गलाति 2:5 - Muria Far Western

⁵ सुसमाचारता खरोय मियागा दरोज मन्दाना इन्जोर उन्दि घटकामेन्ड वने ओरा अदिकारते आयाना साटि माक मानेमायोम।

गलाति 2:5 Iomraidhean Croise

बुतोंग 15:2

पोलुस अनि बरनबास ओरा करियानाता विरोद मतोर इन्जोर ओरासंग पकाय वाद-विवाद कितुरक असके पोलुस अनि बरनबास अनि ओरागाडाल हुचुलोर मानेयक इद समस्याता बारेते येसुना खास लोकुरकुन अनि येरुसलेम सहेरता मसिलोकुरा सभाता मुक्याहलोरा हेरे वेहान साटि ओरा हेरे हनिर इन्जोर योजना कितुर।

गलाति 1:6

मसिना दयाते मिकुन केयतोर ओर परमेस्वरिन तासिस निमाट इचोन सान्डे आपुना विस्वासताल परके मल्स अनि दुसरोय प्रकारता येसु मसिना सोबाता पोल्लोतिके हन्दिला आतोरिट इन्जोर नाकुन पकाय आश्चरय आन्ता।

गलाति 2:14

मति ओरक सोबाता पोल्लोता खरोयते ताकोर इन्जोर नना हुळतान असके नना सबोय लोकुरा मुने पतरसतुन इतान, “निमा यहुदि मानेय मन्तोन मति निमा यहुदि लोकुरा रितिरिवाज अनुसार आयो मति यहुदि आयोर लोकुरा लेहका ताकान्तोन। निमा यहुदि लेहका ताकवि ते निमा दुसरो यहुदि आयोर लोकुरकुन यहुदि रितिरिवाज अनुसार ताकिला पहाजे इन्जोर जबरदस्तिते बाक्या इन्तोन?”

गलाति 4:16

नना मिया इदाम पकाय सोबाय संबन्दते मन्तोना ते मियासंग खरोय वळकानाता कारण बाताल नना मिवोर दुश्मन बनेमातोनान बहे?

इफिसुस 1:13

मसिना द्वारा मिकुन वने मिया पिसाना साटिता सोबाता पोल्लो मन्जे परमेस्वरना खरोय पोल्लो निमाट केन्जुन ओनागा विस्वास किसुन,

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

यहुदा 1:3

हे प्रिय गोतियालोरक, माक सबोय लोकुरक सहभागि मन्ता ओद पिसानाता बारेते नना कोटान साटि योजनाकिस पकाय मेहनत कितान। ओद बेरा पवित्र लोकुरक साटि, सबोय काळ साटि, उन्दिय बेरा सोपेह किस मतोर ओद विस्वास साटि लळायिकियाना जरुरिता बारेते मिकुन प्रोत्साहन कियाना पकाय जरुरि मन्ता इन्जोर नाकुन समजेमातान।