गलाति 1:21 - Muria Far Western

²¹ अदेना पजा नना सिरिया अनि किलिकियाता प्रदेशतिके हतान।

गलाति 1:21 Iomraidhean Croise

मत्ति 4:24

अनि ओना यश सबोय सिरिया प्रदेशतिगा फयलेमात। अनि अलग अलग प्रकारता बिमारिते अनि दुःखते मतोरक अनि दुष्टात्माते पकाय तकलिपते मन्तोरक लोकुरकुन, अनि मिरगिता बिमार लोकुरकुन, अनि लकवा बिमार लोकुरकुन इदाम सबोय बिमार लोकुरकुन ओना हेरे ततुरक अनि येसु ओरकुन सुदरे कितुर।

बुतोंग 13:1

अन्ताकिया सहेरता मसिलोकुरा सभातिगा परमेस्वरना पोल्लो वेहवालोरक अनि परमेस्वरना पोल्लोतुन करिहवाल मतोरक। ओरक बरनबास अनि निगर पोरोयतोर शिमोन अनि कुरेनीतोर लुकियुस अनि हेरोद अन्तिपास राजानासंग हुडलोरपणताले पालेकितोर ओर मनायेन अनि शावुल इदाम लोकुरक मतोरक।

बुतोंग 15:23

ओरक ओरा कयदे इदाम कोटस लोहतुर: “येसुना खास चेला लोकुरक अनि मसिलोकुरा सभाता मुक्याल मन्तोर मियोर तमोलोरक अन्ताकिया अनि सिरिया अनि किलिकियातिगा मन्वालोर मसि विस्वास स्विकार कितोरक यहुदि आयोर मावोर बायि-दादालोरकुन नमस्कार किन्तोरोम।

बुतोंग 15:41

अनि ओरक अगडाल हतुरक अनि ओरक सिरिया अनि किलिकिया प्रदेशताल आसोर मसिलोकुरा सभातुन विस्वासते स्थिर किसोर हतुरक।

बुतोंग 18:18

पोलुस पकाय दियांगवनाह कुरिन्थुस सहेरतिगा मतुर। पजा कुरिन्थुस सहेरता विस्वासि लोकुरकुन धन्यवाद किस ओर प्रिसकिलाना अनि अक्विलासनासंग समुद्र टकाता किंख्रिया नाटेनिगा हतुर। अगा ओर परमेस्वरना मुने किता शपथ पुरा कितुर इन्जोर तोहान साटि आपुना तला टकल कितुर। अनि पजा ओर जहाजते सिरियातिगा हतुर अनि ओनासंग प्रिसकिल्ला अनि अक्विलास वने मतांग।

बुतोंग 21:3

सयिप्रस टापु दिसतु असके माक अदेन डावो कयबासाताल तासिस सिरिया प्रदेशतिके हन्दान्पा सूर सहेरतिगा रयतोम, बाक्याकि अगा ओद जहाजता सामान रेहाना मता।

बुतोंग 21:39

पोलुस ओन उत्तर हितुर: “नना ते किलिकिया प्रदेशता तरसुस सहेरतोर यहुदि मानेय आन्दान! नाकुन लोकुरासंग वळकिला हिम इन्जोर नना निकुन विनन्ति किन्तोना।”

बुतोंग 22:3

असके पोलुस इतुर: “नना ते ओद किलिकियाता प्रदेशता तरसुस सहेरतिगा जनमा आतोर वरोर यहुदि मानेय आन्दान, मति नना इद नगरतिगा गमालियेलना काल्कना हेरे उदस बाबो-दादिलोरा नियमतुन बेस रितिते करिहतोना। अनि निमाट सबोयलोर नेन्ड परमेस्वरना नियम सबोय मन्दे पालेकिन्तोरिट लेहका नना वने कितान।

बुतोंग 23:34

ओर चिटि वाचेकिस पुच्चेमातुर: “येर बोद प्रदेशतोर आन्दुर?”

बुतोंग 6:9

असके यहुदिलोकुरकनिकेडाल हुचुलोर लोकुरक वासुन स्तिफानुसनासंग वाद कियाला लागतुरक। ओर लोकुरक कुरेनि अनि सिकन्दरिया प्रदेशता लोकुरक साटि मता “स्वतन्त्र आतोर लोकुरा” पोरोयतोर यहुदि सभातोर मतोरक। किलिकिया अनि आसिया प्रदेशताल वातोर लोकुरक वने ओरासंग मतोरक। ओर सबोयि लोकुर वासुन स्तिफानुसिनासंग वाद-विवाद कितुरक।

बुतोंग 9:30

दुसरो विस्वासि लोकुरक इद पुन्ज ओन कयसरिया सहेरतिगा ततुरक अनि अगडाल तरसुस सहेरतिगा लोहतुर।