इफिसुस 5:6 - Muria Far Western

⁶ बोरायि मिकुन खोटाल करिहनाते दोखा हेमाकिर, बाक्याकि इवे बुतोता कारण परमेस्वरना दन्ड परमेस्वरना आग्या मानेमायोर लोकुरकनिग आन्ता।

इफिसुस 5:6 Iomraidhean Croise

मत्ति 24:24

बाक्याकि पकाय खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते आचतोरकुन वने भळके कियान साटि हजोर चिन्हा अनि पकाय चमत्कारता बुतोंग किस तोहानुरक।

मत्ति 24:4

येसु ओरकुन उत्तर हितुर, “बोरे मिकुन भळके केमाकिर इन्जोर सावदान मन्ट!

मरकुस 13:22

बाक्याकि खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते परमेस्वर आचतोरकुन वने बहके कियान साटि चिन्ह अनि पकाय आश्चरयता बुतोंग तोहनुरक।

मरकुस 13:5

येसु ओरकुन इन्दा लागतुर, “बोरे मिकुन दोखा हेमाकिर इन्जोर हुशार मन्ट।

रोमि 1:18

परमेस्वरना विरोद किता खराब बुतो ते खरोयतुन मकहान्तोर लोकुरा खराब बुतोंग अनि सबोय गलतिता पोरो स्वरगताल परमेस्वर पकाय होंग किन्तोर।

कुलुसि 2:18

दर्शनता द्वारा पुटता इन्जोर लोकुरकुन आग्याता पोल्लो वेहच बोरायि मानेय नाटक किस पकाय नम्रता लेहका आपुनतुन तोहच अनि स्वरगदूतकना पुजा किस दुसरो लोकुरक वने इदाम कियाला पहाजे इदाम वेहचुन बोरे मिकुन दोखा हेमाकिर। मति इद सबोय मुर्खताता पोल्लो मन्ता बाक्याकि ओरा पापते निन्दिता गमन्डि मन्दे ओरक इदाम पोल्लोंग वळकान्तोर।

कुलुसि 2:4

बोरायि मानेय केवल केन्जा साटि सोबाय सोबाय मन्तांग ओव दोखा केवाल पोल्लोंग वळकस मिकुन भटके केमाकिर इन्जोर नना इदाम इन्दिला आतोना।

कुलुसि 2:8

मिकुन परमेस्वरना बारेते मानेयना ग्यान अनि केवल खोटाल करिना करहिसुन बोरायि मिकुन दोखा हेमाकिर इन्जोर हुशार मन्ट। ओद मानेयता परम्परा अनि इद दुनियाता लोकुर बनेहकिता नियमता अनुसार मन्ता मति इद मसिना बारेता खरोय करिहानाता विरुद मन्ता।

कुलुसि 3:6

(इद कारणते परमेस्वरना पकाय होंग आग्या मानेमायोर ओर लोकुरकनिगा अरान्ता।)

२ तिस्लुनि 2:3

बोदे रितिते निमाट बोनाय दोखाते अरमाट बाक्याकि पहले विस्वासता त्याग आयार अनि प्रबुन अनि प्रबुना कानुनतुन विरुद बुतोकेवाल प्रगट आयनुर।

यहुदि 13:9

प्रबु येसुना बारेता खरोय पोल्लोताल भटकेकिन्ता अलग अलग रितिता सबोय पुनाल करहानाते बहके मायमाट। पालन केवालोर लोकुरकुन बोदे फायदाते हिले जेवनता बारेता नियमते आयो मति परमेस्वरना दयातिगा मन स्थिर कियाना उचित मन्ता।

यहुदि 3:19

इदाम ओर लोकुरकुन परमेस्वर हिता आराम ओरा अविस्वासता कारणते ओरकुन पुटो आतु इदाम माक हुळान्तोरोम।

१ पतरस 2:8

ओरक ते पोल्लोतुन मानेमायोर इन्जोर, “ओद कल ओरकुन कोदोर लागस मुटाहना अनि दोखा आयाना कारण आयार।” अनि इदेन साटिय ओरक ठहरे मास मतोर।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।