इफिसुस 5:2 - Muria Far Western

² अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

इफिसुस 5:2 Iomraidhean Croise

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

युहनाल 13:34

अनि वरोन दुसरोन मया इराट इन्जोर नना मिकुन उन्दि पुनाल आग्या हिन्तोना। नना बदाम मियागा मया इरतोना अदामे निमाट वने वरोन दुसरोन मया इराट।

युहनाल 6:51

अनि स्वरगता रेयता जिवनता रोटि ननाय आन्दान बोरायि इद रोटितिगाडाल तिनिर ते ओरक दरोज साटि जितो मन्दानुरक। अनि नना हियाका ओद रोटि दरतिता लोकुरकुन जिवेमायान साटि हियाना नावा मेन्दुल आन्दु।”

रोमि 15:16

बाक्याकि निमाट परमेस्वर साटि उन्दि बलिदानता अर्पण लेहका निमाट पवित्र आत्माते पवित्र बनेमास परमेस्वरना येताना योग्य बनेमायिला पहाजे इन्जोर आलिहच हियान साटि नना इद पत्रतिगा मिकुन हुचुक पोल्लोंग साप-साप कोटस हिन्तोना।

रोमि 4:25

मावोर प्रबु येसु मसिन हातोरिगाडाल असो जिवेहकितोर ओर परमेस्वरनिगा विस्वास कितोरक माकुन वने अदेना द्वारा परमेस्वरना मुने येताना योग्य ठहरे कियान साटि मन्ता।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

रोमि 8:37

ते वने माकुन मया किन्तोर ओर मसिना द्वारा इव सबोय पोल्लोतिगा माक उन्दि हजोर विजयि पुटहिला आतोरोम।

१ कुरिन्थुस 16:14

अनि निमाट बाताले किन्तोरिट ते ओद मयाते किम्ट।

१ कुरिन्थुस 5:7

ओद सोडा लेहकाता जुनाल पापता स्वभावतुन तासिस निमाट सबोय लोकुरक पवित्र आयकिट। असके सोडा वाटोर अदाम पुनाल पिन्डि लेहका आयकिट। निमाट खरोय बोदे पाप हिले अदाम मन्दिला पहाजे। बाक्याकि ओद पसहा हनुमता बेरा बलि हिता बेळा पिला लेहका मसि सबोय लोकुरा पापतुन पिसहान साटि बलिदान आतोर।

२ कुरिन्थुस 2:14

मति मसिनिगा दरोज माकुन विजयता गिरिदातिगा ओन्तोर अनि मसिना बारेता ग्यान सोबाय दयमुर लेहका मावा द्वारा सबोय जागातिगा फयले किन्तोर ओर परमेस्वरना धन्यवाद आयि।

२ कुरिन्थुस 2:15

बाक्याकि माक परमेस्वरना हेरे मुक्ति पुटिहवालोर अनि नाश आयवालोर इवुरास साटि माक मसिना सोबाय दयमुर लेहका मन्तोरोम।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

गलाति 1:4

प्रबु येसु मसिनिकेडाल मिकुन दया अनि शान्ति पुटसोर मनि,

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

इफिसुस 1:4

अनि माक ओना मुने पवित्र अनि निरदोष मन्दान साटि दुनियाता उत्पत्ति आयानाता मुने येसु मसिना कारण माकुन मया किस आचतुर।

इफिसुस 3:17

मसिनिगा निमाट विस्वास किन्तोरिट इन्जोर ओर मिया मन्दिगा दरोज मन्दिला पहाजे। अनि उन्दि मराता हिरक बदाम ओद मरातुन मजबुत किन्तांग या उन्दि लोता पायवा बदाम ओद लोतुन मजबुत किन्ता अदामे परमेस्वरना मया मिकुन मजबुत किसोर मनि।

इफिसुस 3:19

अनि बोरे बसकेय पुरा समजेमाय परोर परमेस्वरना ओद मायातुन समजेमाम्ट अनि निमाट परमेस्वरना सबोय गुणते निन्दाट इन्जोर नना प्रार्थना किन्तोना।

इफिसुस 4:15

मति मयातिगा दुसरो लोकुरकुन खरोय करिहिनातुन वळकस सबोय पोल्लोतिगा येसु मसिना लेहका बरसोरिंग हन्ट ओर येसु मसि आपुना विस्वासि लोकुरकुन नियन्त्रन किन्ता तला लेहका मन्तोर। विस्वासि लोकुरक ओना मेन्दुल लेहका मन्तोरक।

इफिसुस 4:2

सबोय नम्रताते कोमलताते अनि धिरजतासंग दरोज व्यवहार किम्ट अनि मयाते वरोर दुसरोन सहन किम्ट।

इफिसुस 5:15

इन्जोर मिया जिवनता बारेते हुशयारिते मन्ट, निरबुद्धि लेहका जिवे मायमाट मति बुद्धिमान लेहका ताकाट।

इफिसुस 5:25

हे मुजोहनिटा, मसिहाल वने मसिलोकुरा सभातुन मया किस आपुनतुन ओरा साटि बलिदान हिसितुर अदामे आप-आपुना मुत्तेहनासंग मया इराट।

फिलिप्पि 4:18

इदेक नावा जरुरता सबोय चिज नावा हेरे मन्ता अनि पकाय वने मन्ता। निमाट लोहता ओद दान परमेस्वर साटि सोबाय मन्ता उन्दि दयमुर बलिदान लेहका परमेस्वरिन गिरदा किन्ता ओना येताना योग्य बलिदान लेहका इप्पफ्रुदितुसना कयदाल स्विकार किस नना पकाय संतुष्ट आतान।

कुलुसि 3:14

इव सबोय पोल्लोंग किम्ट, मति इदेनते सबोयताल हजोर मया मन्ता इन्जोर निमाट आपसते मया किम्ट अनि मयाते उन्दि आस पुरा जोळेमासोर मन्ट।

१ तिस्लुनि 4:9

अनि सबोय विस्वासि लोकुरकुन मया कियानाता बारेते मिकुन कोटानाता जरुरि हिले इन्जोर निमाट पुन्तोरिट, बाक्याकि निमाट आपसते मया किम्ट इन्जोर परमेस्वर मिकुन करिहतोर।

१ तिमुति 2:6

ओर सबोय लोकुरा पापता पिसाना साटि आपुना जिवनतुन कुरुसतिगा बलिदान हितुर लेहचियानाता इद गवाहि परमेस्वर सबोय लोकुरकुन खरोय बेराते हितुर।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 8:3

बाक्याकि वरोर हजोर याजक भेट, अनि बलि हियान साटि निवळे कितोर इन्जोर येना वने हेरे भेट हियान साटि बाताले पहाजे इन्जोर जरुरि मता।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

यहुदि 9:23

इन्जोर स्वरगता चिजता रुप लेहका मन्ता यहुदि लोकुरक आरादना कियान साटि इद दरतितिगा बनेकितोर तम्बुता इव चिजतुन इदाम नतुरता द्वारा शुद्ध कियाना जरुरि मता। मति स्वरगता चिजक साटि इदेनताल सोबाय बलिदान कियाना जरुरि मन्ता।

यहुदि 9:26

ते दुनियाता उत्पतिताल मसि असा असा पकाय तकलिप सहन किया लागस मनेर। मति ओर इद दुनियाता अन्ततिगा आपुना बलिदानता द्वारा पापतुन मापि केविर इन्जोर ओर उन्दि बेरा दिसतुर।

१ पतरस 4:8

अनि सबोयताल हजोर पोल्लो वरोन दुसरोनताल पकाय मया इराट इन्जोर मन्ता, बाक्याकि मया पकाय पापतुन मुचिन्ता।

१ युहनाल 3:16

अनि ओर मावा साटि आपुना जिवा हितुर इदेनतेय माक मया बाताल इन्जोर पुतोम। इन्जोर माक वने तमोन साटि आपुना जिवा हियाला पहाजे।

१ युहनाल 3:23

अनि माक ओनोर मरि येसु मसिना पोरोयतिगा विस्वास केविर इन्जोर ओना आग्या मन्ता अनि बदाम ओर माकुन आग्या हितोर अदेना अनुसार आपसते मया किम्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5

अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।