इफिसुस 6:12 - Muria Far Western

¹² बाक्याकि मावा युद्ध बोरे मानेयतासंग आयो, मति इद अदृश्य सन्सारता राज्य ताकिहवालोरक अनि अदिकारि लोकुरकताल मन्ता अनि इद सन्सारता अन्दकारतोर हजोर राजाल सयतान अनि ओव आबारतिगा मनवालोरक दुष्टा आत्माता सयनिक लोकुरकताल मन्ता।

इफिसुस 6:12 Iomraidhean Croise

मत्ति 16:17

येसु ओन, “हे योनानोर मरि शिमोन निमा धन्य मन्तोन, बाक्याकि मानेयक आयो मति स्वरगतिगा मन्तोर नावोर बाबो ओरे इद पोल्लो नियागा तोहतोर।

मरकुस 4:19

अनि आपुना जिवनता बारेता चिन्ता अनि धनसंपतिते लोकुरकुन गिरदा पुटार इन्जोर ओद धनता दोखा अनि बोदे दुसरो चिजता लालुच अगा मिलेमास परमेस्वरना पोल्लोतुन नोवचान्तांग अनि अव नाश आसिन्तांग।

लूका 13:24

अनि येसु ओन इतुर, “हुडला कवाळतिगाडाल हन्दाना पकाय मेहनत किम्ट, पकाय लोकुरक अद हरितिगाडाल हन्दाना कोसिस कियानुरक, मति हन्दा परोरक आयनुरक।

लूका 22:53

अनि नना मियासंग प्रार्थना लोतिगा रोजिय मन्दान मति निमाट नाकुन पयविट आतिट; मति इदेक परमेस्वर मिकुन पेयाना अदिकार हितुर, बाक्याकि इदेक अन्दकारता राजालना राज सुरु आता” इन्जोर इतुर।

युहनाल 12:31

इदेक इद दुनियाता लोकुरा न्यायकियानाता बेरा अवता; अनि दुनियाता लोकुरकनिगा राज्य केवाल सयतानतुन परमेस्वर हारे कियानुर।

युहनाल 14:30

अनि नना इदेक मियासंग असा पोल्लोंग केवोन बाक्याकि इद दुनियातोर राजाल मन्जे सयतान वायिला आतोर ओना नावा पोरो बाताले अदिकार हिले।

युहनाल 16:11

अनि इद दुनियातोर राजाल मन्जे सयतानुन दन्ड पुटार इन्जोर परमेस्वरना वायवाल न्यायता बारेते वने समजेहकिस हियानुर।”

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 8:38

बाक्याकि हायाना आयो अनि जिवन आयो, स्वरगदूत आयो अनि राज केवाल दुष्टात्मा आयो, वर्तमानता अनि भविष्यता बोवे पोल्लोंग आयो, दरतिता पोरोडा अनि दरतिता अडियता बोवे आत्मिक लाव आयो, इदाम बोवे सृष्टितुन,

१ कुरिन्थुस 15:50

हे नावोर बायि-दादालोरक, इद हवि अनि नतुरते बनेमाता मावा मेन्दुलतुन पयस माक स्वरगतिगा मन्दिला परोम इन्जोर नना मिकुन इन्तोना। कळियान्ता इद मेन्दुलसंग बसकेय कळियो ओद स्वरगता वारिस आय परो।

२ कुरिन्थुस 11:14

इगा बोदे आश्चरयता पोल्लो हिले बाक्याकि सयतान वने नना परमेस्वरना खरोय स्वरगदूत आन्दान इदाम तोहच लोकुरकुन बहके कियान साटि परमेस्वरना दूतता रुपते बदले किस वान्तोर।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

गलाति 1:16

आपुनोर मरि मसिना बारेता सोबाता पोल्लो यहुदि आयोर लोकुरकुन प्रचार कियान साटि मसिन नावागा तोहाना निर्णय किस नाकुन केयतुर ओद बेरा नना बोरे मानेयनिकेडाल बोदे सल्ला येतोन,

इफिसुस 1:21

अनि इद दुनियाते अनि वायवाल काळते वने सबोय प्रकारता राज, अदिकार, लाव, मुक्याह अनि सबोय पोरोयताल पोरो किस, परमेस्वर येसुन सबोयताल पोरो किसुन स्वरगतिगा आपुना तिन्दानबासा उपिहतुर।

इफिसुस 1:3

स्वरगता सबोय प्रकारता आत्मिक आशिष मसिना द्वारा माकुन हितोर मावोर प्रबु येसु मसिनोर बाबो परमेस्वरिन धन्यवाद आयि।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

इफिसुस 3:10

इदाम इदेक स्वरगतिगा राज अनि अदिकारतुन परमेस्वरना अलग अलग प्रकारता ग्यान,

कुलुसि 1:13

माकुन अन्दकारता राज्यता अदिकारताल पिसिहच आपुनोर प्रिय मरिना राज्यतिगा ओतोर ओर बाबोना धन्यवाद कियाला पहाजे इन्जोर मिया साटि माक वने विनन्ति किसोर मन्तोरोम।

कुलुसि 2:15

अनि मावा पोरोयता सयताना लाव अनि ओना अदिकारतुन हारमानेमास येसु मसिना कुरुस पोरो हायानाता द्वारा ओरागा विजयता जय जयकार किस परमेस्वर सबोय लोकुरा मुने ओरकुन खुल्लमखुल्ला तमाशा बनेहकितुर।

२ तिमुति 2:5

अनि बोरे करसवाल बोदे करसना नियमतुन अनुसार करसोर ते आकरि मुकुट ओन मिलेमायो।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

यहुदि 12:4

पापता विरोदते मिया लळायिते इदेकवनाह निमाट हायानवनाह विरोद किस मन्विट।

१ पतरस 3:22

ओर स्वरगतिगा हन्जुन परमेस्वरना तिन्दान कयबासा उदितुर, स्वरगदूत अनि अदिकारि अनि सबोय लाव ओना अदिकारता अधिनते मन्तांग।