गलाति 1:4 - Muria Far Western

⁴ प्रबु येसु मसिनिकेडाल मिकुन दया अनि शान्ति पुटसोर मनि,

गलाति 1:4 Iomraidhean Croise

मत्ति 13:22

काटापोदेलानिगा वितस मतोर ओव विजा ते वरोर मानेय पोल्लोतुन केन्जान्तोर मति इद सन्सारता चिन्ता अनि संपतिता दोखा पोल्लोतिगा आहचुन ओरा विस्वास नाश आन्तोरक ओरा बारेते आन्दु।

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

मत्ति 26:28

इद नावा नतुर आन्दु, इदेनते परमेस्वर आपुना लोकुरासंग उन्दि पुनाल करार बनेकितोर। अनि इद पकाय लोकुरा पापता मापि साटि पसियता मन्ता।

मत्ति 26:42

पजा ओर दुसरो बेरा हन्जुन, “हे नावोर बाबो, नना इद सहेन कियाना पकाय जरुरि मन्ता ते निया इच्चा पुरा आयि” इन्जोर प्रार्थना कितुर।

मत्ति 6:9

येसु असा ओरकुन इतुर, “निमाट इद रितिते प्रार्थना किसोर हन्ट: ‘स्वरगतिगा मन्तोन हे मावोर बाबो, निया पोरोय पवित्र मानेमायिर,

मरकुस 10:45

बाक्याकि नना मानेयतोर मरि सेवा किहान साटि आयो मति दुसरो लोकुरकुन आपुनाय सेवा कियान साटि अनि पकाय लोकुरकुन पापताल पिसान साटि आपुना जिवा हेविर इन्जोर दरतितिगा वातोना।”

लूका 22:19

अनि पजा येसु असा हारितुन पयतुर अनि परमेस्वरना धन्यवाद किसुन हारितुन किरिसुन चेलालोरकुन इदाम इन्तोर हितुर, “इद नावा मेन्दुल आन्द; नाकुन आल्हान साटि इदामे कियाकिट।”

लूका 22:42

“हे बाबा, निया इच्चा मन्दार ते इद पकाय तकलिपतुन नावा हेरेटाल गुचहा; मति नावा इच्चा लेहका आयो निया इच्चा पुरा आयि।”

युहनाल 10:11

बेस मेहवाल ननाय आन्दान। अनि बेस मेहवाल ओना बेळानुंग पिसहान साटि आपुना जिवा वने हिन्तोर।

युहनाल 12:31

इदेक इद दुनियाता लोकुरा न्यायकियानाता बेरा अवता; अनि दुनियाता लोकुरकनिगा राज्य केवाल सयतानतुन परमेस्वर हारे कियानुर।

युहनाल 5:30

अनि येसु असा इतुर, “नना आपुनास बाराय कियाला परोन; बदाम केन्जान्तोना अदामे न्याय किन्तोना। अनि नावा न्याय खरोय मन्ता बाक्याकि नना आपुना इच्चाते आयो मति नाकुन लोहवालना इच्चाते किन्तोना।

युहनाल 6:38

बाक्याकि नना आपुना इच्चाते आयो मति नाकुन लोहवाल नावोर बाबोना इच्चा पुराकियान साटि नना स्वरगताल रेयस वातोना।

रोमि 1:7

मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।

रोमि 12:2

अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।

रोमि 4:25

मावोर प्रबु येसु मसिन हातोरिगाडाल असो जिवेहकितोर ओर परमेस्वरनिगा विस्वास कितोरक माकुन वने अदेना द्वारा परमेस्वरना मुने येताना योग्य ठहरे कियान साटि मन्ता।

रोमि 8:27

मावा सबोय लोकुरा मन्दा इच्चातुन पुन्तोर ओर परमेस्वर पवित्र आत्मा बाताल प्रार्थना किन्तोर इन्जोर पुन्तोर बाक्याकि पवित्र आत्मा परमेस्वरना इच्चाता अनुसार परमेस्वरना पवित्र लोकुरक साटि विनन्ति किन्तोर।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

रोमि 8:32

परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे?

१ कुरिन्थुस 15:3

बाक्याकि नना येसु मसिनिगाडाल येचुन मिकुन इन्ज मता ओद सोबाता पोल्लोता सबोयताल महत्वता पोल्लो इद मन्ता: पवित्र पुस्तकतिगा कोटता लेहका मसि माकुन पापता दन्डताल पिसान साटि हातुर,

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

गलाति 6:14

मति मावोर प्रबु येसु मसि कुरुस पोरो हातुर अदेना कारण माकुन पुटता पिसानाता सोबाता पोल्लो वेहाना सिवायि दुसरो बोदे पोल्लोतिगा नना बसकेय घमन्ड केवोन आयका। अनि मसिना कुरुसता कारण संनसारिक दुनियाता पोल्लोतिगा मता नावा सबोय इच्चा नाश आतुंग अनि संनसारिक दुनियातुन नावागा मता सबोय इच्चा वने हातुंग।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

इफिसुस 5:16

अनि इव खराब दियांग मन्तांग इन्जोर मिकुन पुटता सन्दितुन बराबर उपयोग किम्ट।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

इफिसुस 6:12

बाक्याकि मावा युद्ध बोरे मानेयतासंग आयो, मति इद अदृश्य सन्सारता राज्य ताकिहवालोरक अनि अदिकारि लोकुरकताल मन्ता अनि इद सन्सारता अन्दकारतोर हजोर राजाल सयतान अनि ओव आबारतिगा मनवालोरक दुष्टा आत्माता सयनिक लोकुरकताल मन्ता।

फिलिप्पि 4:20

मावोर बाबो परमेस्वरना महिमा सबोय पिळि-पिळिते आसोर मनि। आमिन।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

१ तिमुति 2:6

ओर सबोय लोकुरा पापता पिसाना साटि आपुना जिवनतुन कुरुसतिगा बलिदान हितुर लेहचियानाता इद गवाहि परमेस्वर सबोय लोकुरकुन खरोय बेराते हितुर।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 2:5

माक वळकिला आतोरोम ओद वायवाल दुनियातुन परमेस्वर स्वरगदूतकना अधिन केवोर आतुर।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

याकुब 4:4

हे व्यभिचारि लोकुरक, बाताल दुनियातुन मया कियाना परमेस्वरतुन वयिर कियाना मन्ता इन्जोर निमाट पुनविट बहे? इन्जोर बोरायि मानेयतुन दुनियाता गोतियाह आयाना इच्चा मन्ता ओर मानेय आपुनतुन परमेस्वरना वयर बनेहकिन्तोर।

१ पतरस 2:24

माक पाप संबन्दताल हास दारमिकता साटि जिवन जिवेमायकाट इन्जोर ओर आपुना मेन्दुलतिगा मावा पापतुन येचुन कुरुस पोरो अन्जतोर, ओना मार तिन्दानाता कारण निमाट चंगा आतोरिट।

१ पतरस 3:18

बाक्याकि मसिहाल वने माकुन परमेस्वरना संबन्दते ओयिर इन्जोर ओर निरदोष मतोर ते वने माक पापि लोकुरक साटि उन्दि बेरा दुःख ताहतुर। अनि मेन्दुलते ओन हायानाता दन्ड पुटतु मति पवित्र आत्माता लावदे ओन असा जितो कितुर।

१ युहनाल 2:2

अनि ओरे मावोर पापता प्रायश्चित मन्तोर अनि केवल मावोर पापता साटि आयो मति सबोय लोकुरा पापता साटि ओर प्रायश्चित मन्तोर।

१ युहनाल 3:16

अनि ओर मावा साटि आपुना जिवा हितुर इदेनतेय माक मया बाताल इन्जोर पुतोम। इन्जोर माक वने तमोन साटि आपुना जिवा हियाला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5

अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:9

असके पजा सबोय जातिंग अनि गोत्र अनि अलग-अलग बोलि वळकवालोर लोकुरकताल, बोरे काहिला परोर इचोन उन्दि पकाय हजोर भीळ पान्डरि सन्दरा करस अनि आपुना कयतिगा खजुरता कोहक पयस सिंहासनता मुने अनि बेळा पिलाता मुने नितितोरक नना हुळतान।