गलाति 1:7 - Muria Far Western

⁷ मति खरोय ओद सोबाता पोल्लोये हिले। मति हुचुक लोकुरक येसु मसिना सोबाता पोल्लोतुन बिगळे किस मिकुन भळके कियाना इच्चा किन्तोर।

गलाति 1:7 Iomraidhean Croise

मत्ति 24:24

बाक्याकि पकाय खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते आचतोरकुन वने भळके कियान साटि हजोर चिन्हा अनि पकाय चमत्कारता बुतोंग किस तोहानुरक।

बुतोंग 13:10

“हे सबोय दोखा अनि कपटिते निन्दितोर सयतानोर सन्तान, परमेस्वरना मुने येताना योग्य मन्ता सबोय बुतोता दुश्मन, निमा प्रबुना बारेता खरोय पोल्लोतुन वकळे कियाना बाताल तासिवि आयकि?

बुतोंग 15:24

मावानिगाडाल हुचुक लोकुरक अगा वास आपुना पोल्लोंगते मिकुन तकलिप किस मिया मन्दुन दुःख कितुरक इन्जोर माक केन्जतोम मति ओर लोकुरकुन माक बाताले आग्या हेवोम आसि।

बुतोंग 20:30

चेलालोरकुन येसुना बदला आपुना परके कियान साटि मसिना बारेता खरोय पोल्लोतुन बदले केवालोरक मियागाडाल तेदानुरक।

२ कुरिन्थुस 11:13

बाक्याकि इदाम लोकुरक येसुना खास चेलाल लोकुरक आयोर मति ओरक खोटाल सेवक लोकुरक मन्तोरक। ओरक माक येसु मसिना खास चेलाल लोकुरक आन्दोम इदाम तोहान साटि लोकुरकुन बहके केवालोर कपटि लोकुरक आन्दुरक।

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

२ कुरिन्थुस 4:2

माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।

गलाति 1:6

मसिना दयाते मिकुन केयतोर ओर परमेस्वरिन तासिस निमाट इचोन सान्डे आपुना विस्वासताल परके मल्स अनि दुसरोय प्रकारता येसु मसिना सोबाता पोल्लोतिके हन्दिला आतोरिट इन्जोर नाकुन पकाय आश्चरय आन्ता।

गलाति 2:4

इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 4:17

ओरक खोटाल शिक्षण करिहवालोर लोकुरक मिकुन गोतियाह बनेहकियानाता इच्चा मन्ता, मति ओरा इच्चा सोबाय उदेशते आयो। निमाट ओरकुने गोतियाह बनेहकिस मावाताल मिकुन अलग कियाना इच्चाते ओरक इदाम किन्तोरक।

गलाति 5:10

मियागा बोदायि दुसरो गलति करहाना आयो आयार इन्जोर नना प्रबुनिगा मिया बारेते भरोसा इरान्तोना। मति मिकुन बोर इदाम गलति करहाना किस मिकुन भळकेह किन्तोर ओर बोरायि मानेय मनिर ओन दन्ड पुटार।

गलाति 5:12

मिकुन कतनाता बारेते गलति शिक्षण करहिस बिगळे किन्तोर ओरक आपुना मेन्दुलता भाग पुरा कदियस वाटिर ते सोबाय आयार।

गलाति 6:17

नेटाल बोरायि कतना अनि मूसाना नियमतुन पालन कियाना बारेते गलति करहिस नाकुन तकलिप हेमाकिर, बाक्याकि पकाय तकलिपता द्वारा नावा मेन्दुलतिगा आता इद घावक येसु मसिना सेवक मन्तोना इन्जोर गवाह हिन्ता।

२ तिमुति 2:18

अनि ओरक इद खरोय करिहाना हरितुन विळिच गलति करिहाना हरिते वितान्तोर। अनि हातोर लोकुरक असा जिवेमातुरक इन्जोर वेहान्तोरक अनि इदाम हुचुक लोकुरा खरोय विस्वासतुन बहके किन्तोरक।

१ युहनाल 2:26

अनि बोर मिकुन बहके किन्तोर ओरा कारणते नना इव पोल्लोंग मिकुन कोटान्तोनान।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

२ यहुनाल 1:10

अनि बोरायि येसुना बारेते माक करिहता खरोयतुन विस्वास केवोर अनि ओर मिया हेरे वायिर ते ओन लोतिगा स्विकार केमा अनि ओन नमस्कार वने केमा।

२ यहुनाल 1:7

बाक्याकि इदाम दोखा केवाल मानेय पकाय इद दरतितिगा पसियतोरक। ओर येसु मसि मानेय आस वातोर इन्जोर मानेमायोर। दोखा केवाल अनि येसुना विरोद केवाल इदाम लोकुरक मन्तोरक।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:20

ओद पहलेटा जानवर अनि ओद जानवरतासंग अदेना मुने चमत्कारता बुतोंग किस लोकुरकुन भळकेह किस पहलेटा जानवरता शिक्का येतिहलाय अनि अदेना मूरतितुन आरादना किहितोर मन्तोर आपुनास परमेस्वरना पोल्लो वेहवाल आन्दोम इदाम खोटाल वेहवाल ओद दुसरो जानवरिन पयतुर। अनि ओरक इवुरासिन बन्दकिस गंधकते पतिन्ता ओद किसता तळायतिगा जितोय वाटसितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:20

मति आपुनास परमेस्वरना पोल्लो वेहवाल आन्दान इदाम खोटाल वळकस व्यभिचार कियाना अनि मूरतिहना मुने चळेहकिता चिजक तिन्दान साटि वने नावोर दासकुन करहिस भळकेह किन्ता इसाबेल पोरोयता आळदुन निमा परवांगि हितोन इदाम निया विरुद उन्दि दोष इन्दाना मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:6

ते वने निमा निकलाव्य दलतोरा बुतोता होंग किन्तोन इदाम उन्दि सोबाय पोल्लो नियागा मन्ता, ओरा बुतोतुन नना वने विरोद किन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:3

अनि ओद हजार वरसा पुरा आयानवनाह अलग-अलग जातितोर लोकुरकुन असा भळकेह केमाकिर इन्जोर अदेन अडिय बचोन खोल मन्ता इन्जोर माक पुनोम अचोन हजोर गडदातिगा वाटस अदेना पाटक बन्द किसितुर, अनि अदेन पोरो शिल हितुर। इदेना पजा अदेन हुडुक बेरा साटि असा लेहचिविर इन्जोर जरुरि मन्ता।