इफिसुस 4:22 - Muria Far Western

²² निमाट आपुना पहलेटा चालचनता बारेते मिकुन दोखा हिन्द ओद जुनाल स्वभावतुन टन्डस हरचिम्ट इन्जोर करहितोरिट।

इफिसुस 4:22 Iomraidhean Croise

रोमि 6:6

माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम।

रोमि 7:11

बाक्याकि पाप मूसाना नियमता द्वारा सन्दि पुटतु अनि ओद सन्दिते नाकुन पापकियान साटि इच्चा हिसुन दोखा हिन्ता। इदाम नियमता द्वारा हायाना दन्ड साटि योग्य आतान।

२ कुरिन्थुस 11:3

मति सयतान तेरासना रुपते अदन पोरोयता वाटिकातिगा वासुन आपुना चलाकिते हाव्वान दोखा हिस मता अदाम मसि साटि मन्ता मिया सबोय मन्दा मया अनि ध्यानताल मिकुन बहके किस लक ओयिर इन्जोर नना वरयान्तोना।

गलाति 1:13

यहुदि दरमदिगा नना पहले बदाम जिवे मान्दान अदेना बारेते निमाट केन्जतोरिट अनि नना परमेस्वरना मसिलोकुरा सभातुन पकाय तकलिप अनि नाश किन्दान इन्जोर वने निमाट पुन्तोरिट।

इफिसुस 2:3

ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

इफिसुस 4:17

इन्जोर परमेस्वरनिगा विस्वास केवोर यहुदि ओयोर लोकुरक आपुना मन्दा गलति विचारते ताकान्तोरक अदाम निमाट ओरा लेहका असा ताकमाट इन्जोर नना प्रबु नाकुन हितोर ओद अदिकारते मिकुन वेहान्तोना।

इफिसुस 4:25

इन्जोर खोटाल वळकाना हरचुन सबोय लोकुरक आपुनोर हेरेटोरासंग खरोय वळकाट बाक्याकि माक सबोय उन्दिय मेन्दुलता अलग अलग भाग मन्तोरोम।

इफिसुस 4:31

सबोय प्रकारतांग नफरत, प्रकोप, होंग अनि वाहचाना, निन्दा अनि सबोय प्रकारता खराब स्वभावतुन बाहरो टन्डस हरचिम्ट।

कुलुसि 2:11

निमाट मसिन स्विकार कितिट ओद बेरा आत्मिक रुपते मिया कतना वने आत मति ओद मानेयता कयदे आयो। मसि मिकुन हिता ओद कतनाता द्वारा मिया पापता स्वभावतुन ओर कदियस वाटसितुर।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

यहुदि 3:13

मति मियागडाल बोरे लोकुरकुन पापताल मोहनिकिस मिया मन कटोर केमाकिर इन्जोर “नेन्ड” इदाम बोद दियावनाह इन्तोर अचोवनाह सबोय दियांग वरोन दुसरोन सहारेह किसोर मन्ट।

याकुब 1:21

इन्जोर आपुना जिवाताल सबोय प्रकारता गलतितुन लक किस मिया जिवाता पिसाना किया परान्ता इदाम पोल्लोतुन परमेस्वर मिया ह्रुदयतिगा उरसता मन्ता ओद पोल्लोतुन नम्रताते स्विकार किम्ट।

याकुब 1:26

अनि बोरायि मानेय आपुना वन्जेर पोरो काबु इरोर आयनुर अनि ओर आपुनतुन दोखा हिस आपुनतुन भक्ति केवाल लेहका समजेमायिर ते ओना भक्ति व्यर्थ आयार।

१ पतरस 1:18

मिया बाबो-दादिनिकेडाल ताकसोर वान्ता बेकार चाल-चलनताल मिया पिसाना चान्दि-सोनो इदाम नाश आयवाल बोदे चिजता द्वारा आयो।

१ पतरस 4:3

खराब चाल-चलनता खराब इच्चा, व्यभिचार, दाळंगो उन्डाना, अनि पकाय गाटो तिन्ज दाळंगो उन्डाना इदाम खराब कार्याक्रम अनि पकाय वरे हिन्ता बेकार मूरति पुजातिगा हन्जुन अविस्वासि लोकुरा इच्चाता अनुसार मिया बेरा हन्दिला हितिट ओद पकाय आतु।

२ पतरस 2:13

अनि ओरक पकायि लोकुरा पोरो पकायि तकलिप आयाना कारण आतोरक इन्जोर ओरा पोरो वने पकायि तकलिप आयार। दियाता वेळिचितिगा भोग-विलास कियान साटि ओरकुन बोदे लज्जा हिले। ओरक मियासंग तिन्तोर-उन्तोर ते आपुनिकेडाल मयाता जेवन किस भोग-विलास किन्तोरक इन्जोर ओरक पान्डरि सन्दरातिगा काला डाग बदाम खराब हुळस लन्जाता कारण आयार अदामे ओर लोकुरक वने निमाट विस्वासि लोकुरा नडुम डाग लेहका लन्जाता कारण आयार।

२ पतरस 2:7

ओर परमेस्वरना नियमतुन विरोदते ताकवाल पापि लोकुरा नडुम मन्ज ओरा अशुद्ध पापता चाल-चलन हुळस-हुळस अनि केन्ज-केन्ज,