर इन्तोराट।

२ कुरिन्थुस 11:20

बाक्याकि बोरे मिकुन दास बनेकिन्तोरक या मिया फायदा येतानतोरक या फसेह किन्तोरक या आपुनतुन हजोर किन्तोरक या मिया कोरवितिगा थापळिते हिन्तोर ते वने निमाट सहे किन्तोरिट।

गलाति 2:4

इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 3:19

असके पजा मूसाना नियम बाक्या हितोर? अब्रहामिन वाचा हिस मतोर ओर मरि मसि वायानवनाह मानेयना पापता स्वभावतुन नियत्रण कियाना साटि मूसाना नियम हिस मतोर। अनि परमेस्वर स्वरगदूतकना द्वारा वरोर मध्यस्थिता लेहका मूसाना कयदे ओद नियम हिस मतोर।

गलाति 4:2

मति बाबोना निश्चित किता ओद बेरावनाह ओर केपवालोर अनि कारबारि लोकुरा कयदे मन्तोर इन्जोर नना वेहान्तोना।

गलाति 4:24

इव पोल्लो उन्दि उदाहरण मन्ता। इव रन्ड आसक परमेस्वर आपुना लोकुरासंग बेनेकितोर रन्ड करार लेहका मन्तांग; उन्दि करार परमेस्वर सिनाय मटा पोरो मूसान कयदे हितुर अनि ओद नियमता पालन किन्तोरक ओर लोकुरक ओद नियमता दास लोकुरक लेहका मन्तोरक। अनि इद हाजिरा पोरोयता दासि मन्ता।

गलाति 4:25

इगा हाजिरा पोरोयता दासि अरब देशता सिनाय मटा लेहका आन्दु, अनि इदेकता येरुसलेम अदेना बराबर मन्ता बाक्याकि येरुसलेम आपुना लोकुरासंग मूसाना नियमता दासक मन्तोरक।

गलाति 4:31

इन्जोर हे बायि-दादालोरक, माक दासि आळता बालक आयो मति माक अब्राहिमना मुत्तेना बालक आन्दोम।

गलाति 4:8

पहले निमाट लोकुरक परमेस्वरतुन पुनविट आन्दिट अनि परमेस्वरना स्वभाव हिलेर इदाम खोटाल परमेस्वरतोरक दास मन्दिट।

गलाति 4:9

मति इदेक निमाट परमेस्वरतुन पुतोरिट अनि परमेस्वर मिकुन पुतोर ते इद दुनियाता कमजोर अनि बेकार दरम नियम करहानाता पोल्लोंगना अनि रितिरिवाजता परके वलियस बाक्या दुसरो बेरा अदेना दास आयाना इच्चा किन्तोरिट?

कुलुसि 2:20

निमाट मसिनासंग हातोरिट अनि लोकुरक पालन कियाना साटि मानेय बनेहकिता सन्सारता नियमताल स्वतन्त्र कितुर ते इद दुनियाता रितिते व्यवहार केवाल लोकुरा लेहका सन्सारता नियमता अनुसार:

कुलुसि 2:8

मिकुन परमेस्वरना बारेते मानेयना ग्यान अनि केवल खोटाल करिना करहिसुन बोरायि मिकुन दोखा हेमाकिर इन्जोर हुशार मन्ट। ओद मानेयता परम्परा अनि इद दुनियाता लोकुर बनेहकिता नियमता अनुसार मन्ता मति इद मसिना बारेता खरोय करिहानाता विरुद मन्ता।

यहुदि 5:12

इचोन काळ निमाट विस्वासते मन्तोरिट इन्जोर परमेस्वरना पोल्लो करिहवाल आयिला पहाजे आस मता। मति मिकुन ते इदेक वने वरोर पुनाल विस्वासिना लेहका परमेस्वरना पहलेटा उपदेश असा वने मिकुन करिहलाय दुसरो वरोर मानेयना जरुरि मन्ता। मिकुन इदेक हजोर जेवन आयो मति पाले पहाजे।