गलाति 2:4 - Muria Far Western

⁴ इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 2:4 Iomraidhean Croise

लूका 5:38

मति पुनाल अंगुरता जोमातुन केवल पुनाल तोलाता जोरातिगा इरिला पहाजे।

बुतोंग 15:1

पजा यहुदियाताल हुचुक लोकुरक वास, “मूसाना नियमता अनुसार मिया कतना आयो ते मिया पिसाना आयिला परो” इन्जोर विस्वासि लोकुरकुन करिहला लागतुरक।

बुतोंग 15:24

मावानिगाडाल हुचुक लोकुरक अगा वास आपुना पोल्लोंगते मिकुन तकलिप किस मिया मन्दुन दुःख कितुरक इन्जोर माक केन्जतोम मति ओर लोकुरकुन माक बाताले आग्या हेवोम आसि।

बुतोंग 20:30

चेलालोरकुन येसुना बदला आपुना परके कियान साटि मसिना बारेता खरोय पोल्लोतुन बदले केवालोरक मियागाडाल तेदानुरक।

रोमि 8:15

बाक्याकि मिकुन पुटता ओर पवित्र आत्मा मिकुन असा दन्ड पुटार इदाम वरहान साटि मिकुन पापता दास बनेकेवो मति ओर पवित्र आत्मा मिकुन परमेस्वरना बालपोस मरि बनेकिन्तोर। अदेनते माक “हे आब्बा, हे बाबो” इन्जोर इन्तोराट।

२ कुरिन्थुस 11:13

बाक्याकि इदाम लोकुरक येसुना खास चेलाल लोकुरक आयोर मति ओरक खोटाल सेवक लोकुरक मन्तोरक। ओरक माक येसु मसिना खास चेलाल लोकुरक आन्दोम इदाम तोहान साटि लोकुरकुन बहके केवालोर कपटि लोकुरक आन्दुरक।

२ कुरिन्थुस 11:17

नना इन्दिला आतोना ओद पोल्लो प्रबुना इच्चाता अनुसार आयो मति नावा हजोरपणता ओद पोल्लोता बारेते पका विस्वासतासंग केवल वरोर मुर्ख लेहका नना इन्दिला आतोना।

२ कुरिन्थुस 11:20

बाक्याकि बोरे मिकुन दास बनेकिन्तोरक या मिया फायदा येतानतोरक या फसेह किन्तोरक या आपुनतुन हजोर किन्तोरक या मिया कोरवितिगा थापळिते हिन्तोर ते वने निमाट सहे किन्तोरिट।

२ कुरिन्थुस 11:26

नना पकाय लक पकाय बेरा यात्रा कितोना। अनि नदितिगा, कलेरकना मुने, नावा यहुदि जातितोर लोकुरकना नडुम, यहुदि लोकुर आयो दुसरो जातितोर लोकुरकना नडुम नाकुन दोखा आतु। सहेरतिगा, केळातिगा, समुद्रतिगा नाकुन दोखा आतु। अनि खोटाल तमोलोकुरा कारण नाकुन दोखा आतु।

२ कुरिन्थुस 3:17

प्रबु ते आत्मा आन्दुर अनि बोनागा प्रबुना आत्मा मन्ता अगा स्वतन्त्र मन्ता।

गलाति 1:7

मति खरोय ओद सोबाता पोल्लोये हिले। मति हुचुक लोकुरक येसु मसिना सोबाता पोल्लोतुन बिगळे किस मिकुन भळके कियाना इच्चा किन्तोर।

गलाति 4:25

इगा हाजिरा पोरोयता दासि अरब देशता सिनाय मटा लेहका आन्दु, अनि इदेकता येरुसलेम अदेना बराबर मन्ता बाक्याकि येरुसलेम आपुना लोकुरासंग मूसाना नियमता दासक मन्तोरक।

गलाति 4:3

अदामे माक वने, मसिना विस्वासते वायाना पहले ओर वारिस मनवाल नोनाल लेहका इद दुनियाता बेकार दरम नियमता अदिकारते आस अदेना दास बनेमास मतोरोम।

गलाति 5:1

मसि माकुन स्वतन्त्र कितुर इन्जोर ओद स्वतन्त्रतिगा स्थिर मन्ट अनि मूसाना नियमता दासत्वतिगा असा हिरकमाट।

गलाति 5:10

मियागा बोदायि दुसरो गलति करहाना आयो आयार इन्जोर नना प्रबुनिगा मिया बारेते भरोसा इरान्तोना। मति मिकुन बोर इदाम गलति करहाना किस मिकुन भळकेह किन्तोर ओर बोरायि मानेय मनिर ओन दन्ड पुटार।

२ तिमुति 3:6

अनि खरोय विस्वासता लावतुन हरचिन्तोर ओर लोकुरक दुसरोना लोहक लोहक दान्तोरक। अनि ओद लोता मुर्ख आसकनिगा आपुना गलति उपदेश किस अवेकुन नियत्रण किन्तोर। अनि अव आसक दरोज पाप किस सबोय प्रकारता गलति शारिरिक विचारता नियत्रणते मन्तांग,

याकुब 1:25

मति बोर मानेय परमेस्वरना पुरा नियमतुन ध्यान किसोर पालन किन्तोर अनि ओर केन्जचुन मरंगोर मति ओर अदेन सोबाय पालन किन्तोर ते परमेस्वर ओन जरुर आशिष हियानुर।

१ पतरस 2:16

निमाट स्वतन्त्र मन्तोरिट मति दुष्टतातुन मुचान साटि आपुना स्वतन्त्रता उपयोग केमाट; अनि निमाट परमेस्वरनोर दास समजेमास ताकाट।

२ पतरस 2:19

ओरक आपुनाय पकायि खराब स्वभावता दास मन्तोरक ते वने दुसरो सबोय लोकुरकुन वने स्वतन्त्र कियानाता बारेते वाचा किन्तोरक। बाक्याकि वरोर मानेयना पोरो बोद पोल्लो अदिकार किन्ता ओर अदेना दास मन्तोर।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।