इफिसुस 6:8 - Muria Far Western

⁸ बाक्याकि बोरायि सोबाय बुतो कियानुर ते ओर दास या स्वतन्त्र मनिर ओर प्रबुनिकेडाल अदेना प्रतिफळ पुटहानुर इन्जोर निमाट पुन्तोरिट।

इफिसुस 6:8 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 20:7

ओरक ओन ‘माकुन बोरे रोजिते केयोर’ इन्जोर ओर उत्तर हितुर। असके मालकाल ओरकुन ‘निमाट वने अंगुरता बगिचातिगा हन्ट’ इन्जोर इतुर।”

मत्ति 5:12

स्वरगतिगा मिया प्रतिफळ पकाय हजोर मन्ता इन्जोर पकाय गिरदा किम्ट। ओरक मिया मुने मतोर ओरक परमेस्वरना पोल्लो वेहवालोकुरकुन वने इदे रितिते पकाय तकलिप किस मतोर।”

मत्ति 6:1

येसु असा ओरकुन इतुर, “केवल मानेयकुन तोहान साटि निमाट मिया सोबाय बुतो ओरा मुने केमाट इदाम सावदान मन्ट! आयोते आपुनोर स्वरगतोर बाबोनिकेडाल मिकुन बाताले प्रतिफळ पुटो आयार।”

मत्ति 6:4

निमा मकिहिच किन्तोन अदेन वने हुळान्तोर नियोर स्वरगतोर बाबो निकुन अदेना प्रतिफळ हियानुर।”

लूका 14:14

अदाम कियाकि ते निमा धन्य मानेय आयकि, बाक्याकि ओरिगा निकुन बदला हियान साटि बाराय हिलेंग अनि परमेस्वरना मुने येताना योग्य लोकुरा असा जिवे मायाना दिया निमा गरिब, विकलांग, लंगळाह, आन्दळाह लोकुरकुन तिहतोन ताना बदला परमेस्वर हियानुर” इन्जोर इतुर।

लूका 6:35

मति निमाट ते आपुनोर दुश्मन लोकुरासंग मया किम्ट, अनि ओरा भलायि किम्ट, उदारि हिता ओद मिकुन मलस पुटार इन्जोर भरोसा इरमा, इद भावते निमा दुसरो लोकुरकुन उदारि हिम्ट। असके मिया साटि स्वरगतिगा हजोर आशिष मन्दार, अनि निमाट सबोयताल हजोर परमेस्वरनोर बालक आयकिट। बाक्याकि परमेस्वरना धन्यवाद केवोरकुन अनि दुष्ट लोकुरकुन वने परमेस्वर दया किन्तोर।

१ कुरिन्थुस 12:13

बाक्याकि माक यहुदिलोकुरक या यहुदि आयोर लोकुरक या गुलाम या स्वतन्त्र मन्तोरक मति माक सबोय लोकुरक उन्दिय मेन्दुल आयान साटि वरोरे पवित्र आत्माताल बपतिस्मा आता। अनि उन्दि कटोराते उताप लेहका माक सबोय लोकुरक परमेस्वरताल उन्दिय पवित्र आत्मातुन पुटतोम।

२ कुरिन्थुस 5:10

आप आपुना मेन्दुलतिगा मन्दानपा माक सबोय लोकुरक सोबायि बुतो या खराब बुतो कितोम अदेना योग्य काया पुटान साटि माक सबोय लोकुरक मसिना न्यायता सिंहासनता मुने हाजर आयिला पहाजे।

गलाति 3:28

इदेक यहुदि अनि युनानि इदाम हिलेर, दास अनि स्वतन्त्र इदाम हिलेर, मानेय अनि आळ इदाम हिले, बाक्याकि निमाट सबोय लोकुरक येसु मसिनिगा उन्दि मन्तोरिट।

कुलुसि 3:11

अगा यहुदि अनि यहुदि आयोर लोकुरकनिगा बाराय फरक मनो आत, कतना अनि कतना आयोर इदाम, हेन्दडाल अनि अळानि, दास अनि स्वतन्त्र इद भेदे हिले। मति मसि दुनियाता सबोयताल हजोर मन्तोर अनि ओर सबोय लोकुराताल हजोर आस सबोय लोकुरासंग मन्तोर।

कुलुसि 3:24

मिकुन इदेना बदला प्रबुनिकेडाल बकसिसता रुपते वारिसदार आयाना प्रतिफळ पुटार इन्जोर पुन्ज निमाट प्रबु मसिना सेवा किसोर मन्ट।

कुलुसि 3:25

बाक्याकि बोर खराब बुतो कियानुर ओन अदेना अनुसार दन्ड पुटार अनि परमेस्वरिन बोनायसंग बोदायि पक्षपात हिले।

यहुदि 10:35

इन्जोर पकाय हजोर प्रतिफळ पुटान्ता परमेस्वरनिगा मन्ता मिया पका विस्वासतुन तासिमाट।