इफिसुस 5:8 - Muria Far Western

⁸ बाक्याकि निमाट पहले परमेस्वरना खरोयता बारेते आन्दार लेहका अन्जान मतोरिट मति इदेक निमाट प्रबुनिगा वेळिचितिगा वातोरिट इन्जोर निमाट प्रबुना लोकुरा लेहका ताकाट।

इफिसुस 5:8 Iomraidhean Croise

मत्ति 3:8

निमाट खरोय पस्तेमास अदेना योग्य जिवन जिवेमाम्ट।

मत्ति 4:16

इन्जोर परमेस्वरना पोल्लो वेहवाल यशायाहना द्वारा इन्ज मतोर ओद पोल्लो पुरा आयि इन्जोर इदाम आतु।

लूका 1:79

आन्दारतिगा मनवालोरकुन वेळिचि बदाम मुने हन्दाना साटि मदत किन्ता अदामे खरोय परमेस्वरतुन पुनोर आस पाप किसोर मन्तोरक, अनि हायानातुन वरियवालोरकुन परमेस्वर मदत कियान साटि अनि माकुन शान्तिता हरिते ओयान साटि इदाम किन्तोर।”

लूका 16:8

“अनि ओर गलति कोटिवान मानेय बचोर हुश्यारिते बुतो कितुर इन्जोर मालकाल हुळसुन दंगेमास ओना हजोरपण कितुर। बाक्याकि इद दुनियातोरक लोकुरक परमेस्वरना आचतोरक लोकुराताल वने पकाय हुशयारते आपुना बेरातोरक लोकुरासंग वेवहार किन्तोरक बहे।

युहनाल 1:9

असके ओद खरोय वेळिचि दुनियातिगा वायवाल मता अनि आन्दारते मनवालोर लोकुरकुन वेळिचि बदाम सबोय चिजतुन प्रगट किस हिन्ता अदामे परमेस्वरना बारेते खरोयतुन लोकुरकुन वेहान साटि ओर उन्दि वेळिचि लेहका मतोर।

युहनाल 12:35

अनि येसु ओरकुन इतुर, “इदेक हुडुक बेरायि वेळिचि मिया नडुम मनका। आन्दारतिगा भटके मायमाट इन्जोर बचोवनाह वेळिचि मियासंग मन्ता अचोवनाह निमाट ताकसोर मन्ट।

युहनाल 12:36

बोदवनाह वेळिचि मियासंग मन्ता वेळिचितिगा विस्वास किम्ट बाक्याकि निमाट वेळिचिता सन्तान आयकिट।”

युहनाल 12:46

अनि बदाम वेळिचि लोकुरकुन आपुना नालुंगास बासा बाताल मन्ता इन्जोर तोहान्ता अदाम लेहका नना इद दुनियातिगा वेळिचि आस वातोना बाक्याकि बोर आयि नावागा विस्वास कियानुर ओर आन्दारते मनोर आयनुरक।

युहनाल 8:12

अनि येसु असा लोकुरकुन इतुर, “नना दुनियाता वेळिचि आन्दान; बोराय नावा परके वायनुर ओर आन्दारते ताकोर आयनुर मति जिवन हेवाल वेळिचि पुटहानुर।”

बुतोंग 17:30

अनि मुने लोकुरक परमेस्वरतुन पुनोर आस मतोर मति ओर अन्जानता बेरातुन परमेस्वर ध्यान हेवोर आस इदेक सबोय जागातिगा सबोय मानेयकुन पस्तेमायिला पहाजे इन्जोर आग्या हिन्तोर।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 1:21

ओरक परमेस्वर मन्तोर इदाम पुन्तोर मति ओरक परमेस्वरतुन आदर अनि धन्यवाद हेवोरक। मति ओरक आपुना विचारते परमेस्वरना बारेते बेकार पोल्लोंग किन्तोरक इन्जोर ओरा निरबुद्धि मन आन्दारते निन्दिता।

रोमि 13:12

इदेक नरका मारार अनि दरोजता दियाता ओद वेळिचि पसियवाल मन्ता इन्जोर पापता अन्दकारतिगा लोकुरक बोद खराब बुतो किन्तोरक ओव सबोयतुन माक तासियाला पहाजे। अनि बदाम वरोर सयनिक हत्यार पयस तयार मन्तोर अदामे माक वने खराब बुतोता विरुद दियाता वेळिचितिगा सोबाय बुतो कियान साटि तयार मन्दिला पहाजे।

रोमि 2:19

नियमतिगा ग्यान अनि खरोय मन्ता। ओद ग्यान अनि खरोय निकुन नियमताल पुटता इन्जोर निमा परमेस्वरतुन पुनोर ओर लोकुरकुन ताकिहवाल मन्तोन। अनि बोर आन्दारते लेसकतोर ओरा साटि निमा वेळिचि मन्तोन ते,

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

२ कुरिन्थुस 3:18

इन्जोर दुपटा बदलेमाता चेहराते प्रबुना महिमा आरसाता लेहका प्रतिबिंब किन्तोरोम। इदाम माक सबोय लोकुरक आत्मा मन्तोर ओर प्रबुना ओद मान्जाना रूपतिगा हुळुक हुळुक आसोर ओना ओदे रूपता लेहका माक वने बदले मासोर दान्तोरोम।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

२ कुरिन्थुस 6:14

मसिनिगा विस्वास केवोरक लोकुरा खराब चालचलनतासंग निमाट संबन्द केमाट। बाक्याकि खरोय अनि खराब बाताल जोळेमायार बहे? या वेळिचि अनि अन्दकारतासंग बाताल संगत मन्ता?

गलाति 5:25

बाक्याकि पवित्र आत्माता द्वारा माक पुनाल जिवन्ते मन्तोरोम ते पवित्र आत्माता अनुसार ताकिला वने पहाजे।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

इफिसुस 4:18

ओरक परमेस्वरना बारेते बराबर पुनोर अनि परमेस्वरना बारेते समजेमायान साटि ओरकुन इच्चा हिले इन्जोर ओर अदेन पकाय विरोद किस परमेस्वर आपुना लोकुरकुन हिन्तोर ओद पुनाल जिवनताल ओरक लक हतुरक।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

इफिसुस 6:12

बाक्याकि मावा युद्ध बोरे मानेयतासंग आयो, मति इद अदृश्य सन्सारता राज्य ताकिहवालोरक अनि अदिकारि लोकुरकताल मन्ता अनि इद सन्सारता अन्दकारतोर हजोर राजाल सयतान अनि ओव आबारतिगा मनवालोरक दुष्टा आत्माता सयनिक लोकुरकताल मन्ता।

कुलुसि 1:12

अनि परमेस्वरना वेळिचिता राज्यतिगा, पवित्र लोकुरासंग सहभागि आयाना वारस पुटाना योग्य बनेहकिस,

कुलुसि 1:13

माकुन अन्दकारता राज्यता अदिकारताल पिसिहच आपुनोर प्रिय मरिना राज्यतिगा ओतोर ओर बाबोना धन्यवाद कियाला पहाजे इन्जोर मिया साटि माक वने विनन्ति किसोर मन्तोरोम।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

१ युहनाल 1:7

मति बदाम परमेस्वर वेळिचितिगा मन्तोर अदामे माक वने वेळिचितिगा ताकिकाट ते वरोर दुसरोनसंग संबन्द मन्ता अनि ओनोर मरि येसुना नतुर माकुन सबोय पापताल शुद्ध किन्ता।