इफिसुस 4:21 - Muria Far Western

²¹ अनि बाताल खरोय निमाट ओनायि केन्जतिट अनि करिहितिट ओद सबोय पोल्लो येसुना खरोय करहाना मता।

इफिसुस 4:21 Iomraidhean Croise

मत्ति 17:5

अनि पतरस वळकिला आस मन्दुर अचोय बेरा आबारताल उन्दि ढगि वासुन ओरा पोरो दळमि आतु अनि ओद ढगितिगाडाल “येर नावोर प्रिय मरि आन्दुर, येनिगा नना गिरिदा मन्तोना, निमाट येनांग वेहतानुंग केन्जाट” इन्जोर उन्दि लेंग वातु।

लूका 10:16

अनि येसु असा इतुर, “मिया पोल्लो केन्जान्तोरक ओरक नावा वने पोल्लो केन्जान्तोरक; अनि मिकुन तुच्चा समजेमान्तोरक ओरक नाकुन वने तुच्चा समजेमान्तोरक; अनि नाकुन तुच्चा समजेमान्तोरक ओरक नावोरक लोहतोरकुन वने तुच्चा समजेमान्तोरक।”

युहनाल 1:17

अनि परमेस्वर आपुना नियमतुन मूसाना द्वारा हिता मन्ता मति येसु मसिना द्वारा परमेस्वर आपुना बारेते खरोय बाताल मन्ता इद प्रगट किस ओना द्वारा माकुन आशिरवाद कितोर।

युहनाल 10:27

अनि नावा बेळांग नावा पोल्लोंग मानेमातांग। अनि नना अवेहकुन पुन्तोना अनि अव नावा परके परके ताकान्तांग।

युहनाल 14:17

अनि ओर खरोयता आत्मा आन्दुर। ओन दुनियातोर लोकुरक स्विकार कियाला परोरक, बाक्याकि इद दुनिया ओन पुनोर अनि हुळोर। ओर मियासंग मन्तोर अनि ओर मियागा मन्दानुर इन्जोर ओन निमाट पुन्तोरिट।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

रोमि 10:14

मति प्रबुनिगा विस्वास केवोरक ते ओरक बदाम प्रार्थना कियानुरक? अनि ओना बारेते बसकेय केन्जोरक ते ओरक ओनिगा बदाम विस्वास इरानुर? अनि ओना बारेते बोरे वेहोर ते ओरक बदाम ओना बारेते केन्जानुरक?

२ कुरिन्थुस 1:20

परमेस्वरना बचोक वाचा मन्तांग अव सबोय येसु मसिनिगा इंगोतासंग मन्ता इन्जोर परमेस्वरना स्तुति आयान साटि ओना द्वारा माक आमिन इन्तोरोम।

२ कुरिन्थुस 11:10

अनि मसिना खरोयता गुण नावागा मन्ता इन्जोर अखिया प्रदेशतिगा नावा इद हजोरपणताल बोरे बन्द केवोर आयनुरक।

इफिसुस 1:13

मसिना द्वारा मिकुन वने मिया पिसाना साटिता सोबाता पोल्लो मन्जे परमेस्वरना खरोय पोल्लो निमाट केन्जुन ओनागा विस्वास किसुन,

इफिसुस 2:17

ओर वास परमेस्वरताल लक मतोरक यहुदि आयोर अनि परमेस्वरना हेरे मतोरक यहुदिलोकुरकुन परमेस्वरिन मिलेहकियानाता शान्तिता सोबाता पोल्लो केन्जिहतुर।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

कुलुसि 1:6

निमाट अदे सोबाता पोल्लो केन्जतिट अनि परमेस्वरना दयाता बारेता खरोयतुन सबोय रितिते समजेमातोरिट ओद दियाताल मिया जिवन बदाम बदलेमातु अनि परमेस्वरना स्वभावतुन मिया जिवाते सोबाता कायांग लेहका प्रगट किन्ता अदामे सबोय जागातिगा वने ओद सोबाता पोल्लो लोकुरा जिवनतुन बदलेहकिस सोबाता कायांग ततसोर मन्ता।

कुलुसि 2:7

अनि ओनागाय मिया विस्वास तोळिय लोपाडा हिरक लेहका खोल हन्ज मजबुत आस येसु मसिना संगते बरसोरिंग मन्ट। अनि बदाम मिकुन करिहतोर अदामे येसु मसिना विस्वासतिगा मजबुत आस परमेस्वरिन पकाय धन्यवाद किसोर मन्ट।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।