गलाति 1:6 - Muria Far Western

⁶ मसिना दयाते मिकुन केयतोर ओर परमेस्वरिन तासिस निमाट इचोन सान्डे आपुना विस्वासताल परके मल्स अनि दुसरोय प्रकारता येसु मसिना सोबाता पोल्लोतिके हन्दिला आतोरिट इन्जोर नाकुन पकाय आश्चरय आन्ता।

गलाति 1:6 Iomraidhean Croise

मरकुस 6:6

अनि ओरा अविस्वासतिगा ओन आश्चरय आत अनि ओर नालुंगास बासाडांग नाटेनिगा उपदेश हिसोर वलियतुर।

युहनाल 9:30

अनि ओर ओरकुन उत्तर हितुर, “ओर नावांग कोन्डानुंग सुदरे कितुर ते वने ओर बगाडोर आन्दुर इन्जोर निमाट ओन पुनविट ते इद आश्चरयता पोल्लो मन्ता।

बुतोंग 15:11

इंगो, प्रबु येसुना दयाते पिसाना पुटहानुर इन्जोर माक विस्वास किन्तोरोम अदामे ओरक वने विस्वास किन्तोरक” इन्जोर पतरस इतुर।

रोमि 10:3

परमेस्वर लोकुरकुन बदाम परमेस्वरना मुने येताना योग्य बनेकिन्तोर इन्जोर ओरक पुनोरक। अनि आपुना रितिते परमेस्वरना मुने येताना योग्य बनेमायाना कोसिस किन्तोरक इदाम किस ओरक परमेस्वरना अधिनते मन्ज ओन मानेमायोर आतुर।

रोमि 5:2

मावोर प्रबु येसु मसिना द्वारा विस्वासता कारण परमेस्वरना दयाते माक इदेक मन्तोरोम ओद दयातिगा माक हतोम अनि माक परमेस्वरना महिमातिगा सहभागि आयकोम इन्जोर आशाते पकायि गिरदा किन्तोरोम।

रोमि 8:28

अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम।

रोमि 8:30

अनि मुनेटाले आचतुर ओर लोकुरकुन ओर केयतुर, अनि ओर केयतुर ओर लोकुरकुन परमेस्वरना येताना योग्य बनेकितुर, अनि परमेस्वरना येताना योग्य बनेकितुर ओर लोकुरकुन ओर आपुना महिमा वने हितोर।

१ कुरिन्थुस 4:15

बाक्याकि मिकुन मसिना बारेते करिहवालोरक दाहा हजार मास्तर लोकुरक मन्दानुरक ते वने नना वरोरे मिकुन बाबो लेहका मन्तोना। बाक्याकि ननाय मिकुन मुने येसु मसिना सोबाता पोल्लो वेहवाल अनि मिकुन मसिनिगा विस्वास कियान साटि मदत केवाल मतोना।

२ कुरिन्थुस 11:4

बोरे मानेय मिया हेरे वासुन मिकुन दुसरो येसुना बारेते वेहानबेरा ओद पोल्लो निमाट पकायि गिरिदा येतान्तोरिट। ओर करहान्तोर येसु मिया साटि माक करियस हिता येसु आयो। अनि निमाट दुसरो आत्मा अनि येसुना बारेता दुसरो सोबाता पोल्लो येताना साटि पकायि ध्यान किन्तोरिट मति ओद आत्मा मिकुन पुटता आत्मा आयो। अनि ओद सोबाता पोल्लो माक मिकुन हिता पवित्र आत्मा अनि येसुना बारेता खरोय सोबाता पोल्लो आयो। इदाम खोटाल पोल्लोतुन निमाट बदाम मानेमाय परान्तोरिट बहे? इद हुळस नना आश्चरय किन्तोना।

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

गलाति 1:11

हे हेलाळ अनि तमोलोरक, नना मिकुन वेहतोना इद सुसमाचार मानेयना बुद्धिते बनेहकिता पोल्लो आयो इन्जोर नना मिकुन समजेह किन्तोना।

गलाति 1:15

मति नावा जनम आयानाता मुनेय नाकुन आचकुन आपुना दयातिगा केयस मतोर ओर परमेस्वर

गलाति 1:7

मति खरोय ओद सोबाता पोल्लोये हिले। मति हुचुक लोकुरक येसु मसिना सोबाता पोल्लोतुन बिगळे किस मिकुन भळके कियाना इच्चा किन्तोर।

गलाति 2:14

मति ओरक सोबाता पोल्लोता खरोयते ताकोर इन्जोर नना हुळतान असके नना सबोय लोकुरा मुने पतरसतुन इतान, “निमा यहुदि मानेय मन्तोन मति निमा यहुदि लोकुरा रितिरिवाज अनुसार आयो मति यहुदि आयोर लोकुरा लेहका ताकान्तोन। निमा यहुदि लेहका ताकवि ते निमा दुसरो यहुदि आयोर लोकुरकुन यहुदि रितिरिवाज अनुसार ताकिला पहाजे इन्जोर जबरदस्तिते बाक्या इन्तोन?”

गलाति 2:2

नना परमेस्वरना दरशनता अनुसार अगा हन्ज मतोना। नना किन्तोना ओद बुतो बेकार हन्माकि इन्जोर नना यहुदि आयोर लोकुरा नडुम प्रचार कियालाता ओदे सुसमाचारतुन नना अगा उन्दि सभातिगा, मसिलोकुरा सभाता केवल मुक्याह लोकुरकुने वेहतान।

गलाति 2:5

सुसमाचारता खरोय मियागा दरोज मन्दाना इन्जोर उन्दि घटकामेन्ड वने ओरा अदिकारते आयाना साटि माक मानेमायोम।

गलाति 2:7

मति पतरसतुन परमेस्वर यहुदिलोकुरकुन सुसमाचार वेहाना बुतो हिस मतोर अदामे परमेस्वर यहुदि आयोर लोकुरकुन सुसमाचार वेहाना बुतो नाकुन हितोर। इदाम परमेस्वर नाकुन उन्दि खास बुतो सोपे कितोर इन्जोर इदेना बारेते येरक मुक्यालोरक समजेमातुरक।

गलाति 5:14

बाक्याकि “निमाट आपुनोर हेरेटोरकुन आपुना लेहका मया इराट” इन्जोर इद उन्दिय आग्याते मूसाना सबोय नियम पुरा आन्ता।

गलाति 5:4

निमाट ओद नियमता द्वारा परमेस्वरना येताना योग्य बनेमायाना इच्चा किन्तोरिट ते निमाट मसिहाताल अलग अनि ओना दयाताल अरतोरिट।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

१ तिमुति 1:3

अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 2:1

इन्जोर हे नावोर प्रिय मरि, निमा येसुना दयाता द्वारा लाववाले आम।

१ पतरस 1:15

मति मिवोर केयवाल परमेस्वर पवित्र मन्तोर इन्जोर निमाट वने आपुना सबोय चाल-चलनतिगा पवित्र बनेमाम्ट।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:21

प्रबु येसु मसिना दया निमाट सबोय पवित्र लोकुरासंग मनि। आमिन।