इफिसुस 6:10 - Muria Far Western

¹⁰ आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

इफिसुस 6:10 Iomraidhean Croise

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

इफिसुस 1:19

अनि माक विस्वासि लोकुरक साटि बुतो किन्ता परमेस्वरना अतुलनिय रूपता लाव बचोन हजोर मन्ता इन्जोर मिकुन समजेमायाना साटि वने नना प्रार्थना किन्तोना।

इफिसुस 3:16

ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

फिलिप्पि 3:1

इदेक हे नावोर बायि-दादालोरक, निमाट प्रबुना संगते मन्तोरिट इन्जोर गिरदाते मन्ट! मिकुन असा-असा वने खोटाल करिहवालोरा बारेते कोटसोर मन्तोना ते नाकुन बाराय तकलिप आयो मति इद मिया सुरक्षा साटि मन्ता।

फिलिप्पि 4:13

नाकुन लाव हेवाल येसु मसि मन्तोर इन्जोर इदाम सबोय परिस्थितिते ओना मदतते नाक इदाम सबोय किया परान्तोना।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

कुलुसि 1:11

अनि ओना गिरदाता संग सबोय प्रकारते दिर अनि सहनशिलता तोह परकिट इन्जोर परमेस्वरना महिमाता लावता अनुसार सबोय प्रकारतांग सामर्थते लाववाले आसोर हन्ट।

२ तिमुति 2:1

इन्जोर हे नावोर प्रिय मरि, निमा येसुना दयाता द्वारा लाववाले आम।

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।

१ पतरस 3:8

आकरिते सबोयजन उन्दि मन अनि दयावाले अनि तमो लोकुरकुन मया केवाल अनि करुणामय अनि नम्र बने माम्ट।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

१ युहनाल 2:14

हे बाबो लोकुरक, येसु मसि मुनेटाल मन्तोर ओन निमाट पुतोरिट इन्जोर नना मिकुन साटि कोटतोना। हे लयोरक, निमाट लाववाले मन्तोरिट अनि परमेस्वरना पोल्लो मियासंग मन्ता अनि निमाट ओद दुष्ट बुतो केवालनिगा विजय आतोरिट इन्जोर नना मिकुन कोटतोना।